Հստակ ակնկալիքներ ձևավորեք յուրաքանչյուր հյուրի համար
Հյուրընկալողների համար սահմանված հիմնական կանոնների համաձայն՝ ձեր հայտարարության էջում պետք է ճշգրտորեն նկարագրեք տարածքը՝ ներկայացնելով ժամանումից մինչև մեկնում հասանելի առանձնահատկություններն ու հարմարությունները։ Հյուրերը կհիասթափվեն, եթե իրենց տեսածն ու զգացածը չհամապատասխանի տարածքի նկարագրությանը։
Ինչպես սահմանել իրատեսական ակնկալիքներ
Չափից ավելի մի գովեք ձեր տարածքը կամ բաց մի թողեք որևէ նշանակալի բան։ Լավ կլինի անկեղծորեն նշել տարածքի և թաղամասի հնարավոր թերությունները, օրինակ՝ եթե ձեր վարագույրներից շատ լույս է ներթափանցում առավոտյան ժամերին, կամ տարածքը գտնվում է շինարարական գոտու մոտակայքում։
Սահմանեք ճիշտ ակնկալիքներ՝ օգտվելով այս խորհուրդներից.
- Ճշգրտորեն ներկայացրեք հյուրերին, թե ինչ կարող են ակնկալել, և ավելացրեք մակագրերով լուսանկարներ տարածքի նկարագրության մեջ։ Եթե սեփականությունում շուն կա, կամ աստիճանները ճռռում են, այդ մասին հայտնեք հյուրերին։
- Մուտքագրեք սենյակների և լոգասենյակների ճիշտ քանակները։Ձեր առաջարկի տեսակը պետք է արտացոլի նաև փաստացի տարածքը․ եթե այն բազմաբնակարան համալիրում է, մի ներկայացրեք որպես գյուղական տուն։
- Մի չափազանցեք ձեր հարմարությունները։ Եթե մեկ ժամ հեռավորության վրա եք գտնվում սիրված տեսարժան վայրից, մի ասեք, որ մոտակայքում եք, այլ նշեք կոնկրետ հեռավորությունը։ Եթե ձեր լողավազանը կամ ջակուզին ունի սեզոնային ժամեր կամ փակման ժամեր, դրանք նշեք հայտարարության մեջ։
Ինչպես ուրախացնել հյուրերին
Հաջողակ հյուրընկալողները քիչ բան են խոստանում, բայց շատ բան են տրամադրում։ Սա նշանակում է, որ նրանք խուսափում են տարածքի մանրամասները ճոխացնելուց և լրացուցիչ ջանքեր են գործադրում հիանալի հյուրընկալություն ապահովելու համար։
Փորձեք այս առաջարկները՝ ժամանման պահին հյուրերին հմայելու համար.
- Տրամադրեք իրականությանը համապատասխանող լուսանկարներ։ Խուսափեք գերլայնանկյուն կադրերից և ավելորդ փոփոխություններից, որոնք տարածքն իրականից ավելի մեծ կամ պայծառ են դարձնում։ Որոշ վայրերում կարող եք պրոֆեսիոնալ լուսանկարիչ վարձել Airbnb-ից։
- Կատարեք ընթացիկ տեխնիկական սպասարկման աշխատանքներ։ Հաճախակի ստուգեք տարածքը՝ համոզվելու համար, որ նշված բոլոր հարմարությունները հասանելի են և գործում են։ Եթե ունեք ջակուզի, լողավազան, ամանալվաց մեքենա և այլն, նախքան հյուրերի ժամանումը համոզվեք, որ դրանք մաքուր են և նորմալ են աշխատում։
- Որպես երախտագիտության նշան՝ ինչ-որ հավելյալ բան առաջարկեք հյուրերին։ Դա կարող է լինել մի հասարակ բան, օրինակ՝ ձեռագիր ողջույնի երկտող կամ մի տուփ թխվածքաբլիթ։