Ինչպես է որոնումն աշխատում Airbnb-ում

Դուք ստեղծել և հրապարակել եք հայտարարություն և այժմ ուզում եք, որ մարդիկ ծանոթանան դրան։։ Ինչպե՞ս են նրանք գտնում այն։ Ահա մի քանի բան, որ կարող եք անել որոնման արդյունքներում ձեր դիրքը բարելավելու համար։

Airbnb-ի որոնման ալգորիթմը օգտագործում է բազմաթիվ գործոններ՝ որոնման արդյունքներում հայտարարությունների դասավորությունը որոշելու համար։ Ոչ բոլոր գործոններն են հավասարազոր։ Հայտարարության գինը, որակը և պահանջարկը մեծապես ազդում են հայտարարության դիրքի վրա։

Ալգորիթմը նախապատվություն է տալիս տարածքի ընդհանուր գնին նախքան հարկերը (ներառյալ վճարները և զեղչերը) և տարածքի որակին՝ տարածաշրջանի նույնատիպ հայտարարությունների հետ համեմատած։ Տարածքի լուսանկարները, հյուրերի կարծիքները և այլ բնութագրեր կարող են օգնել որոշել դրա որակը։

Մրցունակ գնի սահմանումը և բարձր որակի պահպանումը կարող են նպաստել ձեր վարկանիշի բարելավմանը, քանի որ ցանկացած տարածաշրջանում լավագույն գին առաջարկող հայտարարությունները, որպես կանոն, հայտնվում են որոնման արդյունքների ավելի բարձր դիրքերում։

Airbnb-ի ալգորիթմը գնահատում է ձեր հայտարարության պահանջվածությունը՝ օգտագործելով բազմաթիվ տեղեկություններ։ Այն հաշվի է առնում, թե որքան հաճախ են հյուրերը ամրագրում ձեր տարածքը, այցելում ձեր հայտարարության էջ և հայտարարությունն ավելացնում իրենց ընտրանիներում։

Ավելի մեծ պահանջարկ ունեցող հայտարարությունները, որպես կանոն, ավելի բարձր դիրք են գրավում որոնման արդյունքներում։ Հյուրերի հետաքրքրությունը շարժելու համար խորհուրդ ենք տալիս.

• Առաջարկել հյուրերի կողմից սիրված հարմարություններ, օրինակ՝ գերարագ Wi-Fi, ինքնուրույն ժամանում և անվճար կայանատեղի։
• Նկարագրել ձեր տարածքի յուրահատկությունները կոնկրետ մանրամասներով, ինչը հյուրերին թույլ կտա հստակորեն իմանալ, թե ինչ ակնկալել։
• Ցուցադրել գրավիչ տեսարան ներկայացնող բարձրորակ լուսանկարներ։ Բարձրորակ լուսանկարները կարող են աչքի ընկնող դիրք ապահովել տվյալ կատեգորիայում։

Airbnb-ի ալգորիթմը հաշվի է առնում ձեր հայտարարության ազատ ամսաթվերը, հարցումներին պատասխանելու արագությունը և ամրագրումներ ընդունելու հաճախականությունը։ Որքան ավելի շատ ազատ ամսաթվեր առաջարկեք օրացույցում, այնքան ավելի հավանական է, որ ձեր հայտարարությունը համապատասխանի հյուրի որոնման չափանիշներին և հայտնվի որոնման արդյունքներում։

Հայտարարության որոնման արդյունքներում ձեր դիրքը բարելավելու համար անհրաժեշտ գործողություններ.

• Ամրագրման հայտերին պատասխանեք 24 ժամվա ընթացքում։ Խուսափեք ամրագրման հայտերը հաճախակի մերժելուց։
• Օգտագործեք Ակնթարթային ամրագրում, որպեսզի հյուրերը կարողանան գտնել ձեր հայտարարությունը, երբ որոնման արդյունքները զտեն այդ տարբերակով։ Այս գործառույթը հյուրերին թույլ է տալիս ակնթարթորեն (առանց նրանց հայտերի ընդունման անհրաժեշտության) ամրագրել տարածքը, ինչի շնորհիվ ավելի արագ կպատասխանեք հայտերին։
• Քչացրեք ամրագրումների վրա դրված սահմանափակումների քանակը, օրինակ՝ այցերի նվազագույն և առավելագույն տևողությունները։

Հյուրերի ակնկալիքները ձեր հայտարարության նկարագրության մեջ սահմանելու, այնուհետև դրանք որպես հյուրընկալող բավարարելու կամ գերազանցելու ձեր ունակությունը, որպես կանոն, ժամանակի ընթացքում բարելավում է որոնման արդյունքներում ձեր դիրքը։

Ձեր տարածքի մասին ճշգրիտ մանրամասներ տրամադրելը և հյուրերի հետ հստակորեն շփվելը կարող են հանգեցնել այցերից հետո հյուրերի կողմից ավելի բարձր գնահատականների և կարծիքների։ Դա նաև կօգնի խուսափել հաճախորդների՝ սպասարկման հետ կապված բողոքներից, ինչը կարող է բացասաբար անդրադառնալ ձեր հայտարարության վարկանիշի վրա։

Ալգորիթմը նաև հաշվի է առնում, թե արդյոք սուպերտանտեր եք (բարձր վարկանիշ ունեցող, փորձառու հյուրընկալողի մեր սահմանումը) կամ բավարարում եք սուպերտանտեր դառնալու բոլոր պահանջները կամ դրանցից մի քանիսը։ Պահանջները ներառում են, օրինակ, հյուրերի ամրագրման հարցումներին արագ արձագանքելը և ձեր կողմից չեղարկումները նվազագույնի հասցնելը։

Հյուրերը հնարավորություն ունեն զտելու որոնման արդյունքները, որպեսզի տեսնեն միայն սուպերտանտերերի հայտարարությունները։

Իմացեք ավելին՝ ծանոթանալով հաջողակ հայտարարություն ստեղծելու մեր ուղեցույցին

Այս հոդվածում պարունակվող տեղեկությունները կարող են փոխված լինել հրապարակումից հետո։