Ինչպես հընթացս բարելավել հայտարարությունը

Ինչպես ձեր տանը, այնպես էլ հայտարարությանը անհրաժեշտ են ժամանակին արված բարելավումներ։ Թարմացնելով լուսանկարները, ճշգրտելով հարմարություններն ու գինը՝ կկարողանաք գրավել ավելի շատ հյուրերի և հասնել ձեր եկամուտների նպատակներին։

Որոշ հյուրեր ավելի շատ ժամանակ են հատկացնում լուսանկարներ նայելու, քան տարածքի նկարագրությունը կարդալու վրա։ Նրանք նաև ակնկալում են, որ ձեր տարածքը կլինի այնպիսին, ինչպիսին պատկերված է Airbnb-ում։

Եթե վերջերս ինչ-որ բան եք փոխել ձեր տարածքում, թարմացրեք լուսանկարները։ Կարող եք ձեռնարկել հետևյալ քայլերը.

• Ստեղծեք արհեստական բանականությամբ աշխատող ֆոտոշրջայց։ Օգնեք հյուրերին հասկանալ ձեր տան դասավորությունը ֆոտոշրջայցի միջոցով։ Airbnb-ի հատուկ ԱԲ ալգորիթմն ակնթարթորեն խմբավորում է հայտարարության լուսանկարները ըստ 19 տեսակի սենյակների և տարածքների։ Կարող եք վերանայել շրջայցը և մանրամասներ ավելացնել յուրաքանչյուր սենյակի համար։

• Ավելացրեք լուսանկարների նկարագրություններ։ Գրեք մակագրեր, որոնք ներկայացնում են, թե ինչ է առաջարկվում յուրաքանչյուր սենյակում կամ տարածքում, օրինակ՝ էսպրեսո մեքենա խոհանոցում կամ լրացուցիչ փափուկ սրբիչներ լոգարանում։

• Արեք որակյալ լուսանկարներ։ Ճշգրտեք հեռախոսի կամ տեսախցիկի կարգավորումները՝ ցանցային գծերը միացնելու և պատկերի լուծաչափը ստուգելու համար։ Անջատեք լուսաբռնկիչը և օգտագործեք բնական լույս։ Փորձարկեք նկարահանման տարբեր ձևեր՝ լայնանկյուն, միջին և խոշոր պլաններով լուսանկարների համար։ Ստացեք ինքնուրույն լուսանկարելու վերաբերյալ ավելի շատ խորհուրդներ

• Մասնագետ վարձեք։ Եթե չունեք լավ լուսանկարչական հմտություններ, աշխատեք մասնագետի հետ։ Airbnb-ն կարող է առաջարկել պրոֆեսիոնալ լուսանկարչություն ձեր տարածքում։

Հյուրերը ձեր տան մասին տեղեկանում են հենց հայտարարության միջոցով։ Լրացուցիչ տեղեկությունների տրամադրումը կօգնի ստանալ ամրագրումներ։

• Ընդգծեք լավագույն հարմարությունները։ Հյուրերը հաճախ որոնում են խոհանոցով, Wi-Fi-ով և անվճար կայանատեղիով տարածքներ։ Նրանք կարող են նաև զտել ըստ տնային կենդանիների համար հարմար տարածքների և քնելու հարմարությունների, օրինակ՝ շատ մեծ երկտեղանի մահճակալի։
• Մշտապես տրամադրեք արդիական տեղեկություններ։ Հյուրերն ակնկալում են, որ կկարողանան օգտվել ձեր տարածքի բոլոր առանձնահատկություններից և հարմարություններից։ Օրինակ՝ եթե լողավազանը հասանելի չէ հյուրերին ամբողջ տարվա ընթացքում, հստակորեն նշեք այդ հանգամանքը։
• Որքան հասկանալի, այնքան լավ։ Կենտրոնացեք հյուրի ակնկալիքների և հիմնական հարցերին պատասխանելու վրա։ Պատմեք հյուրին, թե ինչպես կարող է հաճույք ստանալ ձեր տանը մնալուց։
• Հաշվի առեք հյուրի կարծիքը։ Հյուրը հիացա՞ծ է ձեր պատիոյով։ Դա ցույց տվեք ձեր լուսանկարներում։ Հյուրերից մեկը ձեզ ասե՞լ է, որ զարմացած է, որ ձեր տարածքն այդքան հեռու է օդանավակայանից։ Հստակեցրեք ձեր գտնվելու վայրը։

Հասկանալով, թե որքան են վճարելու հյուրերը՝ կարող եք առաջարկել լավագույն գին/որակ հարաբերակցությունը։ Ընդհանուր գինը ներառում է մեկ գիշերվա գինը, ձեր սահմանած լրացուցիչ վճարները (մաքրման, լրացուցիչ հյուրերի կամ տնային կենդանիների համար), Airbnb-ի սպասարկման վճարները և հարկերը։

Մրցակցային գինը կօգնի ձեր հայտարարությանն աչքի ընկնել և բարձր դիրք գրավել որոնման արդյունքներում։ Ալգորիթմը առաջնահերթություն է տալիս ընդհանուր գնին և տարածքի որակին՝ մոտակայքում նույնատիպ տարածքների հետ համեմատած։

Գնի մեջ ներառված որոշ ծախսեր գուցե ակնհայտ չլինեն հյուրերի համար։ Դուք առաջարկու՞մ եք հավելյալ ծառայություններ, օրինակ՝ լոգանքի շքեղ պարագաներ կամ հեռարձակման ծառայություններ։ Տարածքի նկարագրության մեջ հստակեցրեք այդ ամենը, որպեսզի հյուրերը ճիշտ պատկերացում կազմեն, թե ինչ են ստանալու ձեր սահմանած գնի դիմաց։

Այս հոդվածում պարունակվող տեղեկությունները կարող են փոխված լինել հրապարակումից հետո։