Նպատակների սահմանում՝ հայտարարության վիճակագրությունը բարելավելու համար

Եթե որոշել եք զարգացնել ձեր բիզնեսը, անպայման չէ սկսել հենց հունվարին։ Կանոնավորապես ստուգեք ձեր առաջընթացը և անհրաժեշտության դեպքում ճշգրտեք ռազմավարությունը․ դա է կլոր տարին հաջողության հասնելու գրավականը։

Ձեր հյուրընկալման գործիքներն ու ռեսուրսները թույլ են տալիս հեշտությամբ հետևել հայտարարության վիճակագրությանը, իմանալ այլ հյուրընկալողների հաջողության գաղտնիքները և նպատակներ դնել ձեր ուզած արդյունքին հասնելու համար։

Առանց առաջընթացը չափելու դժվար է իմանալ, թե ինչն է ճիշտ, ինչը՝ սխալ։ Տեղեկություններ հավաքելու համար օգտագործեք հյուրընկալման կառավարման վահանակը, որպեսզի՝

• վերլուծեք ձեր ամրագրումները և եկամուտները
• կարդաք հյուրերի կարծիքները
• ուսումնասիրեք տեղական զբոսաշրջության արդի միտումները

Հյուրընկալման կառավարման վահանակի «Գաղափարներ» բաժնում ներկայացված են հիմնական վիճակագրական տվյալները՝ ներառյալ ձեր ամսական եկամուտը, ամրագրված գիշերների քանակը, հյուրերի կարծիքները և ընդհանուր գնահատականը։ Այստեղ է գտնվում նաև «Հնարավորություններ» հարթակը, որը ցույց է տալիս ձեր տարածաշրջանում ճամփորդական միտումները, օրինակ՝ հյուրերն ինչպիսի տներ և հարմարություններ են ամենից շատ փնտրում։

Թվերը վերլուծելիս մտածեք՝ արդյոք ձեր գնանշման ռազմավարությունը և օրացույցի ազատ ամսաթվերը առավելագույնս նպաստավոր կերպով արտացոլում են տարածաշրջանում առկա ճամփորդական միտումներն ու սեզոնայնությունը կամ պիկ ժամանակահատվածները։ Նաև կարող եք հաշվի առնել ձեր հյուրերի կարծիքները։

«Լսեք հյուրերին»,- խորհուրդ է տալիս սուպերտանտեր Էլեյնը Իսպանիայի Բալեարյան կղզիներից։ «Նրանք կարող են ձեզ շատ բան ասել այն մասին, թե ինչը կարելի է բարելավել։ Բարելավումներ կատարելով՝ կկարողանաք ավելի լավ գին սահմանել»։

Տվյալների մեջ խորամուխ լինելու համար միացրեք մեր պրոֆեսիոնալ գործիքները, որպեսզի մուտք գործեք արդյունավետության կառավարման վահանակ։ (Գործիքները ցանկացած ժամանակ կարող եք անջատել ձեր հաշվի կարգավորումներում)։

Այդ պրոֆեսիոնալ գործիքները թույլ են տալիս հետևել ձեր վիճակագրությանը (զբաղվածության ցուցանիշին, մեկ գիշերվա միջին գնին, հյուրերի դիտումների քանակին և այլն), որն ունեցել եք վերջին մեկ տարվա ընթացքում մեկից ավելի հայտարարությունների համար։ Նաև կարող եք ձեր ցուցանիշները համեմատել նմանատիպ հայտարարությունների հետ, որպեսզի որոշեք, թե հյուրընկալման ձեր ռազմավարություններից որն է առավել արդյունավետ։

Երբ պարզեք, թե ինչի շնորհիվ կարող եք բարելավել հայտարարության վիճակագրությունը, հավանաբար կցանկանաք իմանալ՝ ինչպես կատարել անհրաժեշտ փոփոխությունները։ Զրոյից սկսելու փոխարեն՝ կարող եք օգտվել այլ հաջողակ հյուրընկալողների փորձից։

Ռեսուրս կենտրոնում կարող եք ծանոթանալ սուպերտանտերերի խորհուրդներին, օրինակ՝ բիզնես պլան կազմելու և սահմանափակ բյուջեով հարմարություններ ավելացնելու վերաբերյալ։ Կամ աչքի անցկացրեք մեր ամբողջական ուղեցույցը՝ ձեր հյուրընկալման բիզնեսը ավելի բարձր մակարդակի հասցնելու համար։

Նաև կարող եք սովորել այլ հյուրընկալողներից՝ Airbnb համայնքի կենտրոնում որոնելով ձեր կարիքներին համապատասխանող հրապարակումներ։ Դիցուք, դուք ուսումնասիրում եք ձեր ֆինանսները կառավարելու տարբեր եղանակներ։ Նյու Յորքից սուպերտանտեր Էննը համայնքային հրապարակման մեջ ներկայացնում է իր մոտեցումները։

