Ինչպե՞ս է իրականացվում Airbnb-ում ամրագրման գործընթացը
Առանձնահատկություններ
Հյուրերը կարող են ամրագրման հարցումներ ուղարկել, եթե հարցեր ունենան ձեր տարածքի մասին
Կարող եք օգտագործել ակնթարթային ամրագրում կամ պահանջել ձեռքով ամրագրման հայտեր
Հյուրընկալման ներառականությունը հաջողակ հյուրընկալող լինելու կարևոր պայման է
Airbnb-ում ամրագրման գործընթացը պետք է լինի պարզ և սահուն։ Բայց, որպես նոր հյուրընկալող, գուցե հարցեր ունենաք գործընթացի մասին։
Երբ հասկանաք ամրագրման հարցումներ ստանալու և դրանց պատասխանելու, ակնթարթային ամրագրումը միացնելու կամ անջատելու, ամրագրումների ընթացքին հետևելու և օրացույցը նախապես պլանավորելու գործընթացը, դուք պատրաստ կլինեք ընդունելու ձեր առաջին հյուրերին։
Ինչպես գործել ամրագրման հարցումներ ստանալու դեպքում
Որոշ հյուրեր կարող են հարցեր ունենալ, օրինակ, ավելի վաղ ժամանման ժամի կամ ձեր տարածքի ստույգ տեղի մասին։ Նախքան ամրագրում կատարելը հյուրերը կարող են ամրագրման հարցում ուղարկել ձեզ։ Հարցում ստանալիս, կախված ձեր կարգավորումներից, դուք կստանաք էլեկտրոնային նամակ, ծանուցում ձեր Airbnb փոստում կամ և՛ մեկը, և՛ մյուսը։
Նույնիսկ եթե օգտագործում եք ակնթարթային ամրագրում, հյուրերը կարող են նախ ամրագրման հարցում ուղարկել ձեզ՝ ամրագրելուց առաջ մի փոքր ավելի շատ տեղեկություններ ստանալու համար։ Դուք 24 ժամ կունենաք նրանց հաղորդագրությանը պատասխանելու համար։ Նրանց հարցերին պատասխանելուց հետո կարող եք ուղարկել՝
- նախնական հաստատում, որը հյուրերին թույլ է տալիս 24 ժամվա ընթացքում ամրագրել տարածքը՝ առանց ձեր կողմից որևէ լրացուցիչ գործողության, եթե անջատել եք ակնթարթային ամրագրումը
- հատուկ առաջարկ, որը թույլ է տալիս առաջարկել զեղչ (երկարաժամկետ այցերի դեպքում հաճախ օգտագործվող)
- ծանուցում մերժման մասին, եթե չեք կարող ընդունել հյուրին՝ պայմանով, որ կատարում եք մեր Խտրականության դեմ քաղաքականության պահանջները
Ինչպես հյուրերը կարող են ամրագրել ձեր տարածքը
Հարցեր չունեցող հյուրերը կարող են տուն ամրագրել ակնթարթային ամրագրմամբ, եթե այն միացրել եք, կամ ամրագրման հայտով, եթե անջատել եք ակնթարթային ամրագրումը։
- Ակնթարթային ամրագրումն ամրագրման կանխադրված տարբերակն է բոլոր հայտարարությունների համար։ Եթե դուք օգտագործում եք այդ տարբերակը, ձեր բոլոր պահանջներին համապատասխանող և տան կանոններին համաձայնող հյուրերը կկարողանան ցանկացած ազատ ամսաթվերի համար ակնթարթորեն ամրագրել ձեր տարածքը։ Ակնթարթային ամրագրումը նաև ցույց է տալիս, որ պատրաստ եք հյուրընկալելու բոլոր նրանց, ովքեր համապատասխանում են ձեր ամրագրման չափանիշներին, ինչը անկանխակալ հյուրընկալող լինելու կարևոր պայման է։
- Ամրագրման հայտերի համար սահմանված է 24 ժամ՝ ամրագրման յուրաքանչյուր ներկայացված հայտ ուսումնասիրելու և ընդունելու կամ մերժելու համար։ Դուք կկարողանաք տեսնել հյուրերի կարծիքներն ու պրոֆիլները։ Որոշ հյուրընկալողներ, հատկապես յուրահատուկ տարածքներ կամ փոփոխական ժամանակացույցներ ունեցողները, նախընտրում են ստանալ ձեռքով ներկայացված հայտեր։
Ինչպես արդիական պահել օրացույցը
Կարող եք ճշգրտել գինը և կարգավորումները՝ տարվա տարբեր ժամանակահատվածներում տեղական պահանջարկը բավարարելու համար։ Մի քանի կարճ խորհուրդ օրացույցի վերաբերյալ.
- Արգելափակեք որոշակի ամսաթվեր, եթե գիտեք, որ չեք կարողանա հյուրընկալել
- Սահմանեք այցի նվազագույն և առավելագույն տևողություն
- Եթե ունեք այլ առցանց օրացույցներ, համաժամացրեք Airbnb օրացույցը դրանց հետ, որպեսզի միշտ տեղյակ լինեք առաջիկա ամրագրումների մասին
Լրացուցիչ մանրամասներ օրացույցի և ամրագրման կարգավորումների մասին
Երբ հասկանաք, թե հյուրերն ինչպես կարող են ամրագրել ձեր տարածքը, և ամրագրումների ինչպիսի փորձ ունեն նրանք, դուք պատրաստ կլինեք կենտրոնանալու հյուրընկալման ամենահետաքրքիր մասի՝ հյուրերին ընդունելու վրա։
Այս հոդվածում պարունակվող տեղեկությունները կարող են փոխված լինել հրապարակումից հետո։
Առանձնահատկություններ
Հյուրերը կարող են ամրագրման հարցումներ ուղարկել, եթե հարցեր ունենան ձեր տարածքի մասին
Կարող եք օգտագործել ակնթարթային ամրագրում կամ պահանջել ձեռքով ամրագրման հայտեր
Հյուրընկալման ներառականությունը հաջողակ հյուրընկալող լինելու կարևոր պայման է