Հյուրերի կողմից ձեր տարածքը բացահայտելու նոր եղանակներ

Ամենահիշարժան ուղևորությունները հաճախ սկսվում են մեկնելու պարզ ցանկությունից։ Հասկանալու համար, թե ուր և երբ կարելի է գնալ, ճանապարհորդները հաճախ գաղափարներ են փնտրում համացանցում՝ փորձելով կատարյալ ծրագիր կազմել։ Ուստի ներկայացնում ենք հյուրերի համար Airbnb-ն ուսումնասիրելու և ձեր տան պես հիանալի մնալու տեղեր բացահայտելու միանգամայն նոր միջոց։

Airbnb 2022 – ամառային թողարկումը ներկայացնում է տասնամյակի ընթացքում Airbnb-ի ամենամեծ փոփոխությունը։ Ամբողջովին նոր դիզայնը հայտարարությունները ցուցադրում է 56 Airbnb կատեգորիաներում, ինչը հյուրերի համար հեշտացնում է այնպիսի տարածքներ գտնելն ու ամրագրելը, որոնց գոյության մասին նրանք երբևէ չեն իմացել, ինչպես նաև նորարարական «Տրոհված այցեր» գործառույթը, որը հյուրերին թույլ է տալիս երկարաժամկետ այցը տրոհել և անցկացնել երկու տներում։

Որպես հյուրընկալող՝ դուք կարող եք օգտվել այս հետաքրքիր գործառույթներից՝ ապահովելով, որ ձեր հայտարարությունում լինեն ամբողջական և թարմ մանրամասներ, արդիական ազատ ամսաթվեր և բարձրորակ լուսանկարներ։

Airbnb-ի դիզայնի վերափոխումն օգնում է ձեր հայտարարությանը, լինի դա համօգտագործվող սենյակ, առանձին սենյակ, թե ամբողջական տարածք, ավելի արագ բացահայտվել հյուրերի ավելի լայն շրջանակի կողմից։

Հյուրերը կարող են գտնել ձեր հայտարարությունը հետևյալ միջոցներով՝

• Airbnb կատեգորիաներ։ Ամեն անգամ, երբ հյուրերը բացում են հավելվածը, նրանց ներկայացվում են մոտ ապագայում հասանելի հիանալի տներ, որոնք նրանք կարող են անմիջապես ամրագրել։
• Տրոհված այցեր։ Յոթ գիշեր կամ ավելի երկար տևողությամբ այցերի որոնման արդյունքներն այժմ ներառում են հյուրերի՝ իրենց ուղևորությունը երկու տարածքների միջև տրոհելու տարբերակը։
• Ավելի մեծ ճկունություն։ Հյուրերը կարող են տներ որոնել՝ օգտվելով բաց ամսաթվերից և տեղանքներից, օգտագործելով նախորդ տարի մեր ներմուծած գործառույթները, կամ կարող են նեղացնել դրանց արդյունքները՝ կոնկրետ կարիքներ բավարարելու համար։

Երբ հյուրերը բացում են Airbnb-ն, էջի վերին մասում ներկայացվում են կատեգորիաները, որոնք հայտարարությունները խմբավորում են հատուկ կազմված հավաքածուներում՝ ըստ դրանց յուրահատուկ ոճի, գտնվելու վայրի կամ մոտակայքում անցկացվող միջոցառումների։ Այդ կատեգորիաները ցուցադրում են այնպիսի առանձնահատկություններով տներ, ինչպիսիք են շքեղ տեսարանները կամ մեծ խոհանոցները, լճի կամ ազգային պարկի անմիջական հարևանությամբ գտնվելը կամ գոլֆ խաղալու կամ սերֆինգով զբաղվելու հնարավորությունները։

