Ունեցեք մաքրման այս պարագաները

Պատրա՞ստ եք մաքրությունը հասցնելու նոր մակարդակի։ Որպես Airbnb-ի մանրազնին մաքրման 5 փուլանի գործընթացի մի մաս, որը հիմնված է մաքրման ձեռնարկի վրա, մենք պատրաստել ենք առաջարկվող պիտույքների ցուցակ՝ սկսած պաշտպանիչ հանդերձանքից մինչև հյուրերի համար նախատեսված մաքրման միջոցներ։ Ահա որոշ պարագաներ, որոնք անհրաժեշտ են ավելի արդյունավետ մաքրության համար։

Մանրէների և քիմիական նյութերի ազդեցությունը նվազեցնելու համար մաքրման ընթացքում օգտագործեք պաշտպանիչ միջոցներ.

• մեկանգամյա օգտագործման ձեռնոցներ (խորհուրդ է տրվում)
• դիմակ կամ դեմքը փակող կտոր (խորհուրդ է տրվում)
• անվտանգության ակնոցներ (ըստ ցանկության՝ լոգարանը մաքրելու համար)
• գոգնոց կամ զգեստ (ըստ ցանկության)
• կոշկագուլպաներ (ըստ ցանկության)
• դիմավահան (ըստ ցանկության)

Ճիշտ ընտրված հիմնական պարագաները կօգնեն արդյունավետորեն իրականացնել մաքրման գործընթացը։ Ինչ է ձեզ հարկավոր.

• ավել և գոգաթիակ
• դույլ (անհրաժեշտության դեպքում)
• փոշելաթ
• աղբի տոպրակներ
• մանրաթելային կտորներ
• շվաբր
• մեկանգամյա օգտագործման թղթե սրբիչներ
• կոշտ խոզանակ
• կոշտ սպունգներ (միայն խոհանոցի համար)
• սանդուղք (անհրաժեշտության դեպքում)
• զուգարանի խոզանակ
• փոշեկուլ
• փոշեկուլի պարկեր (անհրաժեշտության դեպքում)
• ամանալվաց մեքենա
• լվացքի մեքենա և չորանոց

Խորհուրդ ենք տալիս օգտագործել ախտահանիչ և մանրէազերծող այն միջոցները, որոնք գրանցված են համապատասխան պետական մարմիններում (օրինակ՝ ԱՄՆ շրջակա միջավայրի պահպանության գործակալության կամ Քիմիական նյութերի եվրոպական գործակալության կողմից)։ Ինչ պահեստավորել.

• ունիվերսալ մաքրող միջոց
• ունիվերսալ ախտահանիչ
• ապակեմաքրիչ հեղուկ
• սպիտակեցնող միջոց
• ախտահանիչ՝ լվացքի համար
• լվացքի բծերը մաքրող միջոց
• սպասք լվանալու միջոց
• գորգ մաքրող միջոց (անհրաժեշտության դեպքում)
• հատակ մաքրող միջոց
• կահույք և փայտ փայլեցնող միջոց
• ջեռոցը մաքրող միջոց (միայն խոհանոցում)
• ջեռոցը յուղազերծող միջոց (միայն խոհանոցում)
• բորբոսը մաքրող միջոց (անհրաժեշտության դեպքում)

Կարևոր տեղեկատվություն ախտահանող միջոցներով մանրէազերծման մասին
Հավանաբար ձեզ հետաքրքրում է՝ արդյո՞ք ձեր օգտագործած միջոցներն այնքան արդյունավետ են, որ կօգնեն նվազեցնել մանրէների՝ բակտերիաների և վիրուսների քանակը։ Ծանոթացեք ընդհանուր տեղեկություններին․

