Նախապատրաստեք ձեր տարածքը

Հինգ աստղանի այցը սկսվում է ձեր տարածքում մանրուքների նկատմամբ ուշադրությունից։ Հյուրընկալ տունը կարող է բերելել ձեր առաջին հիանալի կարծիքները։

Հաջողակ հյուրընկալողներն առաջարկում են անել այս երեք քայլերը, որպեսզի տարածքը միշտ փայլի.

• Կենտրոնացեք ամենահաճախ օգտագործվող տարածքների վրա։ Սրբեք սեղանածածկերը, մաքրեք կեղտաջրերի խողովակները և լրալցրեք օճառի շշերը։ Վերստուգեք և համոզվեք, որ մազեր չեն մնացել։

• Թարմացրեք յուրաքանչյուր սենյակ։ Բացեք պատուհանները, փոշու շորով մաքրեք մակերևույթները և սրբեք հատակները՝ ներառյալ կահույքի տակ։ Անկողիններ պատրաստեք թարմ սպիտակեղենով և մաքուր սրբիչներ տրամադրեք յուրաքանչյուր հյուրի համար։

• Ստեղծեք հերթափոխության ստուգացանկ։ Հետևեք նույն ռեժիմին յուրաքանչյուր ժամանումից առաջ, որպեսզի աչքաթող չանեք որևէ բան։

«Ես վեց ժամ եմ սահմանել ամրագրումների միջև, որպեսզի կարողանանք մանրակրկիտ մաքրություն անել»,- ասում է Իսպանիայի Կանարյան կղզիներում Հյուրընկալողների խորհրդի անդամ և սուպերտանտեր Դանիելը։ «Տարածքը պետք է լինի ճիշտ այնպես, ինչպես այն ներկայացված է առցանց հայտարարության մեջ»։

Հյուրերն ակնկալում են, որ ձեր տարածքում կլինեն հիմնական պարագաներ։ Դրանք են՝

• զուգարանի թուղթ
• օճառ (ձեռքերի և մարմնի համար)
• մեկ սրբիչ յուրաքանչյուր հյուրի համար
• մեկ բարձ յուրաքանչյուր հյուրի համար
• սպիտակեղեն յուրաքանչյուր հյուրի մահճակալի համար

Օգնեք հյուրերին իրենց զգալ ինչպես տանը՝ յուրաքանչյուր սենյակում տրամադրելով հարմար տարրեր, օրինակ՝

խոհանոց

• ճաշասեղանի սպասք առավելագույն թվով հյուրերի համար
• սրճեփ մեքենա, թեյնիկ, կաթսաներ ու թավաներ և խոհանոցային պարագաներ
• աղ, պղպեղ և ձեթ
• սպասքի օճառ, չորացման դարակաշար և կտորե կամ թղթե սրբիչներ

հյուրասենյակ

• նստատեղեր առավելագույն թվով հյուրերի համար
• հոսքային հեռարձակման ծառայությամբ հեռուստացույց
• տան ուղեցույց՝ ցուցումներով, թե ինչպես օգտագործել սարքերը

լոգասենյակ

• ձեռքի սրբիչներ և լոգարանի գորգիկ
• զուգարանի խոզանակ և կոյուղու մխոց
• շամպուն, օդորակիչ և վարսահարդարիչ

ննջասենյակ

• վարագույրներ և մահճակալի կողքի սեղանիկներ՝ լամպերով
• հագուստի գզրոցներ կամ կախիչներ և ուղեբեռի համար նախատեսված տարածք
• լրացուցիչ վերմակ և օդափոխիչ կամ տարածքի տաքացուցիչ

Երբ կարգավորեք ձեր տարածքը, մեկ գիշեր անցկացրեք այնտեղ կամ խնդրեք ընկերներին մնալ և կարծիք հայտնել։ Դուք արագ կիմանաք, թե ինչ է պակասում։

Հյուրերը գնահատում են, երբ հյուրընկալողներն ուշադրություն են դարձնում մանրուքներին և առաջարկում են լրացուցիչ հարմարություններ՝ իրենց այցն ավելի հարմարավետ դարձնելու համար։ Դրանք կարող են ներառել խրոցակներ, բամբակե փայտիկներ, սեղանի խաղեր, հոսանքի սնուցիչ և ձեր գտնվելու վայրին հատուկ ցանկացած բան, օրինակ՝ հովանոցներ կամ լողափի սրբիչներ։

Փորձառու հյուրընկալողներից շատերն ասում են, որ սիրում են.

• Մատուցել ողջույնի նվեր։ Թողեք ձեռագիր գրություն, տեղական բարիքներով զամբյուղ կամ ինչ-որ բան՝ հատուկ առիթ նշելու համար։
• Ձևավորման միջոցով ստեղծել հարմարավետություն։ Մտածեք, թե ինչն է ձեզ օգնում հանգստանալ ճանապարհորդելու ընթացքում։ Պատերից կախված արվեստի գործերը, բույսերը և դեկորատիվ բարձերը կարող են ավելացնել հարմարավետություն և անհատականություն։
• Ունենալ տան ուղեցույցի տպագիր տարբերակը։ Ուղեցույցը դրեք հյուրերի համար հարմար տեղում, օրինակ՝ խոհանոցի սեղանածածկի վրա։
• Ընդգծեք առանձնահատկությունները։ Ձեր տարածքի նկարագրության մեջ նշեք այն ամենը, ինչ առաջարկում եք որոշակի կարիքների բավարարման համար, օրինակ՝ հատուկ աշխատանքային տարածք կամ հարմարություններ հատուկ կարիքներով անձանց համար։

«Ես ունեմ մանկական մանեժ, բարձր կերակրաթոռ, գրքեր և խաղալիքներ»,- ասում է Թենեսի նահանգի Նեշվիլ քաղաքում հյուրընկալող Էլսին։

Եթե ցանկանում եք ավելի շատ խորհուրդներ և չեք ստացել ձեր առաջին ամրագրումը, կարող եք անհատական ցուցումներ ստանալ սուպերտանտիրոջից։ Նրանք ամենաբարձր վարկանիշ ունեցող և ամենափորձառու հյուրընկալողներն են Airbnb-ում։

Այս հոդվածում պարունակվող տեղեկությունները կարող են փոխված լինել հրապարակումից հետո։