Կառավարեք ձեր օրացույցը

Հյուրերը կարող են ձեր հայտարարությունը որոնման արդյունքներում գտնել հրապարակումից հետո 24 ժամվա ընթացքում։ Ձեր օրացույցն ամբողջությամբ բաց է՝ ըստ կանխադրման։ Կարևոր է անմիջապես թարմացնել ազատ ամսաթվերը, հետո ընտրել չեղարկման կանոններ և հյուրերի կողմից ձեր տարածքի ամրագրման եղանակներ։

Արգելափակեք օրացույցն այն ամսաթվերի համար, երբ չեք կարող հյուրընկալել։ Ձեր հայտարարությունը կթաքցվի որոնման արդյունքներից, և այդպիսով կխուսափեք ամրագրումների չեղարկումից։

«Դուք ծառայություն եք մատուցում ձեր հյուրին և պետք է ամեն ինչ անեք այն պատվով կազմակերպելու համար»,- ասում է Ավստրալիայի Նոր Հարավային Ուելս նահանգում Հյուրընկալողների խորհրդի անդամ և սուպերտանտեր Ֆելիսիթին։

Ազատ ամսաթվերը կառավարելու համար կատարեք այս քայլերը։

• Որոշեք, թե որքան ժամանակ առաջ կարող են ամրագրել հյուրերը։ Կարող եք ամրագրումներ ընդունել նույն օրը՝ մինչև ինչ-որ կոնկրետ ժամ, կամ պահանջել, որ հյուրերն ամրագրեն ժամանումից առավելագույնը յոթ օր առաջ։

• Համաժամացրեք ձեր օրացույցները։ Airbnb-ի օրացույցն այլ օրացույցների հետ համաժամացնելն օգնում է կառավարել հյուրընկալման ժամանակացույցը և խուսափել կրկնակի ամրագրումներից։

• Ընտրեք չեղարկման կանոններ։ Դուք եք որոշում, թե որքան ճկուն կամ խիստ լինել հյուրի կողմից չեղարկման դեպքում։ Ընտրեք, թե որն է ձեզ ավելի հարմար։

• Արդիական պահեք օրացույցը։ Դա կօգնի կանխել ամրագրումների չեղարկումն ու չկրել համապատասխան տույժեր և վճարներ։

Որոշեք, թե երբ եք ուզում, որ հյուրերը ժամանեն ու մեկնեն, և որքան ժամանակ եք նախընտրում ամրագրումների միջև։

• Սահմանեք այցի նվազագույն և առավելագույն տևողությունները։ Կարող եք ստեղծել ուղևորությունների անհատականացված տևողություններ որոշակի ամսաթվերի համար։ Միշտ հետևեք տեղական կանոններին և կանոնակարգերին։

• Որոշեք նախապատրաստման համար անհրաժեշտ ժամանակը։ Որքա՞ն ժամանակ է ձեզ կամ ձեր հավաքարարներին հարկավոր ունենալ հյուրերի այցերի միջև։ Շատ հյուրընկալողներ թույլ են տալիս հյուրերի ժամանում նույն օրը, երբ մյուս հյուրերը մեկնում են։ Ուրիշները յուրաքանչյուր ամրագրումից առաջ և հետո արգելափակում են մեկ կամ երկու գիշեր։

• Սահմանեք ժամանման և մեկնման ժամեր։ Ընտրեք, թե որքան շուտ կարող են ժամանել և որքան ուշ կարող են մեկնել հյուրերը։ Նաև կարող եք սահմանել ժամանման վերջնաժամկետ, եթե չեք ուզում, որ հյուրերը շատ ուշ ժամանեն։

Դուք կարող եք ամրագրումներ ընդունել ավտոմատ կերպով կամ անձամբ։ Ցանկացած պահի կարելի է հեշտությամբ թարմացնել այս կարգավորումը։

• Ակնթարթային ամրագրումը բոլոր նրանց, ովքեր բավարարում են ձեր պահանջները հյուրի նկատմամբ և համաձայնում են տան կանոններին, թույլ է տալիս ավտոմատ ամրագրել ձեր օրացույցի ազատ ամսաթվերը։ Հարցերի դեպքում հյուրերն առաջվա պես կարող են կապվել ձեզ հետ։

• Ամրագրման հայտերի համար ունեք 24 ժամ, որպեսզի ընդունեք կամ մերժեք հյուրի հայտը նախքան դրա վավերականության ժամկետի ավարտը։ Այդ ժամանակը նախատեսված է համոզվելու համար, որ հյուրերը տեղյակ են հատուկ կանոնների կամ առանձնահատկությունների (օրինակ՝ դեպի միակ մուտքը տանող զառիվեր սանդուղքի) մասին։ Եթե թույլ տաք, որ ամրագրման հայտերի ժամկետն ավարտվի, պահանջված ամսաթվերը կարգելափակվեն օրացույցում, մինչև վերաբացեք դրանք։

Ամրագրման ինչ եղանակ էլ ընտրեք, արդիական պահեք օրացույցը, որպեսզի բացառեք ժամանակացույցների համընկնումներն ու չեղարկումները։

Այս հոդվածում պարունակվող տեղեկությունները կարող են փոխված լինել հրապարակումից հետո։