Ինչպես բիզնես սկսել Airbnb-ում

Airbnb-ում հաջողակ հյուրընկալող դառնալու համար բիզնես վարելու փորձ ունենալը պարտադիր չէ։ Օրինակ վերցրեք սուպերտանտերեր Բրայանից և Քեթրինից, որոնք հյուրընկալում են Օհայո նահանգի Կոլումբուս քաղաքում։ Նրանք ո՛չ փոքր բիզնեսի, ո՛չ էլ հյուրընկալման փորձ են ունեցել նախքան Airbnb-ում գործունեություն սկսելը, երբ առաջարկեցին մի ազատ ննջասենյակ։

«Ութ տարի անց մենք հյուրընկալում ենք չորս տարբեր սեփականություններում և աշխատում ենք B&B բացելու ուղղությամբ»,- ասում է Բրայանը։

Եթե մտածում եք ձեր տունը կամ մեկ այլ տարածք հյուրերի առաջ բացելու մասին և ուզում եք իմանալ, թե ինչպես հյուրընկալման բիզնես սկսել Airbnb-ի միջոցով, ապա դուք ճիշտ ուղու վրա եք։ Ահա որոշ պարզ քայլեր, որոնք կօգնեն սկսել՝ հնարավոր եկամուտները հաշվարկելուց մինչև իմանալը, թե ամենօրյա նյութական ապահովման ինչ խնդիրներ կան։

Նախ՝ աչքի անցկացրեք Airbnb-ում առաջարկվող այլ վայրեր և B&B-ներ ձեր տարածաշրջանում, որոնք նման են ձեր տարածքին։ Փորձեք հասկանալ, թե ինչ են դրանք առաջարկում, և ինչն է պակասում այդտեղ, որն ինքներդ կարող եք տրամադրել։

Մտածեք այն այցելուների մասին, որոնք կարող են ամրագրել ձեր տարածքը։ Արդյո՞ք ձեր տարածաշրջանում շատ են բիզնես ուղևորները կամ արձակուրդում գտնվող ընտանիքները։ Կա՞ն տեղական տեսարժան վայրեր, օրինակ՝ ազգային պարկեր կամ պատմական վայրեր։ Այս տեղեկությունները կօգնեն որոշումներ կայացնել դիզայնի, հարմարությունների և այցերի տևողության վերաբերյալ, որոնք ցանկանում եք առաջարկել։

Երբ կատարեք շուկայի հետազոտություն, մենք ձեզ կօգնենք հաշվարկել ձեր հնարավոր եկամուտը։ Եկամտային նպատակներ սահմանելիս մտածեք նաև ծախսերի և գնանշման ռազմավարության մասին․

Կազմեք ծախսերի ցուցակ
Հնարավոր շահույթի մասին պատկերացում կազմելու համար գնահատեք նախնական ծախսերը, ինչպիսիք են ձևավորման, Wi-Fi-ի և այլ հիմնական պարագաների ծախսերը, որպեսզի ձեր տարածքը պատրաստ լինի ամրագրումների համար, ինչպես նաև՝ ընթացիկ կամ պարբերական ծախսերը, օրինակ՝ սպիտակեղենի, հիգիենայի պարագաների, մաքրման ծառայությունների ծախսերը կամ հիպոտեկի վճարումները։ Անպայման նշեք նաև պահպանման ծախսերը, օրինակ՝ անհրաժեշտ վերանորոգման կամ ծխնելույզի ամենամյա զննության։

Սահմանեք գնանշման ռազմավարություն
Երբ գնանշման ռազմավարություն եք ընտրում, պարզեք, թե ամբողջ տարվա ընթացքում ինչ այլ վարձավճարներ են գանձվում մոտակայքում, և ինչպիսին է ձեր նախնական գինը դրանց համեմատ։ Կարող եք գինը հարմարեցնել պահանջարկին՝ թարմացնելով տարվա եղանակներին համապատասխան, հանգստյան օրերին և մեծ իրադարձությունների ընթացքում։

Նկատի ունեցեք, որ, բացի մեկ գիշերվա գնից, հյուրերը վճարում են նաև սպասարկման վճար և այլ լրացուցիչ վճարներ, որոնք ներառում եք գնի մեջ։ Դուք կկարողանաք բարձրացնել գինը, երբ կուտակեք հինգ աստղանի կարծիքներ, այնպես որ մի վախեցեք սկսել ցածր գնից։

