Խորհուրդներ, որոնք կօգնեն կանխել երեկույթների կազմակերպումը ձեր տարածքում
Առանձնահատկություններ
Airbnb-ի Երեկույթների և միջոցառումների քաղաքականությունը թույլ է տալիս չեղարկել առանց հետևանքների, եթե տրամադրեք ապացույցներ առ այն, որ հյուրը մտադիր է երեկույթ կազմակերպել
Ակնկալիքների ձևավորումը և շփումներում հստակությունը կարող են օգնել խուսափել խնդիրներից
Անվտանգության ապահովման հարցում հյուրընկալողներին և հյուրերին օգնելը Airbnb-ի առաջնահերթություններից է։ Airbnb-ում առաջարկվող բնակելի տարածքներում անկարգապահ վարքագիծը կանխարգելելու նպատակով մենք արգելում ենք անցկացնել անհանգստություն պատճառող երեկույթներ և միջոցառումներ, այդ թվում՝ առանց հրավերի հավաքույթներ։
2020 թվականի օգոստոսից ի վեր, երբ սկսեցինք գործադրել ամբողջ աշխարհում երեկույթների և միջոցառումների կազմակերպման արգելքը, տարեցտարի գրանցեցինք երեկույթների մասին հաղորդումների հաճախականության 44% անկում։ Այդ նորամուծությունը բարձր են գնահատել նաև հյուրընկալողները, համայնքների առաջնորդները և ընտրված պաշտոնյաները։
Անկախ այն հանգամանքից՝ հարյուրավոր հյուրերի եք ընդունել, թե նոր եք սկսել, ուզում ենք, որ ձեզ հանգիստ զգաք ձեր տարածքում հյուրընկալելիս։ Ահա վեց քայլ, որոնց միջոցով կարող եք կանխել երեկույթներն ու նվազեցնել առնչվող ռիսկերը։
1. Իմացեք, թե ինչպես է գործում արգելքը
Հնարավոր խնդիրները կանխելու համար խորհուրդ ենք տալիս կարդալ մեր Երեկույթների և միջոցառումների քաղաքականությունը։ Որոշ առանցքային նկատառումներ՝
- Անհանգստություն պատճառող երեկույթներ ու միջոցառումներ և առանց հրավերի հավաքույթներ չեն թույլատրվում։
- Որոշ երկրներում և տարածաշրջաններում մենք սահմանափակումներ ենք կիրառել ամբողջական տների որոշ տեղական ամրագրումների նկատմամբ՝ 25 տարեկանից փոքր հյուրերի համար, որոնք ունեն բացասական կարծիքներ կամ երեքից պակաս դրական կարծիքներ։
- Մոտակա ամիսներին մենք կհեռացնենք 16 հյուրի սահմանափակումը, որը կիրառվում է 2020 թվականից՝ գլխավորապես ի պատասխան հանրային առողջության հետ կապված մտահոգությունների, որոնք պայմանավորված էին COVID-19-ով։
- Հյուրընկալության ավանդական վայրերում, օրինակ՝ բուտիկ-հյուրանոցներում, հյուրընկալողները կարող են իրենց հայեցողությամբ թույլատրել համապատասխան միջոցառումներ։
- Հյուրընկալողներն իրավունք չունեն թույլատրելու քաղաքականությունը խախտող որևէ հավաքույթ։
Airbnb-ն կարող է միջոցներ ձեռնարկել այն հյուրերի և հյուրընկալողների նկատմամբ, որոնք խախտում են մեր քաղաքականությունները։
2. Հյուրերին հստակորեն ներկայացրեք ձեր ակնկալիքները
3. Ծանոթացեք ձեր հյուրերի հետ
Հյուրերի հետ շփումներում հստակությունը ձեր, ձեր սեփականության և համայնքի անվտանգությունն ապահովելու միջոցներից մեկն է։ Ամրագրման հայտ կամ հաստատված ամրագրում ստանալուց հետո ուսումնասիրեք հյուրի մասին տեղեկությունները և մի քանի սովորական ճշտող հարց տվեք նրա այցի վերաբերյալ, օրինակ՝
- ո՞րն է ձեր ուղևորության նպատակը․
- ուրիշ ո՞վ է մնալու ձեզ հետ․
- կարո՞ղ եք հաստատել, որ կարդացել եք տան կանոնները։
Սա նաև հնարավորություն է հյուրերին հիշեցնելու այն ամենի մասին, ինչը չեք ցանկանում, որ նրանք մոռանան կամ անտեսեն, օրինակ՝ հանգստի համար սահմանված ժամերը։ Կարող եք նրանց ծանոթացնել աղմուկին, կայանմանը և հանրային առողջությանը վերաբերող տեղական օրենքներին կամ սահմանափակումներին։
4. Եղեք լավ հարևան
Տեղեկացրեք հարևաններին, որ հյուրեր եք ընդունում։ Ձեր կոնտակտային տվյալները տրամադրեք մեկ կամ մի քանի վստահելի հարևանի և խնդրեք կապվել ձեզ հետ, եթե անսպասելի խնդիրներ առաջանան։
Եթե հարևանները մտահոգություններ ունեն, կարող եք նրանց հավաստիացնել, որ հյուրերի ճնշող մեծամասնությունը խնդիրներ չի առաջացնում։ Փաստացի, 2021 թվականին ամբողջ աշխարհում Airbnb-ի միջոցով կատարված ամրագրումների 99,92%-ի դեպքում անվտանգության հետ կապված խնդիրների մասին հաղորդումներ չեն եղել։*
5. Հասանելի եղեք հյուրերին
Նույնիսկ եթե առաջարկում եք ինքնուրույն ժամանում, միևնույն է, կարող եք հյուրերին տեղեկացնել, որ միշտ հասանելի եք։ Ահա թե ինչ կարող եք անել ժամանումից առաջ, հետո և ժամանման ընթացքում.