«Իմ առաջին նպատակն է օրական միջին հաշվով վաստակել ծախսը գերազանցող եկամուտ»,- գրում է Էննը։ «Ես վարում եմ աճողական ընդհանուր գումարների աղյուսակ։ Վերջին երկու տարում եղել է դրական հաշվեկշիռ, և ես ուզում եմ, որ այդ միտումը շարունակվի»։

Հաջորդ քայլը՝ ձեր հավաքած բոլոր տեղեկությունները վերածեք գալիք տարվա նպատակների։ Մտածեք՝ ինչն է առավել արժանի ուշադրության, և ինչ գործողություններ կարող եք ձեռնարկել ձեր առաջընթացի մեկնարկը տալու համար։

Ահա որոշ նպատակներ և դրանց հասնելու ուղիները.

1. Մեծացրեք ձեր ամրագրումների քանակն ու եկամուտները
Հնարավոր է՝ առաջին փորձից չհաջողվի գտնել ճիշտ գնանշման ռազմավարությունը։ Որպեսզի հասնեք ձեր ֆինանսական նպատակներին՝ միաժամանակ գրավիչ մնալով հյուրերի համար, կարող եք ավելացնել տնային կենդանու վճար կամ զեղչ առաջարկել ավելի երկար այցերի դեպքում։

Հյուրընկալման ոլորտում հաջողության հասնելու համար շատ կարևոր է արդիական պահել հայտարարությունը։ Հասկանալով տեղական զբոսաշրջության միտումները պիկ, ակտիվ և պասիվ սեզոններին՝ պլանավորեք ձեր օրացույցի ազատ ամսաթվերը։

Մինչ դուք պարզում եք, թե ինչն է լավագույնը ձեզ համար, Բեռլինից սուպերտանտեր Էնդրյուն խորհուրդ է տալիս համբերատար լինել և կենտրոնանալ հյուրերի պահանջների բավարարման վրա. «Airbnb-ի որոշ հայտարարություններ կլոր տարին ամրագրված են, բայց սովորաբար պահանջվում է մի ամբողջ տարի, որպեսզի հասկանաք ձեզ վերաբերող օրինաչափությունները և աստիճանաբար հեղինակություն ձեռք բերեք կարծիքների հիման վրա»։

2. Ստացեք հյուրերի ավելի լավ կարծիքներ
Բարելավեք ձեր տարածքի նկարագրությունը՝ սահմանելով հստակ ակնկալիքներ և ընդգծելով հյուրերի ուզած հարմարությունները, ինչպիսիք են գերարագ Wi- Fi-ը և լիովին կահավորված խոհանոցը։ Անպայման ներառեք տարածքը ճշմարտացիորեն ցուցադրող բարձրորակ լուսանկարներ։

«Գլխավոր լուսանկարները մեծ նշանակություն ունեն տարածքի ամրագրումները խթանելու հարցում»,- ասում է Էնդրյուն։ «Շատ կարևոր են աչքի համար գրավիչ գույներով հստակ պատկերները և ճիշտ կադրավորումն այնպես, որ առարկան ամբողջությամբ տեսանելի լինի նույնիսկ մանրապատկերում»։

Հյուրերը շատ են կարևորում նաև մաքրությունը. անթերի մաքուր տարածքի համար կարող եք ստանալ դրական կարծիքներ։ Հյուրերին ներկայացրեք, թե ինչ աշխատանքներ եք կատարում ձեր տարածքը մաքրելու և մանրէազերծելու համար։

3. Պարզեցրեք հյուրընկալման առօրյան
Հաճախակի հանդիպող խնդիրների լուծման ավելի արդյունավետ եղանակներ գտնելով՝ կհեշտացնեք հյուրընկալումը և կհասնեք ձեր նպատակներին։ Փորձեք օգտագործել արագ պատասխաններ և պլանավորված հաղորդագրություններ՝ հյուրերի հետ ձեր շփումն ավտոմատացնելու համար։

Ժամանակ խնայող միջոցներ են նաև ժամանման գործընթացի պարզեցումը, մաքրման կանոնների կատարելագործումը և տան կանոնների հստակեցումը։ «Տան կանոնները չպետք է նմանվեն դատաիրավական շարադրանքի»,- ասում է Ռիո դե Ժանեյրոյից սուպերտանտեր Ջ․ Ռենատոն։ «Այլապես ոչ ոք չի կարդա դրանք»։

Ինչպիսին էլ լինեն ձեր հյուրընկալման նպատակները, մենք ձեզ կօգնենք հասնել դրանց և այս տարին դարձնել մինչ այս ամենահաջողվածը։

Այս հոդվածում պարունակվող տեղեկությունները կարող են փոխված լինել հրապարակումից հետո։