• Համոզվեք, որ օգտագործում եք միայն պետականորեն հաստատված ախտահանիչներ։ Հաստատված մաքրող և ախտահանիչ միջոցների ցուցակներին ծանոթանալու համար այցելեք համապատասխան պետական մարմինների կայքերը, օրինակ՝ ԱՄՆ շրջակա միջավայրի պահպանության գործակալության (ԱՄՆ ՇՄՊԳ) կամ Քիմիական նյութերի եվրոպական գործակալության։ Օրինակ՝ ԱՄՆ-ում ՇՄՊԳ-ի առաջարկվող ապրանքների թվում են Clorox անձեռոցիկները, Lysol սփրեյները և լայնորեն օգտագործվող այլ ախտահանիչներ։
• Թույլ տվեք ապրանքը չորանա օդի ներգործությամբ։ Եթե ախտահանող նյութը հեռացնեք նախքան առաջարկված ժամանակը, չկա որևէ երաշխիք, որ նյութը կոչնչացնի պիտակի վրա նշված հարուցիչները։
• Ախտահանող անձեռոցիկներն արդյունավետ են։ Թույլ տվեք, որ մակերևույթները բավական երկար խոնավ մնան. տևողությունը՝ կախված արտադրանքից, նշված է պիտակի վրա։
• Մի օգտագործեք հաստատում չստացած ախտահանիչներ։ Չնայած քացախը և եթերայուղերը կարող են արդյունավետ մաքրող միջոցներ լինել՝ դրանք կարգավորող մարմինների կողմից չեն հաստատվել որպես ախտահանիչներ։
• Երբեք մի խառնեք մաքրող միջոցները։ Որոշ ապրանքատեսակների, օրինակ՝ սպիտակեցուցիչների ու ամոնիակի համատեղումը կարող է արտանետել թունավոր գազեր, որոնք վտանգավոր են շնչելու համար։

Հյուրերն ասում են, որ ցանկանում են ձեր տարածքում մնալու ընթացքում մաքրումը կատարել ինքնուրույն։ Օգնեք նրանց՝ տարածքում թողնելով մաքրման համար անհրաժեշտ բոլոր միջոցները։ Եթե ընտանիքներ եք հյուրընկալում, ցանկացած մաքրող միջոց անպայման պահեք երեխաների հասանելիությունից դուրս։ Հյուրերին ամենից շատ անհրաժեշտ են՝

• մեկանգամյա օգտագործման թղթե սրբիչներ
• ունիվերսալ մաքրող միջոց
• ախտահանող անձեռոցիկներ կամ հեղուկ
• ձեռքերի ախտահանիչ հակամանրԷական միջոց
• ձեռքի լրացուցիչ օճառ

• Մի մտեք տարածք առանց պաշտպանիչ հանդերձանքի և վերստին մի օգտագործեք աղտոտված հանդերձանքը
• Անպայման կարդացեք մաքրող քիմիական նյութերի անվտանգ գործածման վերաբերյալ բոլոր պիտակները
• Քիմիական նյութերը մշտապես հեռու պահեք երեխաներից
• Մանրէների տարածումը կանխելու համար մաքրման ընթացքում մի հպվեք ձեր դեմքին

Մաքրումն ավարտելուց հետո հիշեք, որ պետք է թարմացնել վերջացող կամ պիտանելիության ժամկետին մոտ գտնվող պարագաները մինչև հաջորդ մաքրման գործընթացը։

ՀԱՋՈՐԴԸ․ հյուրերին պատմեք մանրազնին մաքրման գործընթացի մասին

Այս հոդվածում պարունակվող տեղեկությունները կարող են փոխված լինել հրապարակումից հետո։ Մանրազնին մաքրման 5 փուլանի գործընթացը տրամադրում է ձեր տարածքը մաքրելու պահանջների պարզ ցանկ։ Այդ քայլերն իրականացնելու վերաբերյալ լրացուցիչ տեղեկություններին ծանոթացեք Airbnb մաքրման ձեռնարկի ամբողջական տարբերակում։ Որպես հյուրընկալող՝ գուցե կարիք ունենաք լրացուցիչ քայլերի՝ պաշտպանելու ձեզ, ձեր թիմին և հյուրերին, և միշտ պետք է ծանոթանաք ու հետևեք բոլոր համապատասխան տեղական օրենքներին կամ ուղեցույցներին։ Airbnb-ն պատասխանատվություն չի կրում մաքրման այս գործընթացին հետևելու արդյունքում առաջացած որևէ վնասվածքի կամ հիվանդության համար։ Ձեր հյուրընկալման տարածաշրջանին հատուկ մաքրման ցուցումներին և կանոններին ծանոթանալու համար խնդրում ենք էջանշել Օգնության կենտրոնի այս հոդվածը։