Թարմացումներ պրոֆեսիոնալ հյուրընկալողների համար

Խմբագրի նշում. այս հոդվածը հրապարակվել է Airbnb 2023 ամառային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր պրոդուկտի վերջին թողարկման մասին։

Airbnb 2023  ամառային թողարկումը ներկայացնում է 25 արդիացում հյուրընկալողների համար, ինչպես նաև լրացուցիչ ութ արդիացում այն հյուրընկալողների համար, որոնք օգտագործում են API-ի հետ կապված ծրագրակազմ։ Դրանց օգնությամբ կարող եք ավելի հեշտությամբ հետևել ձեր հայտարարությունների որակին և կազմակերպել ձեր հյուրընկալման ամենօրյա գործողությունները։

Դուք կկարողանաք օգտվել բոլոր ութ թարմացումներից անմիջապես ձեր ծրագրակազմից, եթե ձեր ծրագրակազմը տրամադրողը համակցել է դրանք։ Եթե ոչ, կապվեք ձեր ծրագրակազմի մատակարարի հետ և պարզեք, թե երբ են դրանք հասանելի լինելու։

Անմիջապես ձեր ծրագրակազմից ավելացրեք մեկնման վերաբերյալ մանրամասն ցուցումներ ճիշտ այնպես, ինչպես տան ստանդարտ կանոնները։ Արագ կազմեք մեկնման ցուցակ՝ ընտրելով հետևյալ ընդհանուր առաջադրանքներից․ 

• Հավաքել օգտագործված սրբիչները
• Թափել աղբը
• Անջատել էլեկտրասարքերը
• Կողպել դուռը
• Վերադարձնել բանալիները

Յուրաքանչյուր առաջադրանքի համար կարող եք մանրամասներ ավելացնել։ Օրինակ՝ կարող եք նշել, որ հյուրերը սովորական աղբը դնեն մեկ աղբամանի մեջ, իսկ վերամշակվողը՝ այլ։ Կարող եք նաև ավելացնել լրացուցիչ խնդրանքներ, օրինակ՝ օգտագործելուց հետո ծածկել մանղալը։ 

Մեկնումից մեկ օր առաջ մենք կուղարկենք մեկնման ժամի և ցուցումների մասին ավտոմատ հիշեցում։ Հյուրերը կարող են նախքան ձեր տարածքն ամրագրելը ծանոթանալ մեկնման վերաբերյալ ցուցումներին՝ ճիշտ այնպես, ինչպես տան կանոններին։ Մեկնումից հետո հյուրերը կարող են ձեզ այդ մասին տեղեկացնել մեկ հպումով կամ սեղմումով։

Airbnb 2022 ձմեռային թողարկման մեջ հյուրերի և հյուրընկալողների համար ավելացրել ենք միմյանց մասին ավելի մանրամասն կարծիքներ գրելու հնարավորություն։ Երկու կողմերը կարող են ավելացնել գնահատական և մի քանի կատեգորիաներում նշել, թե ինչն է լավ եղել կամ կարող էր ավելի լավ լինել։ Օրինակ՝ հյուրերը հինգ աստղով գնահատելու հետ միասին կարող են ընտրել «միշտ արձագանքող» կամ «օգտակար ցուցումներ» կարծիքների պիտակները, եթե գնահատում են ձեզ հետ շփումը։ 

Այժմ այս գործառույթները կարող եք օգտագործել ձեր կապակցված ծրագրակազմից։ Դուք կկարողանաք հյուրերի մասին ավելի մանրամասն կարծիքներ թողնել և կարծիքներ ստանալ այն մասին, թե ինչն է դուր եկել հյուրերին և ինչը կարող էր ավելի լավ լինել։

Եթե ձեր հայտարարություններից մեկը չի համապատասխանում հյուրընկալողների համար սահմանված հիմնական կանոններին, ձեր ծրագրակազմում կստանաք տեղեկամատյան վերջին ուղևորությունների մասին, որոնք խնդիրներ են ունեցել։ Օրինակ, եթե հյուրը ժամանումը գնահատել է երկու աստղով, քանի որ չի կարողացել ներս մտնել, այդ տեղեկությունը կգրանցվի այստեղ՝ հյուրընկալումը բարելավելու համար նախատեսված թարմացումների առաջարկներով։