Դիտարկեք «Խելացի գնանշում» գործիքից օգտվելու տարբերակը
Գնանշումն ավտոմատացնելու համար կարող եք միացնել Խելացի գնանշումը։ Խելացի գնանշման գործիքը հաշվի է առնում 70-ից ավելի գործոններ, այդ թվում՝ տարվա եղանակն ու պահանջարկը, և դուք կարող եք սահմանել մեկ գիշերվա նվազագույն գին, որպեսզի ձեր գինը երբեք չիջնի այդ գումարից։

Airbnb-ի միջոցով հյուրընկալելու շատ տարբեր ձևեր կան, և տարբեր հյուրընկալողներ տարբեր ժամանակ կարող են հատկացնել հյուրընկալմանը։ Որոշեք, թե որքանով եք հասանելի լինելու, և ուսումնասիրեք, թե ինչ գործիքներ և ծառայություններ կարող են օգտակար լինել ձեզ համար։

Բրայանն ասում է, որ երբ ինքն ու Քեթրինն առաջին անգամ սկսեցին հյուրընկալել, անում էին ամեն ինչ՝ լվացքից մինչև տեխնիկական սպասարկման աշխատանքներ։ Ի վերջո, նրանք որոշեցին վճարել այդ ծառայությունների մի մասի համար։

Նաև կարող եք ավտոմատացնել ձեր բիզնեսի որոշ տարրեր՝ օգտվելով այնպիսի գործիքներից, ինչպիսիք են պլանավորված հաղորդագրությունները, արագ պատասխանները և ակնթարթային ամրագրումը։

Դուք եք որոշում, թե երբ և ինչ հաճախականությամբ հյուրընկալեք Airbnb-ի միջոցով։ Օրացույցի և ամրագրումների կարգավորումների միջոցով կարող եք նշել ձեր ազատ ամսաթվերը, սահմանել այցի նվազագույն և առավելագույն տևողությունները և ավելին։

Հյուրընկալման հաջողությունը կախված է հյուրերի համար հիշարժան փորձառություն ստեղծելու ունակությունից։

Որոշեք, թե ինչպիսի հյուրերի եք ցանկանում ընդունել ձեր տարածքում, օրինակ՝ տնային կենդանիների հետ ճամփորդող անհատներ, զույգեր, ընտանիքներ կամ հեռավար աշխատողներ, և տրամադրեք հարմարություններ, որոնք համապատասխանում են նրանց կարիքներին։ Հաշվի առեք այնպիսի մանրամասներ, որոնց շնորհիվ ձեր հայտարարությունն աչքի կընկնի, և հյուրերն իրենց լավ կզգան (օրինակ՝ ողջույնի իմաստալից երկտող կամ տեղական հուշանվերներ)։

«Մենք աշխատել ենք տեղացի նկարչի հետ, որպեսզի պատկերենք մեր տների արտաքին տեսքը, և դրանք դարձրել ենք փոքրիկ բացիկներ, որոնք մեր հյուրերը կարող են օգտագործել կամ ուղարկել տուն»,- ասում է Քեթրինը։

Airbnb-ում տարածքի վերաբերյալ հայտարարություն տեղադրելը բոլորովին անվճար է, և սպասարկման վճար է վճարվում միայն ամրագրման հաստատման դեպքում։ Մեր նպատակն այս գործընթացը պարզ և հասարակ դարձնելն է․ պարզապես կատարեք այս հեշտ քայլերը։

Հիշեք, որ ցանկացած տարածք կարող է կատարելապես հարմար լինել ինչ-որ մեկի համար։ Համոզվեք, որ ձեր տարածքի մանրամասներն ու լուսանկարները ճշգրիտ ակնկալիքներ են սահմանում։

Airbnb-ն ձգտում է ամեն քայլափոխի աջակցել հյուրընկալողներին, որպեսզի կարողանաք վստահորեն հյուրընկալել։

• Հյուրընկալողների AirCover-ը տրամադրում է ամբողջական, միշտ ներառված և անվճար պաշտպանություն միայն Airbnb-ում։
• Այլ հյուրընկալողների հետ կապ հաստատելու համար այցելեք Airbnb համայնքի կենտրոն կամ միացեք տեղական հյուրընկալողների ակումբի։
• Եթե հարցեր ունեք կամ սկսելու համար օգնություն է անհրաժեշտ, նաև կարող եք հարցնել որևէ սուպերտանտիրոջ։
• Հյուրընկալման վերաբերյալ այլ խորհուրդներ տրված են Ռեսուրս կենտրոնում։
• Մեր հաճախորդների աջակցության հատուկ թիմը գործում է շուրջօրյա։