Գտեք ճիշտ համահյուրընկալողին Airbnb-ում
Այժմ կարող եք ձեր տան և հյուրերի մասին հոգ տանելու համար հեշտությամբ գտնել համահյուրընկալող և օգտվել նրա ծառայություններից անմիջապես հավելվածում։
Համահյուրընկալողների ցանցը հնարավորություն է տալիս կապ հաստատելու փորձառու տեղացի համահյուրընկալողների հետ, որոնք աջակցություն են տրամադրում՝ ըստ ձեր կարիքների։ Ընտրեք հավանական գործընկերների ցանկից, իմացեք, թե ինչ փորձ ունեն նրանք, սկսեք համատեղ աշխատել և կիսվեք վերջնավճարներով։
Համահյուրընկալողը կարող է հյուրընկալել ձեր փոխարեն
Դուք կարող եք վարձել համահյուրընկալող՝ անկախ այն բանից՝ հեռանկարային, նոր, թե փորձառու հյուրընկալող եք։ Համահյուրընկալողին խնդրեք կատարել կոնկրետ առաջադրանքներ կամ հյուրընկալել ձեր փոխարեն։ Նրա ծառայությունները կարող են ներառել՝
- հայտարարության կարգավորումներ
- գների և ազատ ամսաթվերի սահմանում
- ամրագրման հայտերի կառավարում
- հյուրերի հետ հաղորդագրությունների փոխանակում
- տեղում աջակցություն հյուրերին
- մաքրություն և տեխնիկական սպասարկում
- տարածքի լուսանկարահանում
- ինտերիերի ձևավորում և ոճավորում
- լիցենզավորում և հյուրընկալման թույլտվություններ
Համահյուրընկալողները կարող են ավելացնել այլ ծառայություններ, օրինակ՝ լանդշաֆտային դիզայն, բիզնեսի վերլուծություն և հյուրընկալության քոուչինգ։ Համահյուրընկալողի ծառայությունների մասին մանրամասներ կգտնեք նրա պրոֆիլում։
Ցանցում գրանցված համահյուրընկալողները մեր լավագույն հյուրընկալողներից են։ Միջին հաշվով, համահյուրընկալողներն ունեն հյուրերի ընդհանուր 4,86 գնահատական և չորս տարվա փորձառություն Airbnb-ում։ Այսօր նրանց 73%-ը սուպերտանտեր է, իսկ 84%-ը հյուրընկալում է առնվազն մեկ «Հյուրերի սիրելի» տարածքում։
Համահյուրընկալողների ցանցը ներկայումս հասանելի է Ավստրալիայում, Բրազիլիայում, Կանադայում, Ֆրանսիայում, Գերմանիայում, Իտալիայում, Մեքսիկայում, Իսպանիայում, Միացյալ Թագավորությունում և ԱՄՆ-ում։ 2025 թվականին ցանցը կընդլայնվի։
Համահյուրընկալողների ցանցն օգտագործելը հեշտ է
Օգտագործեք Համահյուրընկալողների ցանցը, որպեսզի որոնեք և կապվեք ձեզ անհրաժեշտ ծառայություններն առաջարկող որևէ մեկի հետ։
Գտեք համահյուրընկալող․
- Մուտքագրեք ձեր տան հասցեն, որպեսզի ցանցում որոնեք մոտակայքում գտնվող որևէ մեկի։ Դուք կտեսնեք տեղացի համահյուրընկալողների պրոֆիլները՝ դասակարգված ըստ գտնվելու վայրի, ներգրավվածության, որակի և այլ գործոնների։
- Ընտրեք համահյուրընկալողի պրոֆիլ, որպեսզի ավելին իմանաք նրա մասին՝ փորձառությունը, նախկինում ստացած կարծիքները, հյուրընկալած տարածքները, գները և այլ մանրամասներ։
- Հաղորդագրություն ուղարկեք ձեր ընտրած լավագույն թեկնածուներից յուրաքանչյուրին։ Ներկայացեք և մի փոքր պատմեք ձեր կարիքների մասին։
- Տվեք լրացուցիչ հարցեր և քննարկեք հյուրընկալման հետ կապված ձեր ակնկալիքները։
Օգտվեք համահյուրընկալողի ծառայությունից.
- Որոշեք, թե ինչ ակնկալիքներ ունեք համահյուրընկալողից։ Լավ կլինի գործընկերության մանրամասները շարադրել պաշտոնական համաձայնագրի մեջ։
- Բացեք ձեր հայտարարությունն Airbnb-ում։ Ձեր նոր գործընկերոջն ուղարկեք համահյուրընկալման հրավեր և սահմանեք նրա թույլտվությունները ձեր հայտարարության համար։ Նա ընդունելու համար կունենա երկու շաբաթ։
- Ընտրեք Airbnb-ի միջոցով կատարված յուրաքանչյուր ամրագրման համար ձեր վերջնավճարի մի մասը տրամադրելու տարբերակ։*
Համահյուրընկալողի հետ համագործակցելու համար անհրաժեշտ բոլոր գործիքները հասանելի են հավելվածում։ Դուք կարող եք՝
- Հաղորդագրություն ուղարկել անմիջականորեն համահյուրընկալողին։
- Նրան հրավիրել ձեր տարածքում հյուրընկալելու։
- Սահմանել նրա թույլտվությունները՝ ձեր հայտարարությունը կառավարելու համար։
- Համահյուրընկալողին տրամադրել ամրագրումներից ստացված վերջնավճարների մի մասը։*
*Որոշ սահմանափակումներ են գործում՝ կախված հյուրընկալողի, համահյուրընկալողի և տարածքի գտնվելու վայրից։
Համահյուրընկալողների ցանցը գործում է Ֆրանսիայում, Իսպանիայում, Իտալիայում, Գերմանիայում, Միացյալ Թագավորությունում, Ավստրալիայում, Մեքսիկայում (աջակցվում է Airbnb Global Services Limited-ի կողմից), Կանադայում, Միացյալ Նահանգներում (աջակցվում է Airbnb Living LLC-ի կողմից) և Բրազիլիայում (աջակցվում է Airbnb Plataforma Digital Ltda-ի կողմից)։
Համահյուրընկալողների ցանցին միացած հյուրընկալողները, որպես կանոն, ունեն բարձր վարկանիշ, չեղարկման ցածր հաճախականություն և Airbnb հյուրընկալման հաստատված փորձ։ Գնահատականները հիմնված են հյուրընկալած կամ համահյուրընկալած տարածքների վերաբերյալ հյուրերի կարծիքների վրա, և հնարավոր է, որ չներկայացնեն համահյուրընկալողի եզակի ծառայությունները։
Այս հոդվածում պարունակվող տեղեկությունները կարող են փոխված լինել հրապարակումից հետո։