Խորհուրդներ, թե ինչպես խուսափել կանխարգելելի չեղարկումներից

Ամրագրման հաստատումից հետո հյուրերը չեն ակնկալում, որ այն կփոխվի։ Հյուրընկալողների կողմից չեղարկումները կարող են խափանել նրանց ճամփորդական ծրագրերը, խաթարել մեր համայնքի նկատմամբ վստահությունը և հանգեցնել վճարների կամ այլ հետևանքների։ 

Ահա որոշ խորհուրդներ, որոնք կօգնեն խուսափել ամրագրումների կանխարգելելի չեղարկումներից։

Հայտնեք հյուրերին, թե երբ կարող են մնալ ձեր տարածքում։

• Արգելաբացեք ամսաթվերը նախօրոք՝ երեք ամսից մինչև երկու տարի առաջ։
• Արգելափակեք այն ամսաթվերը, երբ չեք կարող հյուրընկալել։
• Պարբերաբար ստուգեք օրացույցը՝ համոզվելու համար, որ այն արտացոլում է ձեր հասանելիությունը։

Օրացույցի ազատ ամսաթվերի թարմացումը հատկապես կարևոր է, եթե օգտագործում եք ակնթարթային ամրագրում։ Ակնթարթային ամրագրումը հյուրերին թույլ է տալիս ազատ ամսաթվեր ամրագրել՝ չսպասելով իրենց հայտի ուսումնասիրմանը։

Երբ հյուրի ամրագրումը հաստատվի, ձեր օրացույցն ավտոմատ կարգելափակվի այդ ամսաթվերի համար։ Դուք պետք է ձեռքով արգելափակեք այն բոլոր ամսաթվերը, որոնց համար այլ պատճառներով չեք կարող ընդունել ամրագրումներ։

Ամրագրում ստանալն այն ամսաթվերին, երբ չեք կարող ընդունել, կարող է հանգեցնել չեղարկման վճարի կամ այլ հետևանքների։

Կարգավորումները բաժանված են երկու ներդիրի՝ «Գներ» և «Հասանելիություն»։ Այս գործիքները կօգնեն ստանալ ձեր ուզած ամրագրումները ձեզ հարմար ժամանակ։ Օրինակ՝ դուք կարող եք.

• Նպաստել ձեր գնանշման ռազմավարության իրականացմանը։ Դուք միշտ վերահսկում եք ձեր գինը և ցանկացած պահի կարող եք փոխել այն։ Գնանշման գործիքները թույլ են տալիս համեմատել մոտակայքում գտնվող նմանատիպ տարածքների գները, երկարատև այցերի համար զեղչեր առաջարկել և հատուկ գներ սահմանել որոշակի ամսաթվերին, օրինակ՝ տոներին և հանգստյան օրերին։ Կարող եք նաև միացնել խելացի գնանշումը՝ ձեր գինը տեղական պահանջարկի հիման վրան ավտոմատ ճշգրտելու համար։
• Սահմանել ամրագրման կարգավորումներ։ Օգտագործեք ազատ ամսաթվերի պատուհանը, որպեսզի որոշեք, թե հյուրերը որքան ժամանակ առաջ (երեքից մինչև 24 ամիս) կարող են ամրագրել։ Այլ տարբերակներ են՝ յուրաքանչյուր այցի համար գիշերների նվազագույն և առավելագույն թվի սահմանում, ամրագրումների համար մինչև յոթ օր առաջ նախնական ծանուցման պահանջ և ամրագրումների միջև մեկ կամ երկու գիշերվա արգելափակում՝ որպես նախապատրաստման ժամանակահատված։
• Կապակցել օրացույցները։ Ձեր անձնական օրացույցն ու հյուրընկալման այլ օրացույցներ (եթե ձեր տարածքն առաջարկում եք այլ կայքերում) համաժամացրեք Airbnb օրացույցի հետ։ Այդ կերպ կկարողանաք կառավարել հյուրընկալմանն առնչվող խնդիրները և կանխել կրկնակի ամրագրումները։

Մենք հասկանում ենք, որ երբեմն գուցե անհրաժեշտ լինի ամրագրում չեղարկել ձեր վերահսկողությունից դուրս պատճառներով, օրինակ՝ շտապ վերանորոգում կատարելու նպատակով։ Եթե ստիպված եք չեղարկել, անպայման՝

• Վերստին ուսումնասիրեք մեր կանոնները։ Հյուրընկալողի կողմից չեղարկման քաղաքականությունը բացատրում է չեղարկման համար գանձվող վճարները և այլ հետևանքներ, և երբ դրանք կարող են չկիրառվել։ Եթե վստահ չեք, որ ձեր իրավիճակը համապատասխանում է պահանջներին, նախքան չեղարկելը դիմեք Airbnb-ի աջակցման թիմին։ Դուք չեք կարող չեղարկել այն պատճառներով, որոնք խախտում են Airbnb-ի Խտրականության դեմ քաղաքականությունը կամ Հասանելիության վերաբերյալ քաղաքականությունը։
• Հյուրերին ծանուցեք հնարավորինս շուտ։ Եթե չեք կարող ընդունել որևէ ամրագրում՝ անկախ պատճառից, ակնկալվում է, որ ժամանակին կչեղարկեք այն։ Արգելվում է խնդրել հյուրերին չեղարկել իրենց ամրագրումները։
• Հետևեք տեղական կանոններին և կանոնակարգերին։ Կարդացեք մեր պատասխանատու հյուրընկալման վերաբերյալ հոդվածները, որպեսզի ավելի լավ հասկանաք ձեր տարածաշրջանում հյուրեր ընդունելուն առնչվող օրենքները, հարկերը, լավագույն փորձը և այլ նկատառումներ։

Երբ հյուրընկալողներն ամրագրում են չեղարկում, մենք աշխատում ենք հյուրերի հետ, որպեսզի նրանց օգնենք գտնել մնալու մեկ այլ տեղ։