Նորություն այն հյուրընկալողների համար, որոնք օգտագործում են էլեկտրոնային փոստի լրացուցիչ հասցե
Մենք գիտենք, թե ձեզ համար որքան կարևոր է սահուն հաղորդակցությունը հյուրերի հետ, ուստի անընդհատ աշխատում ենք կապի հաստատման և տեղեկությունների փոխանակման միջոցների պարզեցման ուղղությամբ։
Մեր համայնքի գաղտնիությունը պաշտպանելու նպատակով՝ Airbnb-ն հյուրերի կամ հյուրընկալողների էլեկտրոնային հասցեները երբեք չի տրամադրել այլ հյուրերի կամ հյուրընկալողների։ Եղանակներից մեկը, որով հյուրընկալողները կարող էին հաղորդակցվել հյուրերի հետ, էլեկտրոնային փոստի լրացուցիչ հասցեի օգտագործման գործառական հնարավորությունն էր, որը եզակի և անանուն էլեկտրոնային հասցե էր ստեղծում հյուրերի համար, օրինակ՝ stephanie-dfsnsns@guest.airbnb.com։
Airbnb-ի հաղորդագրման գործիքն այն հիմնական միջոցն է, որով ամբողջ աշխարհում հաղորդակցվում են հյուրընկալողներն ու հյուրերը, և մենք 2023 թվականի սեպտեմբերի 30-ից դադարեցնելու ենք էլեկտրոնային փոստի լրացուցիչ հասցեի օգտագործման գործառական հնարավորությունը։
Եթե կարևոր փաստաթղթեր ուղարկելու համար օգտագործել եք էլեկտրոնային փոստի լրացուցիչ հասցե, կա հյուրերի հետ այս տեղեկություններով կիսվելու ևս մի քանի եղանակ.
- Airbnb-ի հաղորդագրման գործիքի օգտագործում, զանգահարում կամ տեքստային հաղորդագրություն։ Այս գործառական հնարավորությունները չեն փոխվի։
- Մանրամասն տեղեկությունների տեղադրում անմիջապես հայտարարության էջում։ Հյուրերն ըստ անհրաժեշտության կարող են օգտվել այդ տվյալներից։
- Փաստաթղթերի հղումների տրամադրում։ Հղումները կարող եք ուղարկել Airbnb-ի հաղորդագրման գործիքի միջոցով։
Մենք մշտապես կատարելագործում ենք մեր գործիքները, որպեսզի ձեզ օգնենք արդյունավետորեն հաղորդակցվել հյուրերի հետ, և կարևորում ենք ձեր կարծիքը։