Ի՞նչ են Airbnb Սենյակները։

Ձեր լրացուցիչ տարածքը կարող է գումար վաստակելու և մարդկանց հետ հանդիպելու միջոց լինել։ Եթե ունեք ազատ ննջասենյակ, կարող եք հայտարարություն տեղադրել և հյուրեր ընդունել ձեր տանը։

«Դա շատ շահավետ է, և ոչ միայն ֆինանսապես»,- ասում է Էրիկը, որը սուպերտանտեր է Լոս Անջելեսում։ «Հյուրերը գալիս են Կալիֆոռնիա՝ սեփական արկածն ունենալու համար, բայց դա նաև հաճելի արկած է մեզ համար, քանի որ չգիտենք, թե ով է լինելու դռան մյուս կողմում։ Մենք շատ բան ենք սովորում ամբողջ աշխարհի վայրերի մասին»։

Սենյակները մեծ պահանջարկ ունեն ամբողջ աշխարհում՝ ամրագրումներով զբաղեցնելով երրորդ տեղը Airbnb-ի բոլոր տեսակի տարածքների շարքում։* Հյուրերը կարող են գտնել և ամրագրել Սենյակներ՝ որոնելով Airbnb կատեգորիայում կամ որոնման զտիչում ընտրելով «Սենյակներ»։

Ահա թե ինչ է պետք իմանալ Սենյակում հյուրընկալելու համար։

Սենյակի դեպքում հյուրն առանձին ննջասենյակ է ունենում հյուրընկալողի տանը, ինչպես նաև օգտվում է ընդհանուր տարածքներից, որոնք կարող է կիսել ուրիշների հետ։

«Սենյակներ» կատեգորիայում ընդգրկվելու համար տարածքը պետք է համապատասխանի այս բոլոր չափանիշներին.

• Հյուրը պետք ունենա առանձին ննջասենյակ (դուռը պարտադիր է)։

• Հյուրը կարող է օգտվել առանձին կամ ընդհանուր լոգասենյակից։

• Հյուրին հասանելի է առնվազն մեկ ընդհանուր տարածք՝ խոհանոց, հյուրասենյակ կամ հետնաբակ։

• Հայտարարության մեջ նշված է հյուրընկալողի իսկական անունը, այլ ոչ թե ընկերության անվանում կամ այլ անուն։

• Հայտարարության կարգավորումներում որպես տարածքի կամ սենյակի տեսակ նշված է «Սենյակ»։

• Առանձին սենյակը համօգտագործվող սենյակ, հյուրանոց, հանգստավայր, վրան, ավտոտուն, առանձին հարկաբաժին (օրինակ՝ բակային բունգալո) կամայս ցանկումնշված որևէ այլ տեսակի սեփականություն չէ։

Եթե ձեր տարածքը չի համապատասխանում այս չափանիշներին, հայտարարությունը տեղադրելիս ընտրեք այլ տեսակի տարածք։

Ազատ սենյակներում կարելի է ոչ միայն փոշի կուտակել կամ լրացուցիչ իրեր պահեստավորել։ Լրացուցիչ ննջասենյակը Սենյակի վերածելու առավելություններն են՝

• Գումար վաստակելը։ 2022 թվականին «Սենյակներ» կատեգորիայում հյուրընկալողներն ամբողջ աշխարհում վաստակել են ավելի քան 2,9 միլիարդ ԱՄՆ դոլար, իսկ միջին եկամուտը 2021 թվականի համեմատ աճել է ավելի քան 20%-ով։**

• Մարդկանց հետ շփումը։ Ձեր տան, հետաքրքրությունների, մշակույթի և տեղական պատկերացումների մասին պատմելը կարող է բովանդակալից շփման հանգեցնել ճանապարհորդների հետ։

• Ձեր ունեցած տարածքի օգտագործումը։ Ազատ սենյակը կարող է վճարող հյուրերի համար հարմարավետ քնելու տեղ լինել առանց մեկնարկային ծախսերի, որոնք պահանջվում են ամբողջ տունը հյուրընկալելու դեպքում։

«Իմ մեծ տանը ես մենակ եմ ապրում։ Ունեմ հյուրընկալման համար կատարյալ տեղադրություն և իրավիճակ»,- ասում է Ավստրալիայի Փերթ քաղաքում հյուրընկալող Ռութը։ «Կարիք չկար մեծ ծախսեր անելու մահճակալներ գնելու, սենյակներ վերանորոգելու, կահույք տեղափոխելու կամ նման այլ բաների համար»։

Սեղմեք ներքևի կոճակը՝ «Սենյակներ» կատեգորիայում նոր հայտարարություն ստեղծելու կամ արդեն սկսածն ավարտելու համար։

*Ըստ Airbnb-ի՝ 2022 թ․ մայիսից մինչև 2023 թ․ մարտն ընկած ժամանակահատվածում ամբողջ աշխարհից հավաքված տվյալների

**Ամբողջ աշխարհում «Սենյակներ» կատեգորիայի տարածքներում բոլոր հյուրընկալողների միջին եկամուտը

Այս հոդվածում պարունակվող տեղեկությունները կարող են փոխված լինել հրապարակումից հետո։