Երբ հյուրերը տներ են որոնում կոնկրետ նպատակակետում, նրանք ստանում են նախկինի նման արդյունքներ՝ «Բոլոր տները» կոչվող կատեգորիայում։ Այժմ նրանք կգտնեն նաև լրացուցիչ կատեգորիաներ՝ հիմնված այդ գտնվելու վայրի վրա, ինչը թույլ կտա նրանց գտնել անհավանական տներ որոնման տարածքում կամ դրա սահմաններից մի փոքր դուրս։

Հայտարարությունները կարող են հայտնվել նաև մի քանի կատեգորիաներում։ Եթե լճի մոտ գտնվող ձեր տունն ունի մեծ խոհանոց, հայտարարությունը կարող է ցուցադրվել «Լճի մոտ» և «Մեծ խոհանոց» կատեգորիաներում՝ ի լրումն ըստ գտնվելու վայրի որոնման արդյունքների։

Յուրահատուկ նոր կատեգորիաներից մեկը «Դիզայներական» կատեգորիան է։ Այն ավելի քան 20 000 տների հավաքածու է, որոնք ընտրվել են իրենց նշանավոր ճարտարապետության և գեղագիտական ոգեշնչում պարգևող ինտերիերների համար։ «Դիզայներական» կատեգորիան ներառում է Ֆրենկ Լլոյդ Ռայթի, Զահա Հադիդի և այլ անվանի ճարտարապետների կառուցած տներ, որոնք ցուցադրվել են դիզայներական հրատարակություններում, և այնպիսի հյուրընկալողների կողմից առաջարկվող տարածքներ, որոնք բացառիկ աշխատանք են կատարել դիզայնի սեփական սկզբունքները գործնականում կիրառելու հարցում։

Ահա Airbnb-ի կատեգորիաներից ընդամենը մի քանիսը՝ «Շքեղ տեսարաններ», «Լողափի մոտ», «Քեմփինգներ», «Մեծ խոհանոցներ», «Գյուղական», «Կրեատիվ տարածքներ», «Գոլֆ», «Պատմական տներ», «Սիրված քաղաքներ», «Ազգային պարկեր», «Դահուկավազք», «Սերֆինգ», «Արևադարձային» և «Խաղողի այգիներ»։

Այս կատեգորիաները որոնման այս նոր եղանակի սկիզբն են, որը հյուրերին թույլ է տալիս բացահայտել ավելի շատ վայրեր, քան երբևէ։ Ժամանակի ընթացքում մենք կներմուծենք ավելի շատ կատեգորիաներ, որոնք կցուցադրեն ձեր սեփականությունների եզակի առանձնահատկությունները և հատուկ վայրերը։ Մենք հավատում ենք, որ կատեգորիաները որոնման ապագան են, և Airbnb-ում կա կատեգորիա յուրաքանչյուր տան և յուրաքանչյուր հյուրընկալողի համար։

Յուրաքանչյուր կատեգորիայում տներն անցնում են համադրման գործընթաց։ Airbnb-ում տեղադրված միլիոնավոր ակտիվ հայտարարությունները գնահատվում են մեքենայական ուսուցման միջոցով՝ վերնագրերը, նկարագրությունները, լուսանկարների մակագրերը և հյուրերի կարծիքները վերլուծելու համար։ Այսպիսով՝ կարևոր է համոզվել, որ ձեր տարածքի մասին տեղեկությունները արդիական են և ամբողջական։

Հյուրերը կարող են դիտել և ամրագրել բոլոր այն հայտարարությունները, որոնք ունեն այնքան ճկունություն, որքան թույլ են տալիս հանգամանքները։ «Տրոհված այցեր» գործառույթը հնարավորություն է տալիս, որ ավելի շատ հյուրընկալողներ մասնակից դառնան հյուրերի ճանապարհորդություններին։

Երբ հյուրերը որոնում են մեկ շաբաթ կամ ավելի տևողությամբ ուղևորության համար, տրոհված այցերն ավտոմատ հայտնվում են որոնման արդյունքներում։ Մինչ նրանք թերթում են «Բոլոր տները» կատեգորիան, հյուրերը կարող են գտնել տարբերակներ՝ իրենց ուղևորությունը միևնույն նպատակակետում գտնվող երկու տների միջև տրոհելու համար։