- Հյուրերին տեղեկացրեք, թե ինչպես արտակարգ իրավիճակներում հեռախոսով կապվել ձեզ հետ։ Դուք ավելի լավ կկարողանաք հարթել ցանկացած միջադեպ, իսկ նրանք կգնահատեն արագ արձագանքը։
- Եթե հյուրերն ինչ-որ բանի կարիք ունեն, առաջարկեք այցելել նրանց կամ ուղարկել մեկ ուրիշի։ Եթե հեռու եք ապրում, խորհուրդ ենք տալիս նշանակել սեփականության կառավարիչ կամ համահյուրընկալող, որն անհրաժեշտության դեպքում կկարողանա անձամբ զբաղվել գործերով։
6. Եթե մտահոգություններ ունեք, ձեռնարկեք միջոցներ
Եթե կարծում եք, որ հյուրը մտադիր է երեկույթ կազմակերպել, կարող եք ժամանումից առաջ չեղարկել ամրագրումը՝ առանց հետևանքների։ Մենք ձեզ կխնդրենք տրամադրել ապացույցներ, որոնք հիմնավորում են ձեր որոշումը (օրինակ՝ հյուրի հաղորդագրությունները և այլ փաստաթղթեր)։
Դիցուք՝ ձեր տարածքի մոտակայքում բնակվող մի հյուր վերջին պահին ամրագրում է հանգստյան օրերին մեկ գիշեր տևողությամբ այց։ Նա հաղորդագրություն է ուղարկում ձեզ՝ հարցնելով ընկերների համար փողոցում լրացուցիչ կայանատեղերի մասին, և դուք կարդում եք մեկ այլ հյուրընկալողի կարծիքը այդ հյուրի մասին, որում հիշատակվում է երեկույթի կազմակերպում։ Եթե հյուրի հաղորդագրությունը և նրա մասին կարծիքը տրամադրեք մեզ, հնարավոր է, որ կարողանաք առանց հետևանքների չեղարկել ամրագրումը։
Հնարավոր է, որ կարողանաք չեղարկել առցանց, եթե միացրել եք ակնթարթային ամրագրումը, և տարեկան երեք չեղարկման սահմանաչափը չի լրացել։ Եթե հյուրը ժամանելու է 24 ժամվա ընթացքում, ամրագրումը չեղարկելու համար պետք է դիմեք մեզ։
Անվտանգության և հյուրընկալման վերաբերյալ ակնկալիքների մասին ավելին իմանալու համար կարդացեք մեր համայնքի կանոնները։
*Հաշվարկը հիմնված է Airbnb-ի՝ 2021 թ․ հունվարի 1-ից մինչև դեկտեմբերի 31-ն ընկած ժամանակահատվածում հավաքված ներքին տվյալների վրա։
Այս հոդվածում պարունակվող տեղեկությունները կարող են փոխված լինել հրապարակումից հետո։
Առանձնահատկություններ
Airbnb-ի Երեկույթների և միջոցառումների քաղաքականությունը թույլ է տալիս չեղարկել առանց հետևանքների, եթե տրամադրեք ապացույցներ առ այն, որ հյուրը մտադիր է երեկույթ կազմակերպել
Ակնկալիքների ձևավորումը և շփումներում հստակությունը կարող են օգնել խուսափել խնդիրներից