Ինչո՞ւ ձեր տարածքն առաջարկել Airbnb-ում

Անկախ ձեր նպատակներից՝ Airbnb-ում հյուրընկալելը դրանց հասնելու հաճելի և ճկուն միջոց է։ Կարող եք հյուրեր ընդունել ցանկացած տեսակի տարածքում, աշխարհի ցանկացած վայրում և ցանկացած հաճախականությամբ։

Ձեր վաստակած գումարով կարող եք, օրինակ, վճարել կոմունալ ծառայությունների համար, գումար խնայել կյանքի նշանակալի իրադարձության համար կամ ծածկել հաջորդ արձակուրդի ծախսերը։ Բացի հավելյալ եկամուտ ստանալուց՝ հյուրընկալումը նաև հնարավորություն է տալիս շփվելու ամբողջ աշխարհից ժամանող ճանապարհորդների հետ և աջակցելու ձեր տեղական համայնքին։

Երբ հյուրընկալում եք Airbnb-ի միջոցով, դուք եք որոշում, թե ինչպես և երբ ընդունել հյուրերի։ Կարող եք առաջարկել ընդհանուր կամ մասնավոր տարածք՝ տանը լինել-չլինելու հանգամանքից անկախ։

Թեև որոշ հյուրընկալողներ հյուրընկալությունը վերածում են բիզնեսի, մյուսները դա համարում են հոբբի։ Կարող եք փորձել հյուրընկալել միայն այն ժամանակ, երբ որևէ հատուկ միջոցառում է անցկացվում ձեր տարածաշրջանում, կամ երբ ցանկանում եք, որ տունը բնակեցված լինի, մինչ դուք արձակուրդում եք։

«Սիրում եմ լինել իմ գլխի տերը»,- ասում է Մագալին, որը սուպերտանտեր է Վաշինգտոն նահանգի Իսթ Վենաչի քաղաքում։ «Ճկուն ապրելաձևի շնորհիվ կարողանում եմ հիմնական ուշադրությունս հատկացնել երեխաներիս՝ միաժամանակ լավագույնս դրսևորվելով իմ երկրորդական աշխատանքներում»։

Վերջերս անցկացված մի հարցման ժամանակ շատ հյուրընկալողներ ասել են, որ իրենց տարածքներն Airbnb-ում առաջարկել են գումար վաստակելու նպատակով։ Նրանք այս հավելյալ գումարով ծածկում են շարունակաբար աճող առօրյա ծախսերն ու հաշիվները։

«Ես սկսեցի հյուրընկալել, երբ տեղափոխվեցի իմ սեփական տուն»,- ասում է Յուանը, որը սուպերտանտեր է Սինգապուրում։ «Իմ ազատ ննջասենյակը Airbnb-ի միջոցով վարձով տալուց ստացվող կայուն եկամուտն օգնում է ֆինանսավորել իմ ամենօրյա ծախսերը, քանի որ կրկին սովորում եմ դպրոցում և այլևս չունեմ լրիվ դրույքով աշխատանք»

2021 թվականին ամբողջ աշխարհում նոր հյուրընկալողները միասին վաստակել են ավելի քան 1,8 միլիարդ ԱՄՆ դոլար, ինչը 30%-ից ավելի աճ է 2019 թվականի ցուցանիշի համեմատ։ 2021 թվականին ԱՄՆ-ում հյուրընկալողների միջին եկամուտը կազմել է 13 800 ԱՄՆ դոլար, ինչը 2019 թվականի ցուցանիշից 85%-ով ավելի է։ Իսկ հյուրընկալման հնարավորությունները՝ սովորական հանգստյան օրերից մինչև շուրջտարյա այցեր, շարունակում են ավելանալ 2022 թվականին։

«Մի պահ անգամ չենք փոշմանել, որ հայտարարություն տեղադրեցինք Airbnb-ում»,- ասում է Ռոբինը՝ սուպերտանտեր Ավստրալիայի Բարքեր քաղաքում։ «Մեր տարածքը լիովին ամրագրված է ամսե-ամիս, և հյուրընկալումից ստացած եկամուտը, կենսաթոշակի և այլ ներդրումների հետ միասին, մեզ թույլ է տալիս վարել բավականին լավ ապրելակերպ»։

Տարածք տրամադրելու առավելությունները չեն սահմանափակվում ձեր բանկային հաշվում միջոցների ավելացմամբ։ Հյուրընկալողները պատմում են իրենց համայնքներին օգնելու և հետաքրքիր մարդկանց հետ ծանոթանալու մասին, որոնց, հավանաբար, չէին հանդիպի այլ հանգամանքներում։

Բարբադոսի Հոուլթաուն քաղաքում գործող սուպերտանտերեր Ջեյմսն ու Ռոքսաննան իրենց հյուրերին հյուրասիրում են տեղական արտադրության ուտեստներով, օրինակ՝ թարմ թխված բլիթներ են թողնում մահճակալի կողասեղանի վրա, որոնք վաճառում են նաև սեփականության տարածքում գտնվող փոքրիկ խանութում։ «Հյուրերն իրենց սենյակում մեր տեղական Cane Dog Coffee սուրճը փորձելուց հետո հաճախ գնում են այն»,- ասում է Ջեյմսը։

Բրայանը, որը սուպերտանտեր է Իսպանիայի Լաս Պալմաս դե Գրան Կանարիա քաղաքում գտնվող Hello House հոսթելում, ասում է, որ սկսել է հյուրընկալել, քանի որ ցանկացել է ունենալ ճանապարհորդելու զգացողություն՝ մնալով տանը։ «Մենք ունեցել ենք զարմանալի հյուրեր,- ասում է նա,- և սիրում ենք, երբ նրանք պատմում են իրենց պատմություններն ու կրկին այցելում մեզ»։

Կարող եք բառացիորեն ցանկացած տարածք առաջարկել Airbnb-ում։ Ինչ էլ լինի հյուրընկալման որոշում կայացնելու պատճառը, սկսելը հեշտ է։

• Իմացեք, թե որքան կարող եք վաստակել ձեր տարածքում, կամ գրանցվեք, որպեսզի մնալու տեղ առաջարկեք ճգնաժամի մեջ հայտնված մարդկանց
• Ստացեք անհատական ցուցումներ սուպերտանտիրոջից, ձեր առաջին ամրագրման ժամանակ փորձառու հյուր ընդունելու հնարավորություն և Airbnb Start-ի միջոցով օգտվեք համայնքի աջակցման թիմի հատուկ վերապատրաստված գործակալների ծառայություններից
• Իմացեք, թե ինչպես է Հյուրընկալողների AirCover-ը պաշտպանում ձեզ

Ձեր տարածքն Airbnb-ում առաջարկելով՝ կարող եք հասնել ձեր ֆինանսական նպատակներին, ծանոթանալ մարդկանց հետ ամբողջ աշխարհից և դառնալ ձեռներեց՝ ձեր պայմաններով։ Երբ պատրաստ լինեք հյուրերին մնալու տեղ առաջարկելու, մենք ձեզ կօգնենք ամեն քայլափոխի։

Բացահայտեք ավելին՝ ծանոթանալով հյուրընկալման վերաբերյալ մեր ուղեցույցին