Այն ամենը, ինչ պետք է իմանաք մաքրման վճարների մասին

Մաքրման վճար ավելացնելը ձեր գնանշման ռազմավարության կարևոր մասն է։ Որոշ հյուրընկալողներ այս կերպ փոխհատուցում են մաքրություն ծախսերը։ Բայց եթե վճարը շատ բարձր է, այն կարող է հյուրերին հետ պահել ամրագրումից և նվազեցնել ձեր եկամուտը։

Մտածեք՝ արդյոք հյուրերը պատրաստ են ամրագրելու նման մաքրման ծախսերի առկայության դեպքում։

Ըստ հյուրերի՝ իրենք ամենից շատ կարևորում են մաքուր տարածքը և արդարացված գները։ Հյուրընկալողներին հինգից քիչ աստղեր դնելու ամենատարածված պատճառներից մեկը թերի մաքրությունն է։ Մեր հետազոտությունը ցույց է տալիս, որ մաքրման վճարի առկայության դեպքում հյուրերն ակնկալում են կատարյալ մաքրություն և կարծիք հայտնելիս կարող են ավելի բծախնդիր լինել։

Եթե ավելացնեք մաքրման վճար, այն կբարձրացնի ընդհանուր գինը և մեկնման ժամանակ կներկայացվի հյուրերին որպես առանձին գանձում։ Մաքրման բարձր վճարը կարող է ստիպել հյուրերին վերանայել ձեր տարածքն ամրագրելու որոշումը։ Հյուրերը նաև հնարավորություն ունեն միացնելու ընդհանուր գնի ցուցադրման գործառույթը, որը թույլ է տալիս որոնման արդյունքներում դիտել հայտարարությունների ընդհանուր արժեքը՝ ներառյալ բոլոր վճարները։

Մրցակցային գինը կօգնի, որ ձեր հայտարարությունն աչքի ընկնի, ինչպես նաև բարձր դիրք գրավի որոնման արդյունքներում։ Airbnb-ի ալգորիթմն առաջնահերթություն է տալիս ընդհանուր գնին և տարածքի որակին՝ համեմատած մոտակայքում գտնվող նույնատիպ տարածքների հետ։

Օրացույցում կարող եք օգտագործել գնանշման գործիքներ, որպեսզի տեսնեք տարբեր ամսաթվերի և ուղևորությունների տեսակների ընդհանուր գինը և համեմատեք այն մոտակայքում գտնվող նմանատիպ տարածքների գնի հետ։

Երբ գտնեք ձեզ հարմար մաքրման համակարգ, ավելացրեք ձեր ծախսերը և սահմանեք մաքրման ճշգրիտ բյուջե։ Ահա մի քանի խորհուրդ, որոնք պետք է հաշվի առնել ծախսերը գնահատելիս.

• Համեմատեք գները։ Եթե վարձում եք պրոֆեսիոնալ մաքրուհի, ուսումնասիրեք նրա և տարբեր ընկերությունների ծառայությունների վճարները։ Այդպես կգտնեք լավագույն գինը, միևնույն ժամանակ կվճարեք արդար վարձատրությամբ։
• Բանակցեք մաքրողների հետ։ Հարցրեք ձեր մաքրուհուն՝ արդյոք չի՞ իջեցնի ծառայության գինը ավելի շատ աշխատանք ստանալու պայմանով։ «Ցածր սեզոնի ընթացքում ամսական երաշխավորված եկամուտ ենք առաջարկել, նույնիսկ եթե ընդամենը մեկ կամ երկու ամրագրում ենք ունեցել»,- ասում է հյուրընկալող Լոռնան։ «Փոխարենը մի փոքր ավելի քիչ ենք վճարել բարձր սեզոնի ընթացքում»։
• Պահեստավորեք մաքրման պարագաներ։ Մտածեք, թե դրանցից որոնք եք ամենից հաճախ օգտագործում։ Որպես կանոն, մեծաքանակ պատվերներն ավելի էժան են։

Որոշեք, թե ինչպես եք հոգալու մաքրման ծախսերը և մրցունակ պահելու տան գինը։ Խորհուրդ ենք տալիս.

