Վերջին նորությունները սուպերտանտերերի գնահատումների վերաբերյալ

COVID-19-ի համավարակն ամբողջ աշխարհում հարված է հասցրել զբոսաշրջության ոլորտին և խաթարել հյուրընկալողների առօրյան։ Այս բարդ ու դժվարին ժամանակներում ձեզ աջակցելու համար մենք ժամանակավոր փոփոխություններ կատարեցինք սուպերտանտերերի գնահատման չափանիշներում։

2020 թվականի ապրիլից սկսած՝ սուպերտանտերերը կարող էին պահպանել իրենց կարգավիճակը՝ նույնիսկ առանց մեր բոլոր 4 ստանդարտ չափանիշներին համապատասխանելու։ Այժմ, երբ ճանապարհորդությունները շարունակում են ակտիվանալ, մենք վերադառնում ենք գնահատման սկզբնական գործընթացին։

Սկսած 2022 թ․ ապրիլի 1-ի գնահատումից և հետագա գնահատումների ժամանակ՝ հյուրընկալողները պետք է բավարարեն բոլոր 4 չափանիշները, որպեսզի ստանան սուպերտանտիրոջ կարգավիճակ։

4 չափանիշներն են՝

• 4,8 ընդհանուր վարկանիշի պահպանում
• պատասխանների առնվազն 90% հաճախականության պահպանում
• նախորդ տարվա ընթացքում 10 այցի հյուրընկալում (կամ 100 գիշեր առնվազն 3 ամրագրման ընթացքում)
• չեղարկման հաճախականության 1%-ից ցածր ցուցանիշի պահպանում

Երբ դառնում եք սուպերտանտեր, ձեր պրոֆիլում և հայտարարության մեջ ավելացվում է հատուկ նշանակ։ Սուպերտանտերերի գնահատումները կատարվում են տարեկան 4 անգամ՝ հունվարին, ապրիլին, հուլիսին, հոկտեմբերին, և յուրաքանչյուրի ժամանակ գնահատվում է ձեր վիճակագրությունը նախորդ 365 օրվա ընթացքում։

Մենք սկսեցինք երկարացնել սուպերտանտիրոջ կարգավիճակը 2020 թվականի ապրիլին, երբ տեղի ունեցավ սուպերտանտերերի առաջին գնահատումը COVID-19-ի ընթացքում։ Սակայն, քանի որ ճանապարհորդությունների վերականգնումը շարունակվում է, սուպերտանտիրոջ կարգավիճակ ստանալու համար անհրաժեշտ է, որ 2022 թ․ ապրիլի 1-ի գնահատման ժամանակ բոլոր հյուրընկալողները համապատասխանեն բոլոր չափանիշներին։

Ահա 4 չափանիշները՝

• 4,8 ընդհանուր վարկանիշի պահպանում
• պատասխանների առնվազն 90% հաճախականության պահպանում
• նախորդ տարվա ընթացքում 10 այց (կամ 100 գիշեր առնվազն երեք այցի ընթացքում՝ երկարաժամկետ այցերի հյուրընկալման դեպքում)
• չեղարկման հաճախականության 1%-ից պակաս ցուցանիշի պահպանում

Սուպերտանտերերի ապրիլյան գնահատման ժամանակ հաշվի կառնվի ձեր վիճակագրությունը նախորդ 365 օրվա ընթացքում, ուստի հիմա ժամանակն է ճշգրտումներ անելու, որպեսզի պատրաստ լինեք ապրիլին սուպերտանտիրոջ կարգավիճակ ստանալու։

Քանի որ սուպերտանտիրոջ գնահատման ժամանակ հաշվի է առնվում նախորդ տարվա վիճակագրությունը, եթե, օրինակ, հիմա COVID-19-ով չպայմանավորված չեղարկումների բարձր տոկոս ունեք, դա կարող է հետագայում ազդել ձեր կարգավիճակի վրա։ Հետևեք սուպերտանտիրոջ ձեր կարգավիճակին այստեղ

Խնդրում ենք նաև նկատի ունենալ, որ ցանկացած եռամսյակ, որի ընթացքում սուպերտանտերը չի համապատասխանում 4 չափանիշներից որևէ մեկին՝ ներառյալ այցերի քանակը և չեղարկման հաճախականությունը, չի ներառվի 4 հաջորդական եռամսյակների հաշվարկում, որոնք անհրաժեշտ են 100 ԱՄՆ դոլարի ճամփորդական շահակտրոն կամ Airbnb փորձառության շահակտրոն ստանալու համար։ Մեր 4 սովորական չափանիշներին համապատասխանող սուպերտանտերերի համար այս եռամսյակները հաշվի կառնվեն շահակտրոնի տրամադրման նպատակով։

Խնդրում ենք նաև նկատի ունենալ. թեև մենք ժամանակավորապես երկարաձգել ենք կարգավիճակն այն սուպերտանտերերի համար, որոնք բավարարել են մեր 4 չափանիշներից առնվազն 2-ը, սուպերտանտերերը պետք է 4 անընդմեջ եռամսյակների ընթացքում համապատասխանեն բոլոր 4 չափանիշներին, որպեսզի վաստակեն 100 ԱՄՆ դոլար արժողությամբ Airbnb շահակտրոն։ Օրինակ, եթե սուպերտանտիրոջ ձեր կարգավիճակը երկարաձգվել է 2022 թվականի հունվարին, բայց մինչև 2022 թվականի ապրիլ համապատասխանել եք ոչ բոլոր 4 չափանիշներին, ապա շահակտրոն ստանալու իրավունք կունենաք 2023 թվականի ապրիլին, եթե կարգավիճակը պահպանեք 2022 թվականի հուլիսին, 2022 թվականի հոկտեմբերին և 2023 թվականի հունվարին։