Ստեղծեք համահյուրընկալողի գրավիչ պրոֆիլ

Համահյուրընկալողի պրոֆիլն ինքներդ ձեզ գովազդելու հնարավորություն է ընձեռում։ Համահյուրընկալողների ցանցն օգտագործում է անհատականացված ալգորիթմ, որը համապատասխան տեղացի համահյուրընկալողների պրոֆիլները ցույց է տալիս բոլոր նրանց, ում օգնություն է հարկավոր։

Լրացրեք համահյուրընկալողի ձեր պրոֆիլը, որպեսզի երևաք որոնման արդյունքներում։ Ձեր պրոֆիլում նշված տեղեկությունները հանրամատչելի են։

• Անուն․ համահյուրընկալողի ձեր պրոֆիլում ավտոմատ օգտագործվում են անունն ու ազգանունը ձեր Airbnb հաշվից՝ բացառությամբ այն դեպքի, երբ համահյուրընկալողի պրոֆիլի կարգավորումներում ընտրում եք միայն անունը ցույց տալու տարբերակը։ Համահյուրընկալողների ցանցում հայտնվելու համար ցուցադրվող անունը՝ լինի դա անունը և ազգանունը՝ ըստ փաստաթղթերի, թե նախընտրելի անուն, պետք է լինի ձեր անհատական անունը, այլ ոչ թե ընկերության անվանում։*
• Պրոֆիլի հակիրճ ներկայացում․ գրեք հյուրընկալման ոլորտում ձեր փորձի կարճ նկարագրություն, որով կբացատրեք, թե ինչն է ձեզ դարձնում առանձնահատուկ։ Օրինակ՝ «Ես սկսեցի հյուրընկալել մի ազատ սենյակում։ Այժմ օգնում եմ այլ հյուրընկալողների՝ ստանալ փայլուն կարծիքներ և մեծացնել եկամուտը»։ Պրոֆիլի հակիրճ ներկայացումը կերևա որոնման արդյունքներում և ձեր պրոֆիլի վերին մասում։
• Ծառայություններ։ Ընտրեք 10 կատեգորիաներից մեկը կամ մի քանիսը, օրինակ՝ հայտարարության կարգավորում և հյուրերի հետ հաղորդագրությունների փոխանակում, և համառոտ նկարագրեք, թե ինչով է առանձնանում ձեր մոտեցումը։ Օրինակ՝ «Ես ավելի քան հինգ տարի աշխատել եմ իմ հավաքարարների հետ, և մենք որակի ընթացիկ ստուգում ենք կատարում հյուրի առաջին այցից առաջ և հետո»։
• Գնանշում։ Հյուրընկալողներին տեղեկացրեք, թե որքան եք գանձում յուրաքանչյուր ամրագրման շարունակական աջակցության համար (պարտադիր) և յուրաքանչյուր հայտարարության կարգավորման համար (ըստ ցանկության)։
• Ծառայությունների մատուցման տարածաշրջան։ Նշեք վայրը, որտեղ մոտ 100 կմ շառավղով կարող եք անձամբ մատուցել հյուրընկալման ծառայություններ։
• Լրացուցիչ տեղեկություններ ձեր մասին։ Դուք կարող եք մանրամասներ հայտնել հյուրընկալման ոլորտում ձեր փորձառության մասին, օրինակ՝ ինչու եք զբաղվում հյուրընկալությամբ և ինչով եք ամենից շատ հպարտանում։

Համահյուրընկալողի ձեր պրոֆիլը նույնպես ներառում է այս տեղեկությունները։

• Հիմնական վիճակագրական տվյալներ։ Հյուրընկալողները տեսնում են, թե քանի տարածքում եք հյուրընկալում կամ համահյուրընկալում, քանի տարի եք հյուրընկալում, հյուրերի ընդհանուր գնահատականն այն բոլոր տարածքների համար, որտեղ հյուրընկալել կամ համահյուրընկալել եք։
• Ուժեղ կողմեր։ Հյուրընկալողները տեսնում են, թե Airbnb-ում ինչպիսի ճանաչում ունեք դուք կամ տարածքները, որտեղ հյուրընկալում կամ համահյուրընկալում եք, օրինակ՝ «8 տարվա սուպերտանտեր» կամ «Հիանալի գնահատականներ վերջերս այցելած հյուրերից»։
• Հյուրերի կարծիքներ։ Հյուրընկալողները տեսնում են կարծիքներն այն տարածքների մասին, որտեղ հյուրընկալում կամ համահյուրընկալում եք՝ սկսած ամենավերջիններից։ Նրանք կարող են նաև զտել ըստ ամենաբարձր կամ ամենացածր գնահատվածների և որոնել հիմնաբառերով։
• Ձեր հայտարարությունները։ Հյուրընկալողները տեսնում են բոլոր այն հայտարարությունները, որոնցով զբաղվում եք, և թե որքան ժամանակ եք հյուրընկալող կամ համահյուրընկալող յուրաքանչյուրի համար։

Համահյուրընկալողի ձեր պրոֆիլում ավտոմատ հայտնվում է ձեր Airbnb հաշվում առկա պրոֆիլի լուսանկարը։ Լուսանկարը պետք է լինի բարձր լուծաչափով, ֆայլի չափը՝ մինչև 100 ՄԲ, և այն չպետք է լինի աղոտ։ Լուսանկարում պետք է հստակորեն երևա ձեր դեմքը։*

Հետևեք այս ցուցումներին․

• Օգտագործեք պարզ ֆոն և բնական լույս։
• Լուսանկարը պետք է ուղղաձիգ լինի։ Տեղ թողեք եզրատման համար։
• Խուսափեք սելֆիներից, լուսաբռնկումից, ետնալույսից, պատկերանշաններից և նկարազարդումներից։
• Մի ներառեք տնային կենդանիներ և այլ մարդկանց։

*Եթե հյուրընկալում եք որպես ձեռնարկություն Ավստրալիայում, Եվրոպական տնտեսական տարածքում կամ Միացյալ Թագավորությունում, ապա այս պահանջը չի գործում։

Իմանալ ավելին որոնման ալգորիթմի մասին՝ Օգնության կենտրոնում։

Համահյուրընկալողների ցանցը գործում է Ֆրանսիայում, Իսպանիայում, Իտալիայում, Գերմանիայում, Միացյալ Թագավորությունում, Ավստրալիայում, Մեքսիկայում (աջակցվում է Airbnb Global Services Limited-ի կողմից), Կանադայում, Միացյալ Նահանգներում (աջակցվում է Airbnb Living LLC-ի կողմից) և Բրազիլիայում (աջակցվում է Airbnb Plataforma Digital Ltda-ի կողմից)։

Այս հոդվածում պարունակվող տեղեկությունները կարող են փոխված լինել հրապարակումից հետո։