Ինչպես տարածքը և հյուրերին նախապատրաստել անտառային հրդեհներին դիմակայելուն

Մենք լրջորեն ենք վերաբերվում հյուրընկալողների և հյուրերի անվտանգությանը։ Մեր Վստահության և անվտանգության հարցերով խորհրդատվական կոալիցիան, Հրշեջ ծառայությունների ղեկավարների միջազգային ասոցիացիայի (IAFC) հետ համագործակցելով, տրամադրել է «Պատրա՜ստ, ուշադրությո՛ւն, առա՛ջ» ծրագրի այս ռեսուրսները։

Թեև ծրագիրը գործում է ԱՄՆ-ում է, դրա խորհուրդները տեղին են ամբողջ աշխարհում անտառային հրդեհներից տուժած շատ վայրերում։ Ահա IAFC-ի առաջարկներից մի քանիսը՝ ռիսկերը նվազեցնելու և հյուրերին անտառային հրդեհների դեպքում անվտանգության ապահովման մասին իրազեկելու համար։

Նախապես պլանավորումը կօգնի պաշտպանել ձեզ, ձեր հյուրերին և ձեր սեփականությունը։ IAFC-ն առաջարկում է կատարել հետևյալ քայլերը.

• Ձեր տնից, ավտոտնակից և այլ շինություններից 30 ֆուտ (9 մետր) հեռավորության սահմաններում հեռացրեք գերաճած բուսականությունը, որպեսզի կարողանաք ստեղծել պաշտպանելի տարածություն։
• Տան հիմքի շուրջ 5 ֆուտ (1,5 մետր) շառավղով օգտագործեք պինդ մակերևույթներ, օրինակ՝ բետոն, ապար կամ սալահատակման աղյուս։
• Տան մոտակայքում բուսականություն աճեցնելիս օգտագործեք հրդեհադիմացկուն, ցածրահասակ խոտաբույսեր։
• Հեռացրեք ցածր կախ ընկած ճյուղերը՝ խոտերի, թփերի և բարձր ծառերի միջև առնվազն 6 ֆուտ (2 մետր) տարածություն ստեղծելու համար։

Տեղեկացված լինելու համար գրանցվեք ձեր սեփականության գտնվելու վայրում արտակարգ իրավիճակների մասին ծանուցումների համար։ Տեղական, տարածաշրջանային և ազգային պետական մարմիններից շատերն առաջարկում են այս ծառայությունը։ Մանրամասների համար աչքի անցկացրեք դրանց կայքերը։

Այնպիսի վայրերից ճանապարհորդող հյուրերը, որոնք սովորաբար չեն տուժում անտառային հրդեհներից, գուցե չհասկանան ռիսկերը։ Դուք կարող եք օգնել նրանց պատրաստ լինել IAFC-ի այս խորհուրդներով.

• Տան կանոններում ավելացրեք հիմնական տեղեկություններ տարածաշրջանում անտառային հրդեհների սեզոնի և կրակայրման սահմանափակումների մասին։
• Արտակարգ իրավիճակների տեղական կոնտակտների ցուցակը ցուցադրեք ձեր տարածքի որևէ տեսանելի վայրում, օրինակ՝ սառնարանի կամ սուրճի սեղանի վրա։
• Հյուրերին տվեք տեղանքի քարտեզը, որտեղ հստակորեն նշված են ձեր սեփականության հասցեն, մոտակա ճանապարհների անվանումները, տարհանման մի քանի ուղիներ և հնարավոր անվտանգ վայրերը։ Նշեք ձեր թաղամասի անվանումը։
• Հյուրերին խրախուսեք գրանցվել արտակարգ իրավիճակների տեղական ծառայությունների ծանուցումների համար և մշտապես հետևեք հրդեհների մասին լուրերին, նույնիսկ եթե անտառային հրդեհը մոտ չէ ձեր սեփականությանը։
• Տեղեկացրեք հյուրերին, որ հեռանալու համար պարտադիր չէ սպասել տարհանման հրամանի։ Կարող է լրացուցիչ ժամանակ պահանջվել տարածքում կողմնորոշվելու համար, եթե այն անծանոթ է նրանց։

Անտառային հրդեհներին պատրաստվելու վերաբերյալ լրացուցիչ տեղեկություններ ստանալու համար կարող եք դիմել տեղական հրշեջ վարչություն։ Եթե գտնվում եք ԱՄՆ-ում, կարող եք ծանոթանալ նաև «Պատրա՜ստ, ուշադրությո՛ւն, առա՛ջ» ծրագրին՝ անտառային հրդեհների մասին ավելի լավ պատկերացում կազմելու և գործողությունների պլան կազմելու համար։

Չեղարկման կանոնները, որոնք ընտրում եք ձեր հայտարարության համար, ընդհանուր առմամբ որոշում են ամրագրումների չեղարկման դեպքում գումարի վերադարձը հյուրին, եթե դուք և հյուրը այլ բանի շուրջ չեք համաձայնում։ Եթե ամրագրված տարածքի գտնվելու վայրում որևէ խոշորամասշտաբ իրադարձություն անհնար է դարձնում կամ օրենքով արգելում է ամրագրման ավարտումը, կարող է կիրառվել Airbnb-ի Խոշոր կործանարար իրադարձությունների վերաբերյալ քաղաքականությունը։ 

Խոշոր կործանարար իրադարձությունների վերաբերյալ քաղաքականության կիրառման դեպքում կարող եք չեղարկել ամրագրումն առանց վճարների ու բացասական հետևանքների, և հայտարարության օրացույցը կարգելափակվի այդ ամսաթվերի համար։ Ազդեցություն կրած ամրագրումներով հյուրերը նույնպես կարող են չեղարկել և հետ ստանալ ամբողջ գումարը։ Եթե դուք կամ ձեր հյուրերը չեղարկեք քաղաքականության շրջանակներում ընդգրկված ամրագրում, ապա դուք չեք ստանա վերջնավճար։