Տարածքի հետ կապված խնդիրները, որոնք հայտնվում են այստեղ, ցածր գնահատականների, հաճախորդների սպասարկման վերաբերյալ հյուրերի կարծիքների կամ հյուրընկալողի կողմից ամրագրման չեղարկման արդյունք են։ Տեղեկամատյանը նաև տեղեկացնում է, թե արդյոք ձեր հայտարարությունը կասեցման կամ հեռացման վտանգի տակ է։

Մենք էլեկտրոնային նամակ և push-ծանուցում կուղարկենք ձեր ծրագրակազմի մատակարարի միջոցով, եթե ձեր հայտարարություններից մեկը չի համապատասխանում հյուրընկալողների համար սահմանված հիմնական կանոններին և զգուշացում է ստացել կամ կասեցման կամ հեռացման վտանգի տակ է։ Ծանուցումը կպարունակի հայտարարության հետ կապված խնդիրների տեղեկամատյան, որտեղ ներկայացված են հաղորդված խնդիրները և առաջարկներ՝ ինչպես շտկել դրանք։ 

Դուք նաև տեղեկություններ կստանաք այն մասին, թե երբ կարող է կասեցումից հետո հայտարարությունը կրկին ակտիվացվել, ինչպես նաև տեղեկություններ, թե ինչպես կարող է բողոքարկվել հայտարարության հեռացումը։ Բողոքարկումը կարող եք կատարել միայն անմիջապես Airbnb-ի միջոցով։

Airbnb կատեգորիաները հյուրերին օգնում են բացահայտել միլիոնավոր եզակի տարածքներ ամբողջ աշխարհում։ Տարածքները դասակարգվում են ավելի քան 60 տարբեր կատեգորիաների՝ ըստ ոճի, տեղադրության կամ ճանապարհորդական գործունեության չափանիշների։

Այժմ ձեր ծրագրակազմում կարող եք պարզել, թե ինչ Airbnb կատեգորիայում է գտնվում ձեր հայտարարություններից յուրաքանչյուրը։ Սա հյուրընկալողների կողմից ամենից շատ ուղարկված հարցումն էր և այն կօգնի հասկանալ, թե ինչպես են ձեր հայտարարությունները ցուցադրվում Airbnb-ում։

Ձեր կապակցված ծրագրակազմում կստանաք ծանուցում, երբ անհրաժեշտ լինի լրացնել համապատասխանության պահանջվող ձևը կամ տրամադրել ձեռնարկության վերաբերյալ լրացուցիչ տեղեկություններ։ Եթե լրացուցիչ տեղեկությունների կարիք լինի, դուք նաև հաղորդագրություններ կստանաք ձեր ծրագրակազմում։ 

Մեզ անհրաժեշտ է հավաքել և ստուգել Airbnb-ում հյուրընկալողների ձեռնարկատիրական տվյալները՝ տեղական օրենքներին համապատասխանելու համար։ Այս թարմացումը թույլ է տալիս լինել տեղեկացված և լրացնել համապատասխանության հետ կապված պահանջվող տվյալները ձեր ծրագրակազմից։

Դուք տեղեկացրել եք, որ ուզում եք ճշգրիտ նշել, թե քանի տնային կենդանի կարող եք հյուրընկալել։ Այժմ կարող եք հեշտությամբ նշել հյուրընկալվող տնային կենդանիների առավելագույն քանակը (մինչև հինգ):

Մենք նաև տեղեկացել ենք, որ ուզում եք ձեր ծրագրակազմից նոր հայտարարության համար ակցիա առաջարկել հյուրերին։ Նոր հայտարարություն ստեղծելուց հետո ավտոմատ կիրառեք 20% զեղչի ակցիա ձեր առաջին երեք ամրագրումների համար։