Ինչպես սկսել Airbnb-ում

Հայտարարությունը համարեք ձեր տարածքի գովազդ։ Պետք է հնարավորինս համոզիչ դարձնեք այն, բայց, միևնույն ժամանակ, ազնվորեն ներկայացնեք ցանկացած արտասովոր առանձնահատկություն։

• Սկսեք հիմնական տեղեկություններից։ Մուտքագրեք մանրամասներ, օրինակ՝ ձեր տարածքի գտնվելու վայրը, ինչ տեսակի սեփականություն եք առաջարկում, հյուրերին հասանելի ննջասենյակների և լոգասենյակների թիվը։
• Լուսանկարեք տարածքը։ Հյուրերը սիրում են տարածք ընտրելիս աչքի անցկացնել լուսանկարները։ Լավ լուսանկարներ ստանալու համար նախապես կարգի բերեք ձեր տարածքը։ Լուսանկարեք բոլոր սենյակները՝ հնարավորության դեպքում օգտվելով բնական լույսից և տեսախցիկը պահելով հորիզոնական դիրքով։
• Նշեք ուրույն մանրամասները։ Ձեր տարածքի վերնագիրն ու նկարագիրը գրելիս հաշվի առեք, թե ինչն է այն առանձնահատուկ դարձնում, օրինակ՝ որևէ տեսարան կամ լողավազան։ Նկարագրության մեջ նշեք նաև այն, ինչը հյուրերը պետք է իմանան նախքան ամրագրելը, օրինակ՝ աստիճանների կամ կայանատեղի առկայությունը։
  

Հաջորդիվ՝ տեսակավորեք ձեր տարածքին առնչվող կազմակերպչական հարցերը՝ հյուրընկալման գործընթացի անխափանությունն ապահովելու համար։

• Ձեր հայտարարությունում ավելացրեք տան կանոններ։ Որպեսզի հյուրերի համար հասկանալի լինեն ձեր ակնկալիքները, տարածքի համար կանոններ ավելացրեք, այդ թվում՝ այնպիսի մանրամասներ, ինչպիսիք են ծխելու, տնային կենդանիների կամ երեկույթների սահմանափակումները։
• Կարգավորեք ձեր օրացույցը։ Որպեսզի ամրագրումներ ստանաք միայն այն ժամանակ, երբ կարող եք հյուրընկալել, թարմացրեք ձեր Airbnb օրացույցը՝ նշելով ազատ ամսաթվերը։ Կարող եք նաև հստակ տեղեկություններ տալ այն մասին, թե որքան շուտ է հարկավոր նախնական ծանուցում ուղարկել ձեզ, կամ հյուրերը որքան վաղ կարող են ամրագրել։
  
• Ընտրեք մեկ գիշերվա գինը։ Ձեր գինը դուք եք որոշում, բայց Airbnb-ն ունի գործիքներ (օրինակ՝ Խելացի գնանշում), որոնք օգնում են գները համապատասխանեցնել պահանջարկին կամհատուկ գին սահմանել հանգստյան օրերի և որոշակի սեզոնների համար։
• Ծանոթացեք տեղական օրենքներին։ Որոշ քաղաքներում կան համակեցության կանոններ, օրինակ՝ ձեր կողմից հյուրընկալվող գիշերների քանակի սահմանափակումներ, գրանցման պահանջներ կամ հատուկ հարկեր։ Տեղեկություններ պատասխանատու հյուրընկալման մասին։
  

Սպասելիս լինեք ձեր առաջին, թե 100-րդ հյուրին՝ սրանք այն քայլերն են, որոնք պետք է ձեռնարկեք ձեր տարածքը նախապատրաստելու համար։

• Կարգի բերեք տարածքը։ Մաքրեք յուրաքանչյուր սենյակ, որտեղ հյուրերը կարող են մուտք գործել, հատկապես՝ ննջասենյակները, լոգասենյակները և խոհանոցը։ Ստուգեք և համոզվեք, որ մակերեսների և հատակների վրա մազեր, փոշի կամ բորբոս չկա։ Անկողիններին թարմ սպիտակեղեն գցեք։
  
• Պահեք ձեր արժեքավոր իրերը։ Եթե ունեք զարդեր, անձնագրեր կամ այլ արժեքավոր իրեր, խորհուրդ ենք տալիս պահել կողպվող սենյակում, պահարանում, սեյֆում կամ պահեստում։ Կարող եք դրանք թողնել ընտանիքի կամ ընկերների մոտ։
  
• Պահեստավորեք առաջին անհրաժեշտության իրերը։ Որպեսզի հյուրերն իրենց զգան ինչպես տանը, տրամադրեք այնպիսի հարմարություններ, ինչպիսիք են օճառը, շամպունը, զուգարանի թուղթը, անկողնային սպիտակեղենը և սրբիչները։ Ցանկալի է ձեռքի տակ ունենալ անհրաժեշտ իրերի լրացուցիչ քանակություն։
• Տրամադրեք ժամանման մանրամասները։ Պատրաստ եղեք կազմակերպելու հյուրերի ժամանումն ու մեկնումը կամ խնդրեք ընկերներին կամ ընտանիքի անդամներին օգնել այդ հարցում։ Եթե որևէ մեկը չկարողանա օգնել, միշտ կարող եք օգտվել մինի-սեյֆից կամ էլեկտրոնային կողպեքից և հյուրերին ժամանման ցուցումներ տրամադրել Airbnb հավելվածում։
• Ավելացրեք վերջին շտրիխները։ Հյուրերը սիրում են մտածված մանրուքներ։ Ցուցումներ և խորհուրդներ պարունակող տան ուղեցույցը կարող է կողմնորոշել հյուրերին։ Մի շիշ գինին կամ փոքրիկ նվերը կարող է հյուրերի համար է՛լ ավելի հաճելի դարձնել այցը, բայց, իհարկե, դա պարտադիր չէ։

Երբ կարգավորեք ձեր հայտարարությունն ու տարածքը, պատրաստ կլինեք հյուրընկալելու և եկամուտ վաստակելու։