Միացեք Համահյուրընկալողների ցանցին

Այժմ կարող եք ձեր տարածաշրջանում տարածքներ ունեցող հյուրընկալողներին անհատականացված աջակցություն առաջարկել Համահյուրընկալողների ցանցի միջոցով։ Ցանցին միանալը հիանալի միջոց է, որպեսզի՝

• Գովազդեք ձեզ և ձեր ծառայությունները։
• Հայտնեք, թե որքան եք գանձում։
• Կապ հաստատեք հնարավոր գործընկերների հետ։
• Աշխատեք անկախ՝ սեփական տեմպով։

Համահյուրընկալող փնտրող յուրաքանչյուր ոք կարող է որոնել ցանցում, որպեսզի գտնի փորձառու տեղացի գործընկերոջ և համագործակցի նրա հետ։ 

Համահյուրընկալողների ցանցը հասանելի է Ավստրալիայում, Բրազիլիայում, Կանադայում, Ֆրանսիայում, Գերմանիայում, Իտալիայում, Մեքսիկայում, Իսպանիայում, Միացյալ Թագավորությունում և ԱՄՆ-ում։ Ցանցը 2025 թվականին կընդլայնվի ավելի շատ երկրներում։

Համահյուրընկալողի պրոֆիլում դուք գովազդում եք ձեր հմտությունները և ավելացնում մանրամասներ ձեր մատուցած ծառայությունների մասին։ Համահյուրընկալման ծառայությունների ցանկից ընտրեք՝

• հայտարարության կարգավորումներ
• գների և ազատ ամսաթվերի սահմանում
• ամրագրման հայտերի կառավարում
• հյուրերի հետ հաղորդագրությունների փոխանակում
• տեղում աջակցություն հյուրերին
• մաքրություն և տեխնիկական սպասարկում
• տարածքի լուսանկարահանում
• ինտերիերի ձևավորում և ոճավորում
• լիցենզավորում և հյուրընկալման թույլտվություններ

Կարող եք նաև նկարագրել ձեր առաջարկած լրացուցիչ ծառայությունները, օրինակ՝ լանդշաֆտային դիզայն, բիզնեսի վերլուծություն և հյուրընկալության քոուչինգ։

Ձեր տարածաշրջանում աջակցություն փնտրող հյուրընկալողները կարող են հարցեր տալ և դիմել ձեր ծառայությունների համար։ Ցանցի որոնման ալգորիթմը հաշվի է առնում բազմաթիվ գործոններ, այդ թվում՝ որակը, ներգրավվածությունը և տեղադրությունը, որպեսզի հյուրընկալողները գտնեն իրենց հայտարարությունների համար համապատասխան համահյուրընկալողներ։

Համահյուրընկալողների ցանցին միանալու պահանջներն են․

• Դուք ունեք ակտիվ հայտարարություն՝ որպես հյուրընկալող կամ որպես համահյուրընկալող՝ լիակատար կամ մասնակի մուտքի թույլտվություններով։
• Դուք հյուրընկալել կամ համահյուրընկալել եք 10 կամ ավելի այց կամ առնվազն 100 գիշեր տևողությամբ երեք կամ ավելի այց Airbnb-ում վերջին 12 ամսվա ընթացքում։
• Վերջին 12 ամսվա ընթացքում հյուրերից ստացել եք միջինում 4,8 աստղ կամ ավելի բարձր գնահատական այն բոլոր տարածքների համար, որոնցում հյուրընկալում կամ համահյուրընկալում եք՝ ունենալով լիակատար կամ մասնակի մուտքի թույլտվություններ։
• Դուք ունեք չեղարկման 3%-ից ցածր հաճախականություն՝ բացառությամբ այն դեպքերի, երբ չեղարկումը կատարվել է ձեր վերահսկողությունից դուրս գտնվող որոշակի հիմնավոր պատճառներով։
• Ձեր Airbnb հաշիվն ունի լավ վարկանիշ։ Ցանցում ցուցադրման համար անհրաժեշտ է, որ ձեր ինքնությունը հաստատված լինի, և դուք պետք է բավարարեք անվան և լուսանկարների վերաբերյալ պահանջները։

Դուք եք պատասխանատու իմանալու համար, թե ինչ տեղական կանոնակարգեր են վերաբերում ձեզ, ինչպես նաև բոլոր պահանջվող լիցենզիաները, թույլտվություններն ու գրանցումներն ունենալու համար։ Օրինակ՝ որոշ տարածաշրջաններում կարող են պահանջվել անշարժ գույքի բրոքերի լիցենզիաներ՝ նայած, թե ինչ ծառայություններ եք տրամադրում։

Տեղեկություններ համահյուրընկալող վարձելու մասին

Օգնության կենտրոնում ծանոթացեք համահյուրընկալողների ցանցի ծառայությունների մատուցման պայմաններին և տեղեկացեք որոնման ալգորիթմի, ինքնության հաստատման և չեղարկումների հիմնավոր պատճառների մասին։

Համահյուրընկալողների ցանցը գործում է Ֆրանսիայում, Իսպանիայում, Իտալիայում, Գերմանիայում, Միացյալ Թագավորությունում, Ավստրալիայում, Մեքսիկայում (աջակցվում է Airbnb Global Services Limited-ի կողմից), Կանադայում, Միացյալ Նահանգներում (աջակցվում է Airbnb Living LLC-ի կողմից) և Բրազիլիայում (աջակցվում է Airbnb Plataforma Digital Ltda-ի կողմից)։

Համահյուրընկալողների ցանցին միացած հյուրընկալողները, որպես կանոն, ունեն բարձր վարկանիշ, չեղարկման ցածր հաճախականություն և Airbnb հյուրընկալման հաստատված փորձ։ Գնահատականները հիմնված են հյուրընկալած կամ համահյուրընկալած տարածքների վերաբերյալ հյուրերի կարծիքների վրա, և հնարավոր է, որ չներկայացնեն համահյուրընկալողի եզակի ծառայությունները։

Այս հոդվածում պարունակվող տեղեկությունները կարող են փոխված լինել հրապարակումից հետո։