Բարելավվելու համար օգտվեք հյուրերի կարծիքներից

Ավելի բարձր գնահատականների և կարծիքների շնորհիվ կարող եք ավելի շատ ամրագրումներ և ավելի բարձր եկամուտ ունենալ։ Ահա թե ինչպես կարգավորել կարծիքների գործընթացը և ներդրումը վերածել արդիականացումների։

Ցույց տվեք հյուրերին, որ դուք ուզում եք կատարելագործվել՝ կարծիք հարցնելով նրանցից։

• Պլանավորված հաղորդագրություն ուղարկեք մեկնման ժամանակ։ Հյուրերից կարծիք խնդրեք, այդ թվում՝ կոնկրետ գաղափարներ այն մասին, թե ինչպես կարող էիք է՛լ ավելի լավը դարձնել նրանց փորձառությունը։

• Կարծիք հայտնեք ձեր հյուրերի մասին։ Սա հիշեցնում է նրանց, որ հրապարակայնորեն կարծիք հայտնեն ձեր մասին։ Մեկնումից հետո 14 օրվա ընթացքում կարող եք կարծիք հայտնել միմյանց մասին։

Մշակեք պարզ գործընթաց՝ որոշելու, թե որ առաջարկներն արժե ի կատար ածել։

• Կարդացեք յուրաքանչյուր կարծիք։ Շնորհակալություն հայտնեք հյուրերին իրենց ներդրման համար և մտածեք, թե նշվածներից ինչի վրա արժե աշխատել ձեր տարածքի և առօրյայի դեպքում, ինչպես նաև այլ հյուրերի համար։
• Ուշադրություն դարձրեք գնահատականներին։ Հյուրերը կարող են գնահատական տալ որոշակի կատեգորիաներում և ցանկից ընտրել, թե ինչն է լավ եղել կամ կարող էր ավելի լավ լինել։ Ուսումնասիրեք միտումները, օրինակ՝ մաքրությունը գնահատելիս հյուրերը հետևողականորեն ընտրում են «ավելորդ իրեր», իսկ ժամանումը գնահատելիս՝ «ոչ հստակ ցուցումներ»։

Միշտ կարելի է բարելավել այն, ինչ առաջարկում եք հյուրերին։

• Արձագանքեք կարծիքներին։ Երբ հյուրերն առաջարկներ են թողնում, շնորհակալություն հայտնեք և պատասխանեք նրանց կարծիքներին։ Սա ցույց է տալիս, որ լուրջ եք վերաբերվում հետադարձ կապին։ Եթե պատասխանում եք հրապարակային կարծիքի, ձեր պատասխանը կերևա դրա տակ։
• Կենտրոնացեք լուծումների վրա։ Երբ որևէ խնդիր կա, բացահայտեք դրա բուն պատճառը և պարզեք, թե ինչը կարող եք վերահսկել։ Օրինակ՝ կարող եք լուսավորել մութ սենյակը՝ օգտագործելով լամպեր, ստվերում աճող բույսեր և հայելիներ։
• Կարծիքով կիսվեք ձեր աջակցման թիմի հետ։ Գուցե հարկ լինի լրացուցիչ ցուցումներ տալ համահյուրընկալողներին և հավաքարարներին։ Օրինակ՝ եթե հյուրերը բազմոցի ծալքերում փշրանքներ են գտնում, փոխանցեք դա բոլոր նրանց, ովքեր օգնում են ձեզ մաքրության հարցում։
• Թարմացրեք ձեր հայտարարությունը։ Որպես կանոն՝ կարծիքները ցույց են տալիս, թե որքանով եք արդարացնում հյուրերի ակնկալիքները։ Ստուգեք, որ ձեր հարմարությունները, լուսանկարները և տարածքի նկարագրությունը համապատասխանեն այն ամենին, ինչ ներկայումս առաջարկում եք։

Այս հոդվածում պարունակվող տեղեկությունները կարող են փոխված լինել հրապարակումից հետո։