Ինչպես դիմավորել առաջին հյուրերին

Գուցե հարցեր ունենաք այն մասին, թե ինչպես պատրաստվել ձեր առաջին հյուրերին ընդունելուն։ Ահա մի քանի խորհուրդ հարմարավետ պայմաններ ստեղծելու վերաբերյալ։

Սահմանեք պարզ և հուսալի գործընթաց։ Ձեր տարածք հասնելու ուղղություններ, ժամանման եղանակ և ժամանման քայլ առ քայլ ցուցումներ ավելացրեք հայտարարության ժամանման ուղեցույցում։ Շատ հյուրեր նախընտրում են ինքնուրույն ժամանման հարմարավետությունը, ինչը նրանց թույլ է տալիս ներս մտնել առանց ձեր ներկայության։

Հյուրերը կարող են իրենց ուղևորության մանրամասներում ժամանման վերաբերյալ ցուցումներին ծանոթանալ ժամանումից 48 ժամ առաջ, իսկ եթե ունեք չեղարկման ճկուն կանոններ՝ 24 ժամ առաջ։

Յուրաքանչյուր հյուր տարբեր է, բայց շատերն ակնկալում են, որ կկարողանան օգտվել որոշակի տարրերից և տեղեկություններից։ Հարմարավետ այց ապահովելու համար կատարեք այս քայլերը։

• Ապահովեք հիմնական պարագաների առկայությունը։ Դրանք ներառում են սրբիչներ, սպիտակեղեն, բարձեր, օճառ և զուգարանի թուղթ։

• Հասանելի եղեք։ Պլանավորեք, թե ինչպես արագ կլուծեք խնդիրները, և հիշեցրեք հյուրերին, որ նրանք կարող են կապվել ձեզ հետ, եթե ինչ-որ խնդիր առաջանա։

• Ավելացրեք տան ուղեցույց։ Տրամադրեք կարևոր տեղեկություններ, օրինակ՝ ինչպես միանալ ինտերնետին և օգտվել սարքերից։ Տպագիր տարբերակ թողեք հյուրերի համար հարմար տեղում։

• Ավելացրեք ուղեցույց։ Որպես տեղացի՝ կիսվեք ձեր խորհուրդներով, այդ թվում՝ ճաշելու, գնումներ կատարելու, տեսարժան վայրեր այցելելու և բացօթյա հանգիստ անցկացնելու վերաբերյալ։

Հյուրերի հետ շփումը հնարավորություն է տալիս սահմանելու ակնկալիքներ և ցույց տալու, որ հոգում եք նրանց կարիքների մասին։

• Ստեղծեք հյուրընկալ միջավայր։ Առաջնահերթություն տվեք ներառական գործելակերպերին, որոնք յուրաքանչյուր հյուրի կօգնեն հարմարավետ զգալ ձեր տարածքում։ Նախ հարցրեք հյուրերին, թե ինչը կօգներ նրանց զգալ ինչպես տանը։

• Հանդուրժող եղեք։ Փորձեք յուրաքանչյուր իրավիճակին նայել հյուրի տեսանկյունից։

• Արագ արձագանքեք։ Պատասխանների հաճախականության լավ ցուցանիշ ունենալը նպաստում է, որ տարածքն ավելի բարձր դիրք զբաղեցնի Airbnb-ում հյուրերի կատարած որոնման արդյունքներում։ Օգտվեք հավելվածից՝ արագ հաղորդակցվելու համար, և օգտակար տեղեկություններ տրամադրելու համար պլանավորված հաղորդագրություններ սահմանեք կարևոր պահերին, օրինակ՝ ժամանման պահին։

Ահա մի քանի նմուշային հաղորդագրություններ, որոնցից կարող եք ընտրել պլանավորում որոշակի ժամերի։ Այս օրինակներում օգտագործվում են կարճ կոդեր, տեղապահներ, որոնք ավտոմատ կերպով լրացնում են ամրագրման, հայտարարության և հյուրի տվյալները։ Դրանք տեղադրեք բացվող ընտրացանկից, քանի որ ձեռքով մուտքագրելու դեպքում չեն աշխատի։

Հյուրերն ակնկալում են ժամանել մաքուր տարածք։ Մշակեք սխեմա, որը ներառում է բոլոր մակերևույթների, հատակի և գործվածքների մաքրումը։

• Ստուգեք, որ բծեր, կեղտ կամ մազ չլինի։ Սովորաբար անտեսված տեղերից են մահճակալի տակը, դարակների ներսը և պատուհանագոգերը։

• Ընտրեք չեզոք բույրեր։ Ցանկացած տեսակի ուժեղ բույր կարող է տհաճ լինել հյուրերի համար։ Մաքրելու ընթացքում բացեք պատուհանները և օգտագործեք մեղմ, բազմաֆունկցիոնալ ախտահանիչներ։ 

• Հեռացրեք կամ պահեք անձնական իրերը։ Դա կօգնի, որ ձեր տարածքն ավելի հյուրընկալ և մաքուր թվա։

Դուք և ձեր հյուրերը կարող եք մեկնումից հետո 14 օրվա ընթացքում կարծիք հայտնել միմյանց մասին։ Կարծիքները թաքցված են մնում այնքան ժամանակ, մինչև և՛ դուք, և՛ ամրագրող հյուրը կարծիք գրեք, կամ 14-օրյա ժամկետը լրանա։ Հյուրերը կարող են գնահատականներ տալ նաև իրենց ընդհանուր փորձառության համար և վեց ենթաբաժիններում՝ մաքրություն, ճշգրտություն, ժամանում, շփում, տեղադրություն և գին/որակ հարաբերակցություն։

Առաջին կարծիքները հատկապես կարևոր են։ Ձեր ընդհանուր գնահատականը հայտարարության մեջ կհայտնվի երեք կարծիք ստանալուց հետո և կազդի որոնման արդյունքներում ձեր դիրքի վրա։ Հաղորդագրություն պլանավորեք մեկնման օրը՝ հյուրերին խնդրելով կարծիք հայտնել իրենց այցի մասին։

Կարծիքներ թողնելիս եղեք անկեղծ ու հարգալից և բոլոր հյուրերին գնահատեք միևնույն ստանդարտներով։ Կարծիքներն ամրապնդում են հյուրերի և հյուրընկալողների միջև վստահությունը։

Այս հոդվածում պարունակվող տեղեկությունները կարող են փոխված լինել հրապարակումից հետո։