Ինչպես օպտիմալացնել հյուրընկալման առօրյան

Հյուրընկալումը ժամանակ է խլում, բայց, երբ հունի մեջ ընկնեք, կարող եք օպտիմալացնել ձեր առօրյայի մեծ մասը։ Այդ կերպ կարող եք կենտրոնանալ ձեր հյուրերի համար հիշարժան փորձառություն ստեղծելու վրա։

Մաքրման կանոններ ստեղծելով՝ կկարողանաք հեշտացնել հյուրերի հերթափոխման հետ կապված խնդիրները։

• Ճիշտ կլինի վարձել պրոֆեսիոնալ հավաքարարի, որը կօգնի պահպանել կարգուկանոն։
• Ընտրեք նմանատիպ գույնի անկողնային պարագաներ և սրբիչներ, որպեսզի կարողանաք բոլորը միանգամից լվանալ։
• Միշտ պատրաստ ունեցեք լրացուցիչ անկողնային պարագաներ ու սրբիչներ՝ իրար հաջորդող հյուրերի կացությունն արագ կազմակերպելու համար։
• Պլանավորեք կանոնավոր ու մանրազնին մաքրություն՝ այցերի միջակայքում մաքրման աշխատանքները հեշտացնելու համար։
• Պլանավորեք մաքրման միջոցների և այլ անհրաժեշտ պարագաների, օրինակ՝ զուգարանի թղթի և օճառի պարբերական պատվերներ։ Սա կարող է խնայել ժամանակը և օգնել ձեզ խուսափել պաշարների սպառումից։
• Գնեք մեծ քանակությամբ՝ ձեր և հյուրերի կողմից ամենաշատն օգտագործվող իրերի, օրինակ՝ շամպունի և մազերի կոնդիցիոների պաշարներ ունենալու համար։ 

Հյուրերի հաղորդագրություններին պատասխանելը չպետք է ժամանակատար լինի։ Airbnb-ի գործիքների միջոցով ավելի արդյունավետորեն կհաղորդակցվեք հյուրերի հետ։

• Ներբեռնեք Airbnb հավելվածը՝ արագ պատասխանելու համար։ Միացրեք push-ծանուցումները և սարքը պահեք ձեռքի տակ՝ ձայնը միացված վիճակում։
• Օգտագործեք պլանավորված հաղորդագրություններ, որոնք թույլ են տալիս որոշակի մանրամասներ հայտնել այն պահերին, երբ հյուրերը, հավանաբար, ունեն դրանց կարիքը (օրինակ՝ հաստատելով, որ հյուրերը ժամանման վերաբերյալ ցուցումներ են ստացել իրենց այցից մեկ օր առաջ)։
• Նախապես սահմանեք արագ պատասխաններ, որպեսզի ավելի արագ պատասխանեք հաճախ տրվող հարցերին՝ պատասխանները նախապես գրելով։ «Հաղորդագրություններ» ներդիրն ավտոմատ կերպով ցույց է տալիս, թե ձեր արագ պատասխաններից որ մեկը կարող է լավագույնս կիրառվել նամակագրության համար։

Ժամանումը պարզեցնելով՝ հյուրերին կօգնեք ավելի լավ զգալ իրենց։ Ավելացրեք համահյուրընկալողի, որը կօգնի կառավարել ձեր հայտարարություններն ու ամրագրումները։

• «Հայտարարություններ» ներդիրում օգտագործեք Ժամանման ուղեցույցը, որպեսզի ավելացնեք կարևոր մանրամասներ՝ ներառյալ ժամանման եղանակն ու ժամը, ուղղությունները, տան ուղեցույցը և Wi-Fi-ի գաղտնաբառը։
• Ավելացրեք ինքնուրույն ժամանման տարբերակ՝ օգտագործելով թվային կոդեր, սմարթ կողպեքներ կամ մինի սեյֆեր, ինչի շնորհիվ կխնայեք ձեր ժամանակն ու հյուրերին կտրամադրեք ավելի մեծ ճկունություն։
• Տրամադրեք տան ուղեցույց, որում կտաք ցուցումներ, օրինակ՝ ինչպես օգտագործել հարմարությունները կամ օգտվել Wi-Fi-ից։

Այս հոդվածում պարունակվող տեղեկությունները կարող են փոխված լինել հրապարակումից հետո։