Խորհուրդներ թեժ սեզոնի ընթացքում հյուրընկալումը պարզեցնելու վերաբերյալ

Իզուր չէ, որ դա կոչվում է թեժ սեզոն. հյուրերի այցերի միջև քիչ ժամանակով, ամբողջովին լրացված օրացույց ունենալու դեպքում շատ բան կա կառավարելու։ Փորձեք այս խորհուրդները, որպեսզի հիանալի հյուրընկալություն ապահովեք պիկ ժամանակներում։

Ամեն մեկնումից հետո նույն ընթացակարգին հետևելով՝ կկարողանաք անմիջապես իրար հաջորդող ամրագրումներ ունենալու դեպքում կառավարել արագ հերթափոխումները։ Ռոբինը, որը սուպերտանտեր է Ավստրալիայի Մաունթ Բարքեր քաղաքում, խորհուրդ է տալիս օգտագործել ստուգացանկ՝ անկախ այն բանից՝ ինքներդ եք մաքրություն անում, թե օգտվում եք ուրիշների ծառայություններից։

«Ստուգացանկից օգտվելու առավելությունն այն է, որ կարողանում ես կենտրոնանալ և աչքաթող չանել որևէ բան»,- ասում է Ռոբինը։ «Հեշտ է շեղվել սցենարից, երբ ընդհատումներ են լինում, իսկ բոլոր մանրուքները հիշելը բարելավում է հյուրընկալման որակը և՛ հյուրերի, և՛ ինձ համար»։

Արագ հերթափոխումների կառավարման վերաբերյալ այլ խորհուրդներ․

• Կրկնապատկեք կամ եռապատկեք սպիտակեղենի քանակը։ Ունենալով լրացուցիչ սավաններ ու սրբիչներ՝ կկարողանաք առանց լվացք անելու անմիջապես թարմացնել ննջասենյակը, լոգասենյակը և խոհանոցը։ Դուք հնարավորություն կունենաք փոխարինելու դրանք, եթե հայտնվեն դժվար մաքրվող բծեր, օրինակ՝ դիմահարդարման կամ խոհարարական յուղի հետքեր։

• Օգտագործեք վերմակասավաններ և բարձերեսներ ու ներքնակերեսներ։ Կրկնապատկեք դրանց քանակը՝ հյուրերի արագ հերթափոխ անելու համար։

• Օգտվեք առաքման ծառայություններից։ Լրացրեք կանոնավորապես օգտագործվող կամ հյուրերին տրամադրվող մաքրման պարագաների, հիգիենայի պարագաների, մթերքների կամ այլ ապրանքների պաշարները՝ առանց խանութ վազելու։

• Ունեցեք հուսալի պահեստային պլան մաքրման, տեխնիկական սպասարկման և այգեգործության համար։ Այդպես հնարավոր կլինի չշեղվել գրաֆիկից, նույնիսկ եթե դուք և ձեր անձնակազմը հասանելի չեք։ Եթե չեք դիմանում ծանրաբեռնվածությանը, մտածեք համահյուրընկալող ավելացնելու մասին։

Մեկնումը պետք է շատ քիչ ջանք պահանջի ձեզնից և ձեր հյուրերից։ Մայիսին մենք թողարկեցինք գործիքներ, որոնք կօգնեն սահուն դարձնել մեկնման գործընթացը բոլորի համար։

Նոր գործառույթները ներառում են push-ծանուցումներ և մեկնման մասին հայտնում մեկ հպումով։ Մեկնումից մեկ օր առաջ՝ տեղական ժամանակով ժամը 17:00-ին, Airbnb-ն ձեր հյուրերին է ուղարկում մեկնման ժամը և ցուցումները։ Շարժական սարք օգտագործող հյուրերը դրանք ստանում են հավելվածի միջոցով, եթե push-ծանուցումները միացված են։ Նրանք նաև կարող են կոճակի մեկ հպումով հայտնել ձեզ, որ դուրս են եկել, որպեսզի նախապատրաստվեք հաջորդ հյուրին ընդունելուն։

Ջոն, որը սուպերտանտեր է Կալիֆոռնիա նահանգի Ֆորեսթվիլ քաղաքում, սիրում է ուղարկել մեկնման վերաբերյալ սեփական պլանավորված հաղորդագրությունները՝ հատկապես թեժ սեզոնի ժամանակ։ «Ես հյուրերին ասում եմ, որ մաքրողը ժամանելու է 11։00-ին՝ բնակարանը հաջորդ հյուրերի համար նախապատրաստելու, որպեսզի նրանք հասկանան, թե ինչու է կարևոր ժամանակին դուրս գալ»,- ասում է նա։

