Ինչ պետք է հյուրընկալողներն իմանան Airbnb-ի հայտարարության մասին

Աշխարհի շատ վայրեր սկսում են կրկին ընդունել ճանապարհորդներին, ուստի մենք կանխատեսում ենք զբոսաշրջության դարակազմիկ թռիչք։ Նախապատրաստվելու հարցում օգնելու համար Airbnb-ի գլխավոր գործադիր տնօրեն Բրայան Չեսկին ներկայացնում է նոր հաշվետվություն այն միտումների մասին, որոնք կձևավորեն զբոսաշրջության ապագան։

Նա նաև խոսում է Airbnb-ի ավելի քան 100 նոր գործիքների, գործառույթների և արդիականացումների մասին, որոնք ամբողջ աշխարհի հյուրընկալողներին կօգնեն օգտվել այս եզակի հնարավորությունից։ Մանրամասներին ծանոթանալու համար վերևում դիտեք Բրայանի հայտարարության տեսանյութը։

Այս բոլոր փոփոխությունների ընդհանուր նպատակն Airbnb-ից օգտվելը դյուրինացնելն է.

• Հյուրերի համար ավելի հեշտ է ոգեշնչվել, գտնել իրենց համար կատարյալ տարածք և արագ ամրագրել՝ օգտվելով նոր գործառույթներից, ինչպիսիք են ճկուն ուղղություններն ու ճկուն ամսաթվերը
• Նոր հյուրընկալողներին ավելի հեշտ է մեկնարկել մի քանի պարզ քայլով՝ բարելավված աջակցության և օգտակար ռեսուրսների միջոցով
• Եվ ամենակարևորը՝ հյուրընկալման համար դժվարագույն մեկ տարուց հետո, հյուրընկալողներին ավելի հեշտ է կառավարել իրենց առօրյա առաջադրանքները, ուրախացնել յուրաքանչյուր հյուրի և բարգավաճել Airbnb-ի միջոցով

Քանի որ շատ հյուրընկալողներ նախապատրաստվում են զբոսաշրջության աճող պահանջարկին, ուզում էինք մեր գործիքներն ու գործառույթները դարձնել ավելի հզոր, ավելի ինտուիտիվ և ավելի հեշտ օգտագործվող։ Ահա մեր կատարած բարելավումներից մի քանիսը.

Ավելի ինտուիտիվ և միասնական հավելված և կայք
Մի քանի կարևոր փոփոխություններ ենք կատարել Airbnb հավելվածի և կայքի հիմնական նավիգացիոն կոճակներում՝ ավելի հեշտ գտնելու այն, ինչ ձեզ հարկավոր է։ Հյուրընկալողներից այս թեմայի վերաբերյալ բազմաթիվ արձագանքներ ստանալուց հետո նաև նույնանման ենք դարձրել հավելվածից և կայքից օգտվելու փորձառությունը, որպեսզի տեսնեք միևնույն կոճակները և ներդիրները՝ անկախ այն բանից, թե որ սարքից եք օգտվում։

Ինչն է փոխվել

«Այսօր» ներդիր՝ հյուրընկալման նոր գլխավոր էջ
Որպես այս թարմացման մի մաս՝ մենք նաև ավելացրինք հյուրընկալողների համար բոլորովին նոր գլխավոր էջ, որը կոչվում է «Այսօր» ներդիր։ «Այսօր» ներդիրը մեկ տեղում ցուցադրում է ամենակարևոր առաջադրանքները, ծանուցումները և թարմացումները՝ օգնելով մեկ էկրանից կառավարել հյուրընկալման առօրյա առաջադրանքները։

Նախկինում հյուրընկալողները մեզ ասում էին, որ անհրաժեշտ տեղեկությունները գտնելը չափազանց շատ ժամանակ է խլում։ «Այսօր» ներդիրը ցանկացած սարքից հասանելի մեկ էկրան է, որը կարող եք արագ և հեշտությամբ ստուգել՝ ամրագրումներին, հայտերին, հարցումներին, նորություններին և ծանուցումներին հետևելու համար։

Մանրամասներ նոր ներդիրի մասին

Բարելավված և ավելի արագ փոստ
Յուրաքանչյուր լավ հյուրընկալող գիտի, որ 5 աստղանի հանգիստը սկսվում է հյուրերի հետ հիանալի հաղորդակցումից։ Ձեր փոստը հյուրընկալման կարևոր գործիք է, և մենք մի շարք առանցքային թարմացումներ ենք արել՝ այն ավելի լավը դարձնելու համար։

Նոր փոստը մինչև 10 անգամ ավելի արագ է և ներառում է այնպիսի առանցքային գործառույթներ, ինչպիսիք են որոնումը և զտումը, որպեսզի կարողանաք արագ գտնել կարևոր հաղորդագրությունները։ Մենք նաև ավելացրել ենք ժամանակ խնայող գործիքներ, ինչպիսիք են պլանավորված հաղորդագրությունները և արագ պատասխանները, որոնք կօգնեն ավտոմատացնել և պարզեցնել ձեր հյուրընկալման առօրյան։

Մանրամասներ այս թարմացումների մասին

Հյուրերի ժամանման նոր, ավտոմատացված ուղեցույցներ
Ժամանումը կարող է որոշիչ պահ լինել բոլոր ամրագրումների դեպքում։ Հյուրընկալողներից արձագանքներ ենք ստացել առ այն, որ ժամանումներ կառավարելը կարող է ձանձրալի և ժամանակատար լինել։

Այս ամիս մեկնարկում ենք նոր գործիք, որը հյուրերի «Ուղևորություններ» ներդիրի վերևում ժամանումից 48 ժամ առաջ ավտոմատ կերպով տեղադրում է ժամանման վերաբերյալ ամենակարևոր տեղեկությունները։

Ծանոթացեք ժամանումների նոր ուղեցույցին և նախապատրաստեք ձերը

Համայնքին աջակցելու բարելավված ծառայություններ
Համայնքին աջակցելու գործիքները և Airbnb-ի աջակցման մասնագետները հյուրընկալողների հետ մեր հարաբերությունների հիմքն են հանդիսանում։ Մենք ձեր արձագանքների հիման վրա մանրամասնորեն ուսումնասիրում ենք աջակցության փորձառությունը՝ ձեզ ավելի լավ ծառայելու համար։

Սա ներառում է աջակցման մասնագետների թվի կրկնապատկումը՝ նախորդ տարվա նույն ժամանակահատվածի հետ համեմատած, Օգնության կենտրոնի միջոցով տրամադրվող մեր հաղորդակցություններում կարեկցանքին առաջնահերթություն տալը և մեր կանոններն ավելի թափանցիկ և հետևողական դարձնելը։ Մենք նաև առաջարկելու ենք միայն սուպերտանտերերի հատուկ աջակցում, որը 2021 թ. սեպտեմբերի 30-ից հասանելի կլինի Հյուսիսային Ամերիկայում, իսկ մինչև տարեվերջ՝ ամբողջ աշխարհում։

Իմանալ ավելին մեր համայնքի բարելավված աջակցման մասին

Այս փոփոխությունները ընդամենը մի քանիսն են ավելի քան 100 բարելավումներից, որոնք ներկայացնում ենք այս ամիս։ Ձեզ խորհուրդ ենք տալիս ծանոթանալ թարմացումների ամբողջական ցանկին, փորձել նոր գործիքներն ու գործառույթները և հետադարձ կապի միջոցով հայտնել, թե ինչպես կարող ենք շարունակել կատարելագործումը։