Գործիքներ և խորհուրդներ, որոնք կօգնեն սահմանել ձեր Սենյակի գինը

Մատչելիությունը հյուրերի կողմից Airbnb-ում սենյակներ ամրագրելու գլխավոր պայմաններից է։ 2022 թվականին ամբողջ աշխարհում սենյակների ավելի քան 80%-ի մեկ գիշերվա գինը 100 ԱՄՆ դոլարից ցածր էր՝ միջինում 67 ԱՄՆ դոլար մեկ գիշերվա համար։*

Դուք միշտ պատասխանատու եք ձեր սահմանած գնի համար։ Airbnb-ն տրամադրում է գործիքներ, որոնցով կարող եք սահմանել և ճշգրտել ձեր գինը։

Իմացեք ձեր տարածաշրջանում նմանատիպ տարածքների միջին գները, որպեսզի կարողանաք որոշել, թե ինչ գին սահմանել։

Բացեք հյուրընկալման օրացույցը՝ մոտակայքում գտնվող նմանատիպ տարածքներ համեմատելու համար։ Ընտրեք ամսաթիվ կամ ժամանակահատված, հետո հպեք կամ սեղմեք մեկ գիշերվա գինը։ Ներքևում ընտրեք «Համեմատել նմանատիպ տարածքներ» կոճակը։ Կբացվի ձեր տարածքին նման տարածքների քարտեզ՝ միջին գներով։ Կարող եք ցուցադրել այդ ամսաթվերին ամրագրված կամ չամրագրված տարածքներ։

Ռիչարդը, որը հյուրընկալում է Տորոնտոյի կենտրոնի մոտակայքում գտնվող Սենյակ, որոշեց սահմանել «մրցակցայինից մի փոքր ցածր գին»՝ հյուրերին ավելի արագ գրավելու համար։ Դա արդյունք տվեց․ ըստ նրա՝ առաջին երեք ամիսները գրեթե ամբողջությամբ ամրագրվեցին։

«Իմ գինը դեռ մի փոքր ցածր է, բայց ես գիտեմ, թե որն է իմ նպատակը»,- ասում է Ռիչարդը։ «Մտածում եմ ժամանակի ընթացքում գինը փոքր-ինչ ավելացնելու մասին»։

Ուսումնասիրեք ձեր տարածաշրջանում ճամփորդական միտումները, որպեսզի մրցունակ գին սահմանեք ձեր տարածքի համար։ Հանգստյան օրերին այցելողները, սեզոնային հանգստի սիրահարները, ժամանակավոր աշխատողները և այլ տեսակի հյուրեր կարող են տարբեր կերպ հասկանալ «մատչելի» բառը։

Ռիդը, որը սուպերտանտեր է Ֆիլադելֆիայում, ուսումնասիրել է վարձով բնակարանների տեղական շուկան, երբ առաջին անգամ գին է սահմանել երրորդ հարկի իր կահավորված ննջասենյակի համար։ Քանի որ ապրում է համալսարանների և հիվանդանոցների մոտակայքում, նա իր սենյակի գինը հարմարեցրել է սահմանափակ բյուջեով ուսանողների և պրակտիկանտների համար։ «Մենք հյուրընկալել ենք գիտահետազոտական կամ բժշկական պրակտիկա անցնող մի խումբ մարդկանց, երբ նրանց մի քանի շաբաթ մնալու տեղ էր պետք»,- ասում է նա։

Գինը ցածր պահելով և երկարաժամկետ այցեր ընդունելով՝ Ռիդը կարողացել է օրացույցը լրացրած պահել և ժամկետից շուտ մարել իր հիպոտեկային վարկը։ «Ես ունեմ ավելի երկար ժամկետով ամրագրումներ և ավելի քիչ ժամանակ եմ ծախսում նոր հյուրեր ընդունելու համար»,- ասում է նա։ «Ես աշխատում եմ խելացիորեն, ոչ թե քրտնաջան»։

Երկարաժամկետ այցերով հետաքրքրված հյուրերը սովորաբար որոնում են զեղչված գներով տարածքներ։ Ռիդն օգտագործում է շաբաթական և ամսական զեղչեր՝ հյուրերին ամրագրել շահագրգռելու համար։ Հիմնականում նրանք, ում հետաքրքրել է մեր Սենյակը, ցանկանում են մնալ առնվազն մի քանի շաբաթ»,- ասում է նա։

Կարող եք զեղչեր փորձարկել տարբեր իրավիճակների համար։ Օրացույցի «Գնանշում» ներդիրում կգտնեք ձեզ հասանելի այս տարբերակները՝

• Հատուկ առաջարկ նոր հայտարարության համար։ Այս հատուկ առաջարկը մեկ գիշերվա գնի 20% զեղչ է նախատեսում առաջին երեք ամրագրումների համար։ Այն ավելացնելը կօգնի ավելի արագ ստանալ հյուրերի կարծիքները և կերտել Սենյակներում հյուրընկալողի համբավ։

• Վաղ ամրագրման զեղչ։ Այս զեղչը վերաբերում է նախապես արված ամրագրումներին։ Դուք եք ընտրում, թե ժամանումից որքան առաջ (մեկից մինչև 24 ամիս)։ Վաղ ամրագրման զեղչերը կարող են գրավել նախապես պլանավորող հյուրերի։

• Վերջին պահի զեղչ։ Այս զեղչը վերաբերում է կարճաժամկետ ծանուցմամբ ամրագրումներին։ Դուք եք ընտրում, թե ժամանումից որքան առաջ (մեկից մինչև 28 օր)։ Սենյակների հյուրերը հաճախ միայնակ ճանապարհորդներ են, որոնք ավելի ճկուն են, քան զույգերը կամ ընտանիքները՝ իրենց ուղևորության ամսաթվին մոտ ամսաթիվ ամրագրելու համար։

• Շաբաթական և ամսական զեղչեր։ Շաբաթական զեղչերը կիրառվում են յոթ կամ ավելի գիշեր տևողությամբ ամրագրումների դեպքում, իսկ ամսական զեղչերը՝ 28 կամ ավելի գիշեր տևողությամբ ամրագրումների դեպքում։ Դրանք կօգնեն օրացույցը լրացնել ավելի քիչ հերթափոխումներով։

Միշտ սահմանեք այցի նվազագույն և առավելագույն տևողությունները՝ համաձայն տեղական կանոնների և կանոնակարգերի։ Այդտեղից կարող եք ճշգրտել այցի առավելագույն տևողությունը առնվազն այնքան գիշեր, որքան այցի տևողությունն է, որի համար ցանկանում եք զեղչ ավելացնել։

*Մեկ գիշերվա գինը՝ ներառյալ վճարները և հարկերը 2022 թ․ հունվարի 1-ից մինչև դեկտեմբերի 31-ը

Այս հոդվածում պարունակվող տեղեկությունները կարող են փոխված լինել հրապարակումից հետո։