Ինչպես վարվել վատ կարծիքի հետ

Վատ կարծիքները կարող են ցավ պատճառել, բայց նույնիսկ ամենաբարձր վարկանիշ ունեցող հյուրընկալողները ժամանակ առ ժամանակ ստանում են այդպիսի կարծիքներ։ Ահա մի քանի խորհուրդ, թե ինչպես վարվել հյուրերի բացասական կարծիքների հետ։

Կարծիքներին պատասխանելը ցույց է տալիս հյուրերին, որ դուք բաց եք առաջարկների համար։ «Ես չեմ ակնկալում, որ որևէ հյուրընկալող կունենա 100% անթերի կարծիքներ»,- ասում է Էնդրյուն՝ մի հյուր, որը նաև սուպերտանտեր է Բեռլինում։ «Ես շատ ավելի տպավորված եմ նրանցից, ովքեր լրջորեն են վերաբերվում քննադատական դիտողություններին»։

Բացասական կարծիքներին պատասխանելիս հաշվի առեք հետևյալ խորհուրդները.

• Թողեք հրապարակային պատասխան։ Կարճ, սիրալիր պատասխանը կօգնի հավաստիացնել այլ հյուրերի, որ դուք կարևորում եք իրենց կարծիքները։
• Շնորհակալություն հայտնեք հյուրերին իրենց կարծիքների համար։ Դա կարող եք ձևակերպել շատ պարզ. «Շնորհակալություն ձեր կարծիքի համար։ Մենք իսկապես գնահատում ենք, որ ժամանակ հատկացրիք ձեր ուղևորության մասին մտքեր հայտնելու համար»։
• Պատմեք, թե ինչպես եք բարելավում ձեր տարածքը։ Կարող եք գրել. «Ցավում ենք, որ մահճակալներն անհարմար էին։ Քնի որակը կարևոր է, ուստի մենք ավելացրել ենք ներքնակերեսներ»։

Դուք միշտ կարող եք հաղորդել մեր Կարծիքների վերաբերյալ քաղաքականությանը հակասող կարծիքի, օրինակ՝ «պատժիչ» կարծիքի մասին։ Այն կարող է հեռացվել, եթե պարզվի, որ հյուրերը քաղաքականության պահանջների լուրջ խախտում են թույլ տվել։

Ճշգրտության և մաքրության հետ կապված խնդիրները հինգից քիչ աստղեր դնելու ամենատարածված պատճառներից երկուսն են հյուրերի համար։ Հյուրերի կարծիքներն օգտագործեք որպես հյուրընկալումը բարելավելու հնարավորություն։

Ահա մի քանի եղանակ՝ ցույց տալու հյուրերին, որ դուք միշտ պատրաստ եք բարելավումներ կատարելու.

• Հետադարձ կապը համարեք հնարավորություն։ Հյուրերը կարող են արտահայտել տեսակետներ, որոնց մասին գուցե չէիք մտածել, օրինակ՝ կարող եք պարզեցնել ժամանումը կամ ավելացնել ավելի շատ սրբիչներ։

• Եղեք թափանցիկ։ Արդիական պահեք ձեր լուսանկարներն ու տարածքի նկարագրությունը, որպեսզի ներկայացնեք այն, ինչ տվյալ պահին առաջարկում եք։ Բացատրեք, թե ինչպես եք վերացնում հնարավոր թերությունները, օրինակ՝ տրամադրեք ականջի խրոցակներ, եթե ձեր փողոցն աղմկոտ է։

• Հետևեք ներառական հյուրընկալման սկզբունքներին։ Կենտրոնացեք այն բանի վրա, որ յուրաքանչյուր հյուր իրեն զգա ինչպես տանը։ Օգտագործեք գենդերային առումով չեզոք լեզու և ընդգծեք հատուկ կարիքներով անձանց համար հարմարությունները։
• Շփվեք հյուրերի հետ նրանց ամբողջ այցի ընթացքում։ Օգտագործեք պլանավորված հաղորդագրություններ, որպեսզի հարցնեք, թե ինչպես են ընթանում գործերը, և անհապաղ լուծեք բոլոր խնդիրները։

Այս հոդվածում պարունակվող տեղեկությունները կարող են փոխված լինել հրապարակումից հետո։