Կարգավորումների և ազատ ամսաթվերի թարմացում
Մի քանի հայտարարությունների օրացույցներ և կարգավորումներ կառավարելու համար անհրաժեշտ է կազմակերպվածություն։ Airbnb-ի պրոֆեսիոնալ հյուրընկալման գործիքները օգնում են միանգամից թարմացնել մի քանի հայտարարություններ։
Միասնական օրացույցի օգտագործում
Միասնական օրացույցի օգնությամբ մեկ վայրում կարող եք կառավարել ձեր հայտարարությունների ազատ ամսաթվերը։ Ամրագրման մի քանի տարբերակներ առաջարկելով՝ կարող եք գրավել ավելի շատ հյուրերի։ 2022 թվականին այն տարածքները, որոնք առաջարկվել են և՛ երկարաժամկետ (28 գիշեր կամ ավելի), և՛ կարճաժամկետ այցերի համար, միջինում 45%-ով ավելի եկամուտ են բերել, քան բացառապես կարճաժամկետ այցեր ընդունողները։*
Ահա մի քանի կարգավորումներ, որոնք կարող են օգնել, որ ձեր հայտարարություններն ավելի շատ հայտնվեն որոնման արդյունքներում։
- Ազատ ամսաթվերի պատուհան. բացեք ձեր օրացույցը մինչև 24 ամսվա համար և ավելացրեք վաղ ամրագրման զեղչ՝ ապագա ամրագրումների ամուր հիմք ստեղծելու համար։
- Ամրագրում ժամանման օրը․ հյուրերին թույլ տվեք ամրագրել ժամանման օրը և ավելացրեք վերջին պահի զեղչ։ Դա կօգնի ավելի հաճախ ընդունել այնպիսի ճանապարհորդների, որոնք ճանապարհին են։
- Ուղևորության նվազագույն տևողություն․ նվազեցրեք այցի նվազագույն տևողությունը, որպեսզի ձեր հայտարարությունները հայտնվեն կարճատև այցերի որոնման արդյունքներում, և լրացնեք ձեր օրացույցի ազատ ամսաթվերը։
- Ուղևորության առավելագույն տևողություն․ ավելացրեք այցի առավելագույն տևողությունը մինչև 28 գիշեր և ավելի, որպեսզի ձեր հայտարարությունը հայտնվի երկարաժամկետ այցերի որոնման արդյունքներում։
Երկարաժամկետ այցերը շարունակում են պահանջված մնալ Airbnb-ում։ 28 գիշեր կամ ավելի երկար տևողությամբ ամրագրումները կազմել են 2023 թվականի հուլիս, օգոստոս և սեպտեմբեր ամիսներին ամրագրված գիշերների 18%-ը։**
Զանգվածային փոփոխություններ
Յուրաքանչյուր հայտարարություն առանձին մուտք գործելու փոխարեն, ձեր ազատ ամսաթվերը կարգավորեք այս կատեգորիաներով՝
- Ուղևորության տևողություն
- Երկարաժամկետ ամրագրման զեղչ
- Չեղարկման կանոններ
Կարող եք նաև ձեր հայտարարությունների այլ պարամետրեր կարգավորել այս կատեգորիաներով՝
- Հարմարություններ
- Սեփականության տեսակ
- Վճարներ և գանձումներ
- Տեղադրություն
- Ժամանման եղանակ
- Տան սովորական կանոններ
- Տեղադրության մանրամասներ
Զանգվածային փոփոխություններ կատարելու համար՝
Համոզվեք, որ կարող եք օգտագործել պրոֆեսիոնալ հյուրընկալման գործիքները, որոնք հասանելի են միայն համակարգիչների համար։
Գնացեք Հայտարարություններ և ընտրեք բոլոր հայտարարությունները, որոնք ուզում եք փոփոխել։
Սեղմեք Փոփոխել։
- Կատարեք փոփոխությունները և սեղմեք Պահել։
*Հաշվարկը հիմնված է Airbnb-ի՝ 2022 թվականի հունվար-դեկտեմբեր ժամանակահատվածի ակտիվ հայտարարությունների տվյալների վրա
**Ըստ Airbnb-ի՝ 2023 թվականի 3-րդ եռամսյակի եկամուտների հաշվետվության
Եթե օգտագործում եք API-ով միացված ծրագրակազմ, դուք կարող եք օգտագործել այս գործառույթները ձեր ծրագրակազմում, եթե ձեր մատակարարը համակցել է դրանք։ Հակառակ դեպքում կապվեք ձեր մատակարարի հետ և պարզեք, թե երբ են դրանք հասանելի լինելու։
Այս հոդվածում պարունակվող տեղեկությունները կարող են փոխված լինել հրապարակումից հետո։