Պարզ շփում

Պլանավորված հաղորդագրությունների և արագ պատասխանների օգնությամբ կարող եք խնայել ձեր ժամանակը։ Այդ հաղորդագրությունները գրելիս հիշեք, որ հյուրերը, ամենայն հավանականությամբ, դրանք կկարդան, եթե ուղարկվել են ժամանակին և հակիրճ են։

Հյուրերին ավտոմատ կերպով ուղարկեք պլանավորված հաղորդագրություններ որոշակի գործողություններ կատարելուց (օրինակ՝ այց ամրագրելուց, ժամանումից և մեկնումից) հետո։

Կարող եք նաև ավելացնել պլանավորված հաղորդագրություններ հետևյալ դեպքերի համար։

• Ամրագրման հարցում կամ հայտ. պատասխանեք անմիջապես (կամ առավելագույնը 24 ժամվա ընթացքում), երբ հյուրերը դիմեն ձեզ։
• Ամրագրման հաստատում. շնորհակալություն հայտնեք հյուրերին ամրագրման համար և տեղեկացրեք, որ պատրաստ եք պատասխանելու ցանկացած հարցի։
• Նախքան ժամանումը․ 24-ից 48 ժամ առաջ հիշեցրեք հյուրերին, թե որտեղ կարող են գտնել ժամանման վերաբերյալ ցուցումները, ինչպես նաև կիսվեք ներս մտնելու հետ կապված նշումներով։ 
• Ժամանումից հետո․ հյուրերի ժամանումից կարճ ժամանակ անց հարցրեք նրանց, թե արդյոք ամեն ինչ կարգին է։
• Նախքան մեկնումը․ հյուրերի մեկնումից առաջ նրանց ուղարկեք սիրալիր հիշեցում ձեր սահմանած մեկնման ժամի մասին, որպեսզի կանխեք ուշ մեկնելու դեպքերը։
• Մեկնումից հետո․ շնորհակալություն հայտնեք հյուրերին և խնդրեք գրել կարծիք։ Ուսումնասիրեք դրանք հնարավորինս շուտ։

Հաճախ տրվող հարցերին պատասխանեք մեկ հպումով կամ սեղմումով՝ ստեղծելով արագ պատասխաններ։ Դուք կարող եք նույն արագ պատասխաններն օգտագործել ձեր բոլոր հայտարարություններում։

Անհատականացրեք ձեր պատասխանները կարճ կոդերով, որոնք ավտոմատ կերպով լրացնում են հյուրերի, ամրագրման և հայտարարության տվյալները։ Նախքան կարճ կոդեր օգտագործելը համոզվեք, որ ձեր հայտարարության բոլոր մանրամասներն ամբողջական են։

Կարճ կոդերի որոշ օրինակներ՝

• Հյուրի անունը
• Ժամանման ամսաթիվը
• Ժամանման ժամը
• Մեկնման ամսաթիվը
• Մեկնման ժամը
• Ժամանման եղանակը
• Մեկնման վերաբերյալ ցուցումներ
• Ուղղություններ
• Ուղեցույց
• Տան ուղեցույց
• Տան կանոններ
• Wi-Fi-ի անվանումը
• Wi-Fi-ի գաղտնաբառը

Եթե օգտագործում եք API-ով միացված ծրագրակազմ, դուք կարող եք օգտագործել այս գործառույթները ձեր ծրագրակազմում, եթե ձեր մատակարարը համակցել է դրանք։ Հակառակ դեպքում կապվեք ձեր մատակարարի հետ և պարզեք, թե երբ են դրանք հասանելի լինելու։

Այս հոդվածում պարունակվող տեղեկությունները կարող են փոխված լինել հրապարակումից հետո։