Մեկնման գործիքների միջոցով ժամանակ խնայելու վերաբերյալ այլ խորհուրդներ․

• Ստեղծեք մեկնման հիմնական ցուցումներ։ Կարող եք արագ ստեղծել ցուցումներ՝ ընտրելով դրանք հինգ ստանդարտ անելիքների ցանկից։ Կարող եք մանրամասներ ավելացնել յուրաքանչյուրի համար։ Օրինակ՝ կարող եք «Թափել աղբը» կետում նշել, որ հյուրերն աղբը գցեն աղբամաններից մեկի մեջ, իսկ վերամշակվողը՝ մյուսի։

• Ներառեք ձեր տան առանձնահատկություններից բխող խնդրանքներ։ Եթե ձեր հարմարությունների մեջ կա բացօթյա մանղալ, կարող եք հյուրերին խնդրել օգտագործելուց հետո այն կրկին ծածկել կափարիչով։

• Ավելացրեք մեկնման քարտեր։ Մեկնման հիմնական ցուցումները ստեղծելուց հետո կարող եք մեկնման քարտ ավելացնել պլանավորված հաղորդագրության կամ արագ պատասխանի մեջ։ Սա հատկապես օգտակար է՝ հիշեցումներ ուղարկելու այն օգտատերերին, որոնք չեն օգտվում Airbnb հավելվածից՝ միացված push-ծանուցումներով։

Ըստ Airbnb-ի՝ ամբողջ աշխարհից հավաքված տվյալների՝ լողավազաններով տարածքների որոնումները 2023 թվականի առաջին երեք ամիսներին 60%-ով աճել են 2022 թվականի այդ ամիսների համեմատ։ Ամենաշատ ամրագրված Airbnb կատեգորիաներն էին՝ «Լողափի մոտ», «Ցնցող լողավազաններ» և «Տնակներ»։

Թարմացրեք հայտարարությունը՝ ընդգծելով սեզոնային առանձնահատկություններն ու հարմարությունները։ Այդ դեպքում հյուրերը, որոնք փնտրում են այն, ինչ առաջարկում եք, կկարողանան գտնել և ամրագրել ձեր տարածքը։

«Իմ քույրը ինտերիերի նկարիչ-ձևավորող է, և նա ըստ սեզոնի փոխում է մեր տարածքի տեսքը՝ ապրանքներ փոխառելով քաղաքի նվերների խանութից»,- ասում է Ֆրեդը, որը սուպերտանտեր է Բելիզի Պլասենսիա քաղաքում։ «Բացի այդ, ամեն տարի ավելացնում ենք նոր հարմարություն, որն առանձնահատուկ պատճառ է դառնում, որպեսզի նախկին հյուրերը վերադառնան։ Մենք ավելացրել ենք տաղավար, աստղադիտարան և վերջրյա բարի տարածք»։

Սեզոնային հարմարություններն ընդգծելու վերաբերյալ այլ խորհուրդներ․

• Ավելացրեք սեզոնային լուսանկարներ։ Ավելի տաք ամիսներին պոտենցիալ հյուրերին ցույց տվեք ձեր ցնցող լողավազանը, բացօթյա մանղալը, ցանցաճոճը կամ դեպի լողափ տանող կածանը։ Ավելի ցուրտ սեզոններին տրամադրեք բուխարիի, ջակուզիի կամ դեպի լեռնադահուկային ճոպանուղի տանող արահետի լուսանկարներ։

• Թարմացրեք ձեր տարածքի նկարագրությունը։ Վերջերս հարմարություններ ավելացրե՞լ եք սեփականությունում, ինչպես արել են Ֆրեդն ու իր քույրը։ Տարածքի նկարագրության մեջ դրանք նշեք որպես նոր և ավելացրեք լուսանկարներ։

• Թարմացրեք տարածքի մասին տեղեկությունները։ Ստուգեք ձեր հաշվի կարգավորումները և համոզվեք, որ թռչնիկով նշել եք բոլոր հարմարությունները, որոնք ներկայումս առաջարկում եք։ Ներառեք լրացուցիչ մանրամասներ, երբ դա անելու հուշում ստանաք։

Այս հոդվածում պարունակվող տեղեկությունները կարող են փոխված լինել հրապարակումից հետո։