Հաղորդակցվեք արդյունավետորեն

Հյուրերի հետ արդյունավետ շփումը կարող է լավ այցը վերածել հիանալիի։ Օգտագործեք Airbnb-ի հաղորդագրությունների գործառույթները՝ կարևոր մանրամասներով և հիշեցումներով կիսվելու, հարցերին արագ պատասխանելու և ջերմ ընդունելություն առաջարկելու համար։

Այցի որակն էապես որոշվում է այն հանգամանքով, թե ինչպես եք հայտնում տեղեկությունները։ Ձգտեք․

• Լինել հասանելի։ Միացրեք ծանուցումները՝ հյուրերի հաղորդագրությունները ստանալու և դրանց արագ պատասխանելու համար։ Սան Ֆրանցիսկոյում հյուրընկալող Անետն ասում է, որ հյուրերին խնդրում է նույնիսկ աննշան խնդրի դեպքում անմիջապես կապվել իրենց հետ, որպեսզի հոգան դրա մասին։

• Լինել թափանցիկ։ Ճշգրտորեն ներկայացրեք, թե ինչ պետք է ակնկալեն հյուրերը։ «Այն, ինչ նշում եք որպես ձեր հյուրերին հասանելի, և այն, ինչ նրանք փաստացի ստանում են ժամանելիս, պետք է համապատասխանեն իրար»,- ասում է Սան Ֆրանցիսկոյում հյուրընկալող Դանիելը։

• Լինել սրտաբաց։ Հյուրերին հարցրեք, թե ինչ կարող եք անել, որպեսզի իրենց զգան ինչպես տանը։ «Կան բաներ, որոնք մենք՝ որպես հյուրընկալողներ, չենք կանխատեսում»,- ասում է Նյու Մեքսիկո նահանգի Սանտա Ֆե քաղաքում գործող սուպերտանտեր Սադին։

• Լինել հոգատար։ Այն, թե ինչպես եք արձագանքում որևէ խնդրի, կարող է թողնել անջնջելի տպավորություն։ «Կարող եք բարդ իրավիճակը վերածել մեկ այլ ամրագրման, եթե այն ճիշտ կարգավորեք՝ դրսևորելով ապրումակցում և աշխատելով արագ լուծել այն»,- ասում է Ավստրալիայի Նոր Հարավային Ուելս նահանգում Հյուրընկալողների խորհրդի անդամ և սուպերտանտեր Ֆելիսիթին։

Նախապես մտածեք, թե ինչ պետք է իմանան հյուրերը, որպեսզի խնդիրներ չառաջանան, և որպեսզի հարցերը նվազագույնի հասցվեն։ Ուղևորության պլանավորման և ճանապարհորդության կարևոր պահերը ներառում են՝

• Ամրագրման հարցում կամ հայտ։ Դուք ունեք 24 ժամ, որպեսզի պատասխանեք, երբ հյուրերը դիմում են ձեզ, բայց ավելի լավ է հնարավորինս շուտ պատասխանել։ Հյուրընկալողների մեծամասնությունը դա անում է մեկ ժամվա ընթացքում։ 

• Ամրագրման հաստատում։ Ուղարկեք «Շնորհակալություն ամրագրման համար» բովանդակությամբ հաղորդագրություն, որպեսզի կապվեք հյուրերի հետ և տեղեկացնեք նրանց, որ պատրաստ եք պատասխանելու ցանկացած հարցի։

• Ժամանում։ Հիշեցրեք հյուրերին ժամանումից մեկ-երկու օր առաջ, որ հավելվածում գտնեն ժամանման վերաբերյալ ցուցումները, և տրամադրեք ներս մտնելու վերաբերյալ կարևոր նշումներ։

• Այցի ընթացքում։ Ժամանումից անմիջապես հետո հարցրեք հյուրերին, թե արդյոք նրանք ունեն իրենց հանգիստը հարմարավետ դարձնելու համար անհրաժեշտ ամեն ինչ։ Կարող եք խորհուրդ տալ ձեր սիրած տեղական խանութները, ռեստորանները և զբաղմունքները։

• Մեկնում։ Մեկնումից անմիջապես հետո ուղարկեք գրություն՝ շնորհակալություն հայտնելով հյուրերին և խնդրելով կարծիք հայտնել։ Կարծիք գրեք նրանց մասին հնարավորինս շուտ։

Պատասխանների հաճախականության լավ ցուցանիշ ունենալը այն որոշիչ գործոններից է, որոնք կարող են նպաստել, որպեսզի ձեր տարածքն ավելի բարձր դիրք զբաղեցնի Airbnb-ում հյուրերի որոնումներում։ 

Սովորական հարցերը կանխատեսելու և դրանց անհապաղ պատասխանելու համար օգտագործեք այս գործառույթները «Հաղորդագրություններ» ներդիրում.

Արագ պատասխաններ 

• Ստեղծեք հաղորդագրությունների ձևանմուշներ, որպեսզի հեշտությամբ տրամադրեք տեղեկություններ, օրինակ՝ որտեղ կայանել, կամ արդյոք հյուրերը կարող են թողնել ուղեբեռը ժամանումից առաջ։ 

• Կարող եք անհատականացնել այս ձևանմուշները կարճ կոդերով, որոնք ավտոմատ կերպով լրացնում են հյուրի, ամրագրման և հայտարարության տվյալները։ 

• Արագ պատասխաններ ստեղծելուց հետո «Հաղորդագրություններ» ներդիրի տվյալ գործառույթն օգտագործում է արհեստական բանականություն` հյուրի հարցը հասկանալու համար, և ավտոմատ կերպով առաջարկում է ձեր ամենահարմար պատասխանը։ 

Պլանավորված հաղորդագրություններ 

• Ստեղծեք ստանդարտ հաղորդագրություններ և դրանց առաքումը հյուրերին պլանավորեք այնպիսի կարևոր պահերին, ինչպիսիք վերը նշվածներն են։ 

• Կարող եք անհատականացնել այս հաղորդագրությունները նաև կարճ կոդերով։

Այս հոդվածում պարունակվող տեղեկությունները կարող են փոխված լինել հրապարակումից հետո։