Նախկինում, եթե հյուրերը տուն էին որոնում մեկ ամիս տևողությամբ ուղևորության համար, բայց ձեր տունն այդ ժամանակահատվածում ազատ էր ընդամենը երկու շաբաթով, ձեր տունը չէր երևա որոնման արդյունքներում։ «Տրոհված այցեր» գործառույթի շնորհիվ ձեր հայտարարությունը կարող է զուգակցվել մեկ այլ հայտարարության հետ՝ հյուրին ամբողջ ուղևորության ընթացքում մնալու տեղով ապահովելու համար։

Յուրաքանչյուր «Տրոհված այց» զուգակցում է երկու սեփականություն, որոնց գտնվելու վայրերը, սեփականության տեսակները և հարմարությունները համընկնում են որոնվածին։ Եթե, օրինակ, ընտանիքը որոնում է հատուկ կարիքներով անձանց համար հարմարություններով մի ամբողջական տուն, ասենք՝ առանց աստիճանների մուտքով կամ 81 սանտիմետրից ավելի լայն դռնախորշերով, ապա «Տրոհված այցերը» կզուգակցի այսպիսի հարմարություններով երկու տարածք։

Երբ հյուրը տրոհված այց է ամրագրում, հյուրընկալողները ստանում են առանձին-առանձին ամրագրման հայտեր։ Ձեր գինը և տան կանոնները կիրառվում են ամրագրված գիշերների քանակի համար, ինչպես ցանկացած այլ ամրագրման դեպքում։

Airbnb-ի նոր գործառույթները ցուցադրում են ձեր տունն ավելի շատ մարդկանց և ավելի շատ վայրերում, քան երբևէ։ Ահա մի քանի եղանակ, որոնցով կարող եք գրավիչ դարձնել ձեր հայտարարությունը.

1. Ընդգծեք ձեր տարածքի յուրահատկությունը բարձրորակ լուսանկարներով։ Նկարագրական պատկերները՝ նկարված պրոֆեսիոնալ լուսանկարչի կողմից կամ ձեր սմարթֆոնով, կօգնեն ձեր հայտարարությունը գրավիչ դարձնել հյուրերի համար։
2. Աչքի անցկացրեք հարմարությունների և առանձնահատկությունների ցանկը և ստուգեք, թե ինչ նոր բան կա։ Ավելացրեք կամ թարմացրեք այն ամենը, ինչ առաջարկում է ձեր տարածքը՝ հաշվի առնելով հյուրերի նախընտրած հարմարությունները, որպեսզի այն տեղ գտնի համապատասխան կատեգորիաներում։
3. Ստուգեք Wi-Fi-ի արագությունը։ Հուսալի ինտերնետ կապի դեպքում հյուրը վստահ կլինեն, որ նրանք կկարողանան, ըստ անհրաժեշտության, առցանց շփվել և աշխատել իրենց այցի ընթացքում։
4. Մտածեք՝ արդյոք ձեր տարածքը հասանելի է բոլոր ճանապարհորդներին։ Ավելացրեք հատուկ կարիքներով անձանց համար հարմարությունների լուսանկարներ և մանրամասներ, ինչպիսիք են հարթ մուտքերը և լայն դռները, որոնք գրավիչ են դարձնում տարածքը տարբեր կարիքներ ունեցող հյուրերի համար։

Ձեր տարածքի բոլոր փոքր ու մեծ մանրամասներն ավելացնելը կարող է օգնել, որ ձեր հայտարարությունը հասնի հյուրերի ավելի լայն շրջանակների։ Ձեր տարածքը կարող է լինել հենց այն, ինչ նրանք փնտրում են։

*Ըստ Airbnb-ի ներքին փորձարկման տվյալների՝ 14/4/2022-ի դրությամբ։

Այս հոդվածում պարունակվող տեղեկությունները կարող են փոխված լինել հրապարակումից հետո։