Ուսումնասիրեք համահյուրընկալողի կառավարման վահանակը

Կառավարման վահանակը Համահյուրընկալողների ցանցում ձեր հաջողության գրավականն է։ Հենց այդտեղ եք դուք շփվում հյուրընկալողների հետ և հետևում ձեր նպատակներին հասնելու ընթացքին։

Այս վիճակագրական տվյալները կգտնեք կառավարման վահանակի հայտերի ներդիրում։

• Միջին գնահատական․ որոնման արդյունքներում տեսանելի մնալու համար պետք է պահպանեք 4,7 կամ ավելի բարձր գնահատական։ Ձեր գնահատականը հյուրերի կողմից տրված միջին գնահատականն է այն բոլոր տարածքների համար, որոնցում ձեր աջակցությունն եք տրամադրել վերջին 12 ամսվա ընթացքում՝ բացառությամբ այն դեպքերի, երբ եղել եք համահյուրընկալող միայն դեպի օրացույցը մուտքի թույլտվությամբ։
• Պատասխանների հաճախականություն․ հնարավոր է՝ համահյուրընկալողի ձեր պրոֆիլը չհայտնվի որոնման արդյունքներում, եթե պատասխանների հաճախականությունը լինի 90%-ից ցածր։ Պատասխանների հաճախականությունը հյուրընկալողների նոր հայտերի տոկոսն է, որոնց պատասխանել եք 24 ժամվա ընթացքում։ Այն հաշվարկվում է վերջին 90 օրվա կտրվածքով։
• Այցելուների դիտումներ. սա վերջին 90 օրվա ընթացքում համահյուրընկալողի ձեր պրոֆիլն այցելած անձանց թիվն է՝ եզակիության հաշվարկով։
• Այցելուների կոնվերսիա. սա վերջին 90 օրվա ընթացքում ձեր պրոֆիլը որոնման արդյունքներում դիտած հյուրընկալողների թվից այն հյուրընկալողների տոկոսն է, որոնք կապ են հաստատել ձեզ հետ։

Հյուրընկալողների հայտերը երևում են ձեր հայտերի ներդիրում և «Հաղորդագրություններ» ներդիրում։ Միացրեք ծանուցումները, որպեսզի երբեք բաց չթողնեք որևէ հայտ և կարողանաք արագ կերպով պատասխանել։

Ձեր հայտերում կարող եք տեսնել՝

• հյուրընկալողի անունը
• հյուրընկալողի տարածքի հասցեն
• հյուրընկալողի կոնտակտային տվյալները
• հայտի ամսաթիվը
• հայտի կարգավիճակը

Եթե արդեն համահյուրընկալման ծառայություններ եք մատուցում, կարող եք երաշխավորագրեր ներկայացնել հավանական գործընկերներին։ Կարող եք երաշխավորագրերը տրամադրել հաղորդագրության միջոցով կամ հյուրընկալողի համար նախընտրելի որևէ այլ եղանակով։

Ֆրանսիայի Կոմբ-լա-Վիլ կոմունայում համահյուրընկալող Ջիմին ասում է, որ երաշխավորագրերը շատ են մեծացնում հաջող համագործակցություն ունենալու հավանականությունը։ «Հյուրընկալողին ոչինչ այնքան չի ուրախացնում, որքան մեր հաճախորդներից որևէ մեկի երաշխավորագիրը»,- ասում է նա։

Համահյուրընկալողների ցանցը գործում է Ֆրանսիայում, Իսպանիայում, Իտալիայում, Գերմանիայում, Միացյալ Թագավորությունում, Ավստրալիայում, Մեքսիկայում (աջակցվում է Airbnb Global Services Limited-ի կողմից), Կանադայում, Միացյալ Նահանգներում (աջակցվում է Airbnb Living LLC-ի կողմից) և Բրազիլիայում (աջակցվում է Airbnb Plataforma Digital Ltda-ի կողմից)։

Այս հոդվածում պարունակվող տեղեկությունները կարող են փոխված լինել հրապարակումից հետո։