Ինչպես երկարաժամկետ այցերի համար ճշգրտել օրացույցի կարգավորումները

Ներկայումս հյուրերը փնտրում են երկարաժամկետ այցեր, որոնք նրանց թույլ են տալիս ավելի շատ ժամանակ անցկացնել ընտանիքի հետ կամ վայելել նոր վայրում հեռավար աշխատանքի առավելությունները։

Որպես հյուրընկալողի՝ այս այցերը ձեզ հիանալի հնարավորություն են տալիս լրացնելու օրացույցը և կատարելու այնպիսի գործողություններ, ինչպիսիք են մաքրելը, հյուրերի հետ շփվելը և ամրագրումներն ավելի արդյունավետ կառավարելը։ Ահա թե ինչպես կարգավորել ազատ ամսաթվերն ու ընդունել այնպիսի հյուրերի, որոնք ակնկալում են ձեր տարածքը վայելել մի քանի շաբաթ կամ ավելի։

Երբ ձեր հայտարարության նկարագրությունը թարմացնեք երկարաժամկետ այցեր ընդունելու մասին նշմամբ, անպայման թարմացրեք նաև օրացույցը։ Ուղևորության տևողությանը վերաբերող ցանկացած սահմանափակում պետք է թարմացվի, որպեսզի արտահայտի ավելի երկար այցեր ընդունելու ձեր ցանկությունը։

Ահա թե ինչպես վերանայել ազատ ամսաթվերը

Ձեր պահանջներին համապատասխանող և երկարաժամկետ այցեր ընդունելու հնարավորություն տվող հյուրընկալման ռազմավարություն ստեղծելու համար փորձեք թարմացնել ազատ ամսաթվերի կարգավորումները։ Ընդամենը մի քանի պարզ շտկումները կարող են վճռորոշ նշանակություն ունենալ։

• Նախնական ծանուցում. սահմանեք, թե յուրաքանչյուր ամրագրումից որքան ժամանակ առաջ եք ուզում ծանուցում ստանալ (մեկ օր, երկու օր և այլն), որպեսզի երբեք անակնկալի չգաք։ Նախնական ծանուցումը նաև ավելի շատ ժամանակ է տրամադրում երկար այցեր նախընտրող հյուրերի հետ կազմակերպչական հարցեր քննարկելու համար։ Իմանալ ավելին նախնական ծանուցման մասին

• Նախապատրաստման ժամանակ. եթե կատարյալ մաքրություն ապահովելու նպատակով ժամանակ ավելացնեք այցերի միջև, կկարողանաք հյուրընկալ միջավայր ստեղծել հյուրերի համար։ «Հենրին և ես երկուսս էլ ունենք հիմնական աշխատանք և չենք սիրում շտապ-շտապ մաքրություն կատարել։ Երկու շաբաթից ավելի տևած այցից հետո մենք արգելափակում ենք մի քանի օր, որպեսզի կարողանանք ժամանակ տրամադրել և կատարել ընդհանուր մանրազնին մաքրում»,- ասում է Հարավային Կորեայի Սեուլ քաղաքում հյուրընկալող Ջեսիկան։ Իմանալ ավելին նախապատրաստման ժամանակի մասին

• Ազատ ամսաթվերի պատուհան. ընտրեք, թե որքան վաղ եք ցանկանում ամրագրումներ ընդունել։ Օրինակ՝ կարող եք արգելափակել ամսաթվերը այսօրվանից հաշված երեք, վեց կամ 12 ամիս։ «Ես նախընտրում եմ իմ օրացույցն առնվազն 30 գիշեր տևողությամբ երկարաժամկետ այցերի համար բացել վեց ամիս առաջ»,- ասում է Նյու Յորքում հյուրընկալող Օլիվերը։ Իմանալ ավելին ազատ ամսաթվերի կարգավորման մասին

• Կանոնների խմբեր. վեց կամ ավելի շատ հայտարարություններ ունեցող տանտերերը կարող են ստեղծել և փոփոխել կանոնների խմբեր։ Կարող եք կանոնների խմբեր օգտագործել, որպեսզի, տարվա ժամանակաշրջանից կախված, ավտոմատ ճշգրտեք ձեր գինը, զեղչեր տրամադրեք երկարաժամկետ այցեր ամրագրող հյուրերին, ավելացնեք ուղևորության տևողության վերաբերյալ պահանջներ և այլն՝ խնայելով հյուրընկալման վրա ծախսվող ձեր ժամանակը։ Իմանալ ավելին կանոնների խմբերի մասին

Երկարատև այցերը կօգնեն բավարարել հյուրերի պահանջարկը, լցնել ձեր օրացույցը և նվազեցնել ծանրաբեռնվածությունը, միևնույն ժամանակ կկարողանաք կապ հաստատել աշխարհի տարբեր մասերից ժամանող հյուրերի հետ։