Ինչպես է գործում Հյուրընկալողների AirCover-ը
Հյուրընկալողների AirCover-ը տրամադրում է ամբողջական պաշտպանություն ամեն անգամ հյուրեր ընդունելիս։ Այն ներառում է հյուրերի ինքնության հաստատում, ամրագրման ստուգում, Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով և 3 միլիոն ԱՄՆ դոլարի չափով պաշտպանություն գույքային վնասից՝ ձեր թանկարժեք իրերի, սեփականության տարածքում կայանված մեքենաների և նավակների պաշտպանությամբ։
Հյուրի ինքնության հաստատում
Մեր համայնքը հիմնված է վստահության վրա։ Ահա թե ինչու բոլոր ամրագրող հյուրերը պետք է ավարտեն ինքնության հաստատման գործընթացը։ Հյուրի ինքնության հաստատման գործընթացում մենք ստուգում ենք որոշակի անձնական տվյալներ, օրինակ՝ նրա անունը և ազգանունը՝ ըստ փաստաթղթերի, հասցեն, հեռախոսահամարը կամ այլ կոնտակտային տվյալներ։
Երբ հյուրի ինքնությունը հաստատվի, նա կստանա «Ինքնությունը հաստատված է» նշանակ։ Դա նրա պրոֆիլի լուսանկարի կողքին գտնվող ստուգանիշով կարմիր նշանակ է, որը ցուցադրվում է Airbnb-ի բոլոր բաժիններում։ Բացի այդ, մենք կարող ենք կատարել ԱՄՆ-ում բնակվող հյուրերի կենսագրական տվյալների ստուգումներ։
Ամրագրման ստուգման տեխնոլոգիա
Հասարակական կարգի խախտման վերաբերյալ մեր քաղաքականությունն արգելում է չարտոնված և անհանգստություն պատճառող երեկույթների անցկացումը։ Մենք օգտագործում ենք ամրագրման ստուգման սեփական տեխնոլոգիան, որը կօգնի կիրառել այդ քաղաքականությունը և նվազեցնել անհանգստություն պատճառող երեկույթների կազմակերպման հավանականությունը։
Համակարգում դիտարկվում են մի շարք գործոններ, այդ թվում՝ ամրագրվող տարածքի տեսակը, այցի տևողությունը, հյուրի գտնվելու վայրից մինչև տարածքը եղած հեռավորությունը և վերջին պահի ամրագրում լինել-չլինելու հանգամանքը, որպեսզի, ի թիվս շատ այլ նշանների, որոշենք, թե արդյոք ամրագրումը պետք է արգելափակվի։
Լրացուցիչ մանրամասներ ամրագրումների ստուգման տեխնոլոգիայի մասին
Հյուրընկալողի պաշտպանություն գույքային վնասից 3 միլիոն ԱՄՆ դոլարի չափով
Ավելի քան մեկ տասնամյակ է, ինչ Airbnb-ն ոլորտում առաջատար պաշտպանությունն է առաջարկում հյուրընկալողներին։ Հյուրընկալողի պաշտպանությունը գույքային վնասից, որը Հյուրընկալողների AirCover-ի մի մասն է, ներառում է հետևյալ պաշտպանության միջոցները, եթե հյուրը չի փոխհատուցում իր այցի ընթացքում տանը կամ իրերին պատճառած վնասի համար.
- 3 միլիոն ԱՄՆ դոլարի պաշտպանություն գույքային վնասից։ Սա ներառում է և՛ տունը, և՛ այնտեղ առկա ամեն ինչ։
- Արվեստի գործերի և թանկարժեք իրերի պաշտպանություն։ Մենք պաշտպանում ենք կերպարվեստի գործերը, ոսկերչական իրերը և հավաքածուները, որոնք վնասվելու դեպքում կարող են փոխհատուցվել։
- Ավտոմեքենաների և նավակների պաշտպանություն։ Մենք տրամադրում ենք պաշտպանություն ձեր սեփականության տարածքում կայանված կամ պահվող ավտոմեքենաների, նավակների և այլ ջրային փոխադրամիջոցների համար՝ դրանց վնասման դեպքում։
- Պաշտպանություն տնային կենդանիների պատճառած վնասից։ Մենք փոխհատուցում ենք չորքոտանի հյուրերի կողմից հասցրած վնասը։
- Մանրազնին մաքրում։ Մենք փոխհատուցում ենք մաքրման լրացուցիչ ծառայությունների համար, որոնք պահանջվում են բծերը և ծխի հոտը հեռացնելու համար։
- Եկամուտների պաշտպանություն։ Մենք կփոխհատուցենք կորցրած եկամուտը, եթե հաստատված Airbnb ամրագրումը չեղարկեք հյուրի հասցրած վնասի պատճառով։
- Անվտանգության շուրջօրյա գիծ։ Եթե երբևէ վտանգված զգաք, մեր հավելվածը տրամադրում է անվտանգության հարցերով հատուկ պատրաստություն անցած գործակալների ծառայություններից օրվա և գիշերվա ցանկացած ժամի մեկ հպումով օգտվելու հնարավորություն։
Պարզ փոխհատուցում
Եթե հյուրը վնասի ձեր տարածքը կամ իրերը, դուք (կամ համահյուրընկալողը, որն ունի լիակատար մուտքի թույլտվություն և գործում է ձեր անունից) կարող եք այցելել մեր Խնդիրների լուծման կենտրոն և ներկայացնել փոխհատուցման հայտ ընդամենը մի քանի քայլով, հետո հեշտությամբ հետևել գործընթացին՝ հայտի ներկայացումից մինչև վերջնավճար։ Ձեր հայտը նախ կուղարկվի հյուրին։ Եթե հյուրը չպատասխանի կամ չվճարի 24 ժամվա ընթացքում, դուք կկարողանաք ներգրավել Airbnb-ին։ Սուպերտանտերերը (որոնք տարածքներ ունեն ԱՄՆ-ի Վաշինգտոն նահանգի սահմաններից դուրս) ստանում են առաջնահերթ աջակցություն և ավելի արագ փոխհատուցում։
Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով
Հյուրընկալողի պատասխանատվության ապահովագրությունը, որը Հյուրընկալողների AirCover-ի մաս է կազմում, ձեզ կպաշտպանի այն հազվագյուտ դեպքում, երբ հյուրը վնասվածք է ստանում, կամ նրա գույքը վնասվում կամ գողացվում է ձեր տարածքում մնալու ընթացքում։ Նրանք, ովքեր օգնում են ձեզ հյուրընկալել, օրինակ՝ համահյուրընկալողները և հավաքարարները, նույնպես ընդգրկված են այս ծածկույթում։
Հյուրընկալողի պատասխանատվության ապահովագրությունը փոխհատուցում է ձեզ, եթե դուք օրինական պատասխանատվություն եք կրում հետևյալի համար՝
- հյուրի (կամ այլ անձանց) մարմնական վնասվածք
- հյուրին (կամ այլ անձանց) պատկանող գույքի վնասվածք կամ գողություն
- հյուրի (կամ այլ անձանց) կողմից պատճառված վնաս ընդհանուր տարածքներին, օրինակ՝ շենքի նախասրահին կամ մոտակայքում գտնվող սեփականություններին
Եթե հարկավոր է հայց ներկայացնել, պարզապես օգտագործեք պատասխանատվության ապահովագրության ընդունման ձևը։ Մենք ձեր տրամադրած տեղեկությունները կուղարկենք կողմնակի վստահելի ապահովագրողի, որը ձեր հայցը կփոխանցի որևէ ներկայացուցչի։ Նա լուծում կտա հայցին՝ համաձայն ապահովագրական պոլիսի պայմանների։
Եթե դուք փորձառություն եք հյուրընկալում, ապա ապահովագրված եք Փորձառություն հյուրընկալողի պատասխանատվության ապահովագրությամբ։
Ավելին իմանալ Հյուրընկալողի պատասխանատվության ապահովագրության մասին
Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։
Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։ Եթե հյուրընկալում եք Միացյալ Թագավորությունում, ապա Հյուրընկալողի պատասխանատվության և Փորձառություն հյուրընկալողի պատասխանատվության ապահովագրության պոլիսները երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարն է՝ 310451։ Դա կարող եք ստուգել՝ այցելելով Ֆինանսական ծառայությունների ռեգիստր կամ կապվելով FCA-ի հետ 0800 111 6768 հեռախոսահամարով։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություն հյուրընկալողի պատասխանատվության պոլիսները կարգավորվում են Ֆինանսական վերահսկողության վարչության կողմից, իսկ մնացած պրոդուկտներն ու ծառայությունները Airbnb UK Services Limited ընկերության կողմից տրամադրված կարգավորվող պրոդուկտներ չեն։ FPAFF609LC
ԵՄ-ում այս կանոններն ի շահ Եվրամիության տարածքում հյուրընկալողների մշակվել և առանց լրացուցիչ ծախսերի ընդունվել են Airbnb Marketing Services SLU ընկերության՝ Aon Iberia Correduría de Seguros y Reaseguros, SAU-ի արտաքին գործընկերոջ կողմից։ Վերջինս լիազորված է և կարգավորվում է Autoridad de Control de la Dirección General de Seguros y Fondos de Pensiones վարչության կողմից և գրանցված է J0170 կարգային համարի ներքո։
Aon Iberia Correduría de Seguros y Reaseguros, SAU ընկերությունը գործում է որպես միջնորդ ԵՄ-ի համար և մասնակցում է ԵՄ երկրներում ապահովագրության բաշխմանը՝ ծառայությունների ազատության ռեժիմի շրջանակներում՝ Իսպանիայի «Ապահովագրության բաշխման մասին» օրենքի, Ապահովագրության բաշխման հրահանգի և այլ իրավական կամ նորմատիվ դրույթների համաձայն ծառայություններ մատուցելու համար։ Առանց սահմանափակելու հյուրընկալող երկրի լիազորությունները, որտեղ մատուցվում են ապահովագրական բաշխման ծառայություններ՝ Aon-ի վերահսկողության համար պատասխանատու անդամ պետությունը Իսպանիայի Թագավորությունն է և Վերահսկիչ մարմինը՝ Ապահովագրական և կենսաթոշակային ֆոնդերի գլխավոր տնօրինությունը, հասցեն՝ Paseo de la Castellana 44, 28046 – Madrid։
«Հյուրընկալողի պաշտպանություն գույքային վնասից» ծրագիրը ապահովագրական պոլիս չէ և կապված չէ Հյուրընկալողի պատասխանատվության ապահովագրության հետ։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, հյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։
Այս հոդվածում պարունակվող տեղեկությունները կարող են փոխված լինել հրապարակումից հետո։