Ինչպես հյուրերի հետ արդյունավետ շփում ունենալ

Խիստ անհրաժեշտ է, որ հյուրերը կարևոր տեղեկություններ ունենան նախքան ժամանումը, օրինակ՝ տեղ հասնելու ուղղությունները և ձեր տարածքը մուտք գործելու ցուցումները։ Հյուրընկալողների համար սահմանված հիմնական կանոնների համաձայն՝ դուք պետք է միշտ պատրաստ լինեք հնարավորինս շուտ պատասխանելու հյուրերի հարցերին և լուծելու նրանց խնդիրները։

Երբ ձեր հյուրերը տեղավորվեն, մնացեք հասանելի հարցերի դեպքում։ Արձագանքելու համար օգտվեք այս խորհուրդներից.

• Ներբեռնեք Airbnb հավելվածը ձեր հեռախոսում և միացրեք ծանուցումները։ Կարող եք ծանուցումներ ստանալ SMS-ով, էլփոստով կամ ուղղակիորեն հավելվածից:
• Օգտագործեք արագ պատասխաններ։ Կազմեք և պահեք հաղորդագրություններ՝ վայրկյանների ընթացքում ուղարկելու համար, որպեսզի ամեն անգամ, երբ հյուրը տալիս է ընդհանուր բնույթի հարց, կարողանաք արագ պատասխանել։
• Փորձեք պլանավորված հաղորդագրություններ։ Այս գործիքի միջոցով հյուրերն ավտոմատացված հաղորդագրություններ են ստանում կարևոր պահերի, օրինակ՝ ամրագրումից հետո կամ ժամանումից առաջ։
• Ներգրավեք համահյուրընկալողի, որը կօգնի պատասխանել հյուրերին, երբ չկարողանաք հետևել ձեր հեռախոսին կամ էլփոստին։

Երբ որևէ հյուր ամրագրում է ձեր տարածքը, ջերմ և հյուրընկալ հաղորդագրություն ուղարկեք նրան։ Առանց նախապայմանների ապրումակցում ցույց տալը մեծ նշանակություն ունի։

Չմոռանաք կապ հաստատել այս կարևոր պահերին.

• Ժամանումից առաջ։ Հյուրերին հստակ ուղղություններ և ժամանման ցուցումներ տվեք նրանց պլանավորված ժամանումից առնվազն 24 ժամ առաջ։
• Ժամանում։ Եղեք հասանելի, որպեսզի համոզվեք, որ հյուրերը տարածք են մտնում, և պատասխանեք նրանց հարցերին։
• Առաջին գիշերվանից հետո։ Մշտական կապ պահպանեք՝ կարճ գրություն ուղարկելով, որպեսզի հարցնեք, թե ինչպես անցավ ձեր հյուրերի առաջին գիշերը, և արդյոք նրանք որևէ բանի կարիք ունեն։
• Մեկնումից առաջ։ Հյուրերին հիշեցրեք մեկնման ժամի և մեկնումից առաջ անհրաժեշտ գործողությունների մասին, օրինակ՝ անջատել լույսերը կամ ջեռուցումը։
• Մեկնումից հետո։ Ուղարկեք կարճ շնորհակալական գրություն, ինչը կարող է հյուրերին հիշեցնել կարծիք գրելու մասին։