• Ուսումնասիրեք հարկերի հնարավոր նվազեցումները։ Հնարավոր է՝ կարողանաք դուրս գրել հյուրընկալման որոշ ծախսեր, այդ թվում՝ մաքրման ծախսեր, երբ ներկայացնեք եկամտահարկի հաշվետվությունը։ Հարկային մասնագետը կարող է օգնել կամ տրամադրել լրացուցիչ մանրամասներ։
• Ծախսերը ներառեք մեկ գիշերվա գնի մեջ։ Հաշվեք, թե որքան եք վճարում մաքրման պարագաների, լվացքատան ծառայությունների և տան մաքրման համար՝ ձեր մյուս գործառնական ծախսերի հետ միասին։ Սա ձեզ ընդհանուր պատկերացում կտա ծախսերի մասին և կօգնի սահմանել մեկ գիշերվա գինը։
• Ավելացրեք մաքրման վճար։ Դա օգտագործեք մաքրման պարագաների կամ պրոֆեսիոնալ մաքրման ծառայության համար, այլ ոչ որպես լրացուցիչ գումար վաստակելու միջոց։

Եթե որոշեք ավելացնել մաքրման վճար, կունենաք մի քանի տարբերակ.

• Սահմանեք ստանդարտ վճար։ Ավելացրեք մեկ մաքրման վճար բոլոր հյուրերի համար՝ անկախ այցի տևողությունից։ Դա կարող է լավ ռազմավարություն լինել երկարաժամկետ այցեր առաջարկող հյուրընկալողների համար։
• Փոփոխեք մաքրման վճարը։ Գրավեք ընդամենը մեկ կամ երկու գիշեր տևողությամբ այցեր ամրագրող հյուրերի՝ սահմանելով մաքրման ավելի ցածր վճար։ Կարող եք պահպանել մաքրման ձեր ստանդարտ վճարը մնացած բոլոր այցերի համար։

Եթե սկսնակ հյուրընկալող եք, մի ավելացրեք մաքրման վճար միանգամից։ Դա կանեք ամրագրումներ խրախուսող մի քանի հրաշալի կարծիք ստանալուց հետո։

Ավելացրեք կամ փոփոխեք մաքրման վճարը հայտարարության օրացույցի «Գնանշում» ներդիրում։

Այն հազվագյուտ դեպքերում, երբ ձեր տունը հատուկ մանրազնին մաքրում է պահանջում այցից հետո, օրինակ՝ դժվար հեռացվող բծերի կամ ծխի հեռացում, կարող եք փոխհատուցում ստանալ Հյուրընկալողների AirCover-ի շրջանակներում։ Հյուրընկալողի պաշտպանությունը գույքային վնասից ունի մինչև 3 միլիոն ԱՄՆ դոլարի ծածկույթ։ Սա առանձին է մաքրման վճարից և չի պահանջում նախնական կարգավորում։

Հյուրընկալողների AirCover-ի՝ Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։ Եթե հյուրընկալում եք Միացյալ Թագավորությունում, ապա Հյուրընկալողի պատասխանատվության ապահովագրության և Փորձառություն հյուրընկալողի պատասխանատվության ապահովագրության պոլիսները երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարն է՝ 310451։ Դա կարող եք ստուգել՝ այցելելով Ֆինանսական ծառայությունների ռեգիստր կամ կապվելով FCA-ի հետ 0800 111 6768 հեռախոսահամարով։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություն հյուրընկալողի պատասխանատվության պոլիսները կարգավորվում են Ֆինանսական վերահսկողության վարչության կողմից։ Մնացած պրոդուկտներն ու ծառայությունները Airbnb UK Services Limited ընկերության կողմից տրամադրված կարգավորվող պրոդուկտներ չեն։ FPAFF405LC

«Հյուրընկալողի պաշտպանություն գույքային վնասից» ծրագիրը ապահովագրական պոլիս չէ և կապված չէ Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, հյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։

Այս հոդվածում պարունակվող տեղեկությունները կարող են փոխված լինել հրապարակումից հետո։