Օգտվեք հյուրընկալողի անձնագրի առավելություններից

Նախքան սենյակ ամրագրելը հյուրերն ուզում են իմանալ, թե ում հետ են օգտագործելու տարածքը։ Հյուրընկալողի անձնագիրը ներկայանալու և հյուրերի ակնկալիքները ձևավորելու միջոց է։

Հյուրընկալողի անձնագիրը ձեր պրոֆիլից վերցնում է հիմնական տվյալները և դրանք ընդգծում Սենյակների որոնման արդյունքներում։ Օգտատերերը կարող են հպել ձեր լուսանկարին և կարդալ այն ամենը, ինչով կիսվել եք ձեր մասին։ Կամ նրանք կարող են անցնել անմիջապես ձեր հայտարարության էջ, որտեղ նմանատիպ տեղեկություններ կգտնեն «Ծանոթացեք հյուրընկալողի հետ» վերնագրի տակ։

Ձեր անունը, հյուրընկալման տարիները, գնահատականը և հյուրերի կարծիքները հայտնվում են հյուրընկալողի անձնագրի վերևում։ Այնուհետև կարող եք ավելացնել անձնական տվյալներ, օրինակ՝ ձեր աշխատանքը, հոբբիները, լեզուները, զվարճալի փաստերը, տնային կենդանու անունը և այն, ինչը յուրահատուկ է դարձնում ձեր տարածքը։

Փոփոխեք ձեր պրոֆիլը՝ մանրամասներ ավելացնելով անձնագրում։ Օգտվեք այս խորհուրդներից՝ հիանալի տպավորություն թողնող ՝ լուսանկար ստանալու համար։

Հյուրընկալողի անձնագիրը հիանալի միջոց է հյուրերի հետ շփումը սկսելու համար։ Երաժշտության նկատմամբ ընդհանուր հետաքրքրության, աշխատանքի կամ ճաշակի մասին տեղեկանալը ստեղծում է հարազատության զգացողություն։

«Պարտադիր չէ, որ հյուրընկալողն իմ լավագույն ընկերը լինի, բայց նա պետք է լինի մեկը, ում հետ ինձ լավ կզգամ»,- ասում է Օկլահոմա Սիթիում բնակվող հյուրերից մեկը՝ Սթեյսին։ «Հյուրընկալողի անձնագիրը «մարդկայնացնում է» նրանց և օգնում ձևավորել այցի մթնոլորտը»։

Լրացուցիչ մանրամասները նաև օգնում են հյուրերին որոշել, թե արդյոք ձեր տարածքը հարմար է իրենց ճամփորդական կարիքներին՝ միաժամանակ խնայելով երկուսիդ ժամանակն ու էներգիան։ «Այն կրճատում է հաղորդագրությունների փոխանակումը և էլ ավելի է հեշտացնում ամրագրումը, քանի որ իմ հարցերին արդեն պատասխաններ են տրվել»,- ասում է Սթեյսին։

Ջորջիայի Մեյկոն քաղաքում սուպերտանտեր Քրիսի համար Հյուրընկալողի անձնագիրը հյուրերի հետ «սառույցը կոտրելու» անուղղակի միջոց է։ «Ես հանգիստ մարդ եմ, և դա ինձ օգնեց ավելի շատ բացվել»,- ասում է նա։ «Ես փորձում եմ իմ պրոֆիլը դարձնել զվարճալի և բովանդակալից»։

Հյուրընկալողի անձնագրում Քրիսը նշում է, որ ինքը նախկին մարզիկ է և սուպերտանտեր-դեսպան։ Նա նաև կիսվում է, որ՝

• շատ ժամանակ է հատկացնում գոլֆին

• ունի Պրինցես անունով շուն

• ծնվել է 80-ականներին

• ամերիկյան ֆուտբոլ է խաղացել ավանդաբար աֆրոամերիկյան երկու քոլեջների/համալսարանների թիմերում

• սուրճի բար ունի հյուրերի համար

Սենյակն ամրագրելուց առաջ հյուրերին մի փոքր ավելի շատ ժամանակ տրամադրելը կօգնի իրար ծանոթացնել նման սովորություններ և հետաքրքրություններ ունեցող հյուրերի։

Ինչպես նշում է հյուր Սթեյսին, «Եթե կարդում եմ, որ հյուրընկալողը «շատ ժամանակ է ծախսում» կարաոկե երգելու վրա, գիտեմ, որ նա կսպասի այլ տեսակի հյուրի, քան այն հյուրընկալողը, որը «շատ ժամանակ է ծախսում» տանը Netflix-ի դիտման վրա»։

Լրացրեք հյուրընկալողի անձնագիրը՝ բացելով ձեր Airbnb պրոֆիլը և ընտրելով «Փոփոխել» կամ հպելով ներքևի կոճակին։

Այս հոդվածում պարունակվող տեղեկությունները կարող են փոխված լինել հրապարակումից հետո։