Ինչպես ստեղծել հրապուրիչ և հարմարավետ տարածք

Ինչ տեսակի տարածք էլ առաջարկեք Airbnb-ում, մի քանի պարզ բան կա, որոնցով տարածքը գրավիչ և հարմարավետ կդարձնեք, երբ պատրաստվեք դիմավորելու ձեր առաջին հյուրերին։

Դիզայնի մտածված տարրերը կարող են օգնել ավելի հարմարավետ ու հրապուրիչ դարձնել ձեր տարածքը, և պարտադիր չէ, որ դրանք բարդ ու թանկարժեք լինեն։

Ահա լավ մտածված դիզայնի վերաբերյալ մի քանի խորհուրդ.

• Հատուկ առարկաներ, որոնք ցույց են տալիս ձեր անհատականությունը, օրինակ՝ հուշանվերներ ձեր ճանապարհորդություններից
• Խուսափեք չափից շատ դատարկ տեղ թողնելուց, ինչը կարող է անհետաքրքիր ու ձանձրալի դարձնել տարածքը
• Ընտրեք գունապնակ և այդ գույներին համապատասխանեցրեք ձեր արվեստի գործերը, գործվածքները և այլ մանրամասներ
• Աշխատեք ավելացնել յուրահատուկ իրեր, օրինակ՝ համարձակ ոճի լուսատու կամ հանգստի մեծ բազկաթոռ
• Աշխուժություն հաղորդելու համար ձևավորեք բույսերով կամ ծաղիկներով

Պետք է տրամադրեք առնվազն զուգարանի թուղթ, օճառ, մեկ սրբիչ ու մեկ բարձ յուրաքանչյուր հյուրի համար և անկողնային սպիտակեղեն՝ յուրաքանչյուր հյուրի անկողնու համար։

Հյուրերը նաև բարձր են գնահատում հետևյալը՝

• լրացուցիչ սրբիչներ, ծածկոցներ և բարձեր
• շամպուն և մազերի կոնդիցիոներ
• վարսահարդարիչ
• ամենօրյա պահանջարկ ունեցող ապրանքներ, օրինակ՝ սուրճ, թեյ և թեյնիկ
• մաքրման հիմնական պարագաներ
  

Լրացուցիչ տեղեկություններ հարմարությունների մասին

Ննջասենյակն այն վայրն է, որտեղ ձեր հյուրերը քնելու են, և որտեղ պահելու են իրենց իրերը, ուստի այն հարմարավետ դարձնելը շատ կարևոր է։ Մտածեք, թե ինչը կօգներ ձեզ սեփական տանը զգալ մեկ ուրիշի տարածքում։

Օրինակ՝ դուք կարող եք.

• տեղ հատկացնել անձնական իրերի համար՝ տրամադրելով դատարկ դարակներով զգեստապահարան, դատարկ կախիչներով պահարան կամ ուղեբեռի դարակ․
• լամպով սեղանիկ դնել մահճակալի կողքին, որպեսզի հյուրերը կարողանան մահճակալի մոտ պահել իրենց ակնոցը, հեռախոսը կամ գիրքը․
• տրամադրել որակյալ ներքնակ, մի քանի լրացուցիչ բարձ և փափուկ ծածկոցներ՝ տարբեր աստիճանի հարմարավետություն ապահովելու համար․
• ավելացնել որոշ բույսեր, հայելի, ջրաման ու բաժակ, հոսանքի ունիվերսալ հարմարիչ և հեռախոսի ունիվերսալ լիցքավորիչ, որպեսզի ննջասենյակը հաճելի միջավայր դառնա հյուրերի համար։

Դուք կարող եք օգնել հյուրերին վայելել իրենց այցը՝ ձեր հիանալի հյուրընկալությունն ամբողջացնելու համար կատարելով ևս մի քանի քայլ։

1. Ազատվեք անպետք իրերից։ Եթե դուք ապրում եք այն տարածքում, որը տրամադրում եք հյուրերին, մտածեք, թե ինչն եք ուզում թաքցնել կամ հեռացնել։ Ազատվելով անպետք իրերից կամ դրանք պահելով՝ կարող եք ձեր տարածքը դարձնել ավելի ընդարձակ ու գրավիչ։

2. Տրամադրեք ցուցումներ։ Հյուրերին բացատրեք, թե ինչպես օգտագործել իրենց տրամադրության տակ գտնվող սարքերն ու կենցաղային տեխնիկան (օրինակ՝ գազի բուխարին, օդորակիչը կամ ավտոտնակի դուռը)։ Կարող եք այդ ցուցումները ներառել ձեր տան ուղեցույցում։

3. Գիշերեք ձեր տարածքում։ Ժամանակ առ ժամանակ ձեր տարածքում գիշերելով՝ ավելի հեշտությամբ կպարզեք, թե ինչն է պակասում, կամ ինչն ունի բարելավման կարիք։ Տարածքը ջերմ ու գրավի՞չ է թվում։ Ունե՞ք անհրաժեշտ ամեն ինչ, որպեսզի ձեզ զգաք հարմարավետ՝ ինչպես սեփական տանը։ Բարեփոխեք այնքան, մինչև կարողանաք դրական պատասխանել այս երկու հարցին։

4. Պահպանեք մաքրություն։ Անկախ այն բանից՝ ինքնուրույն եք մաքրում ձեր տարածքը, թե պրոֆեսիոնալ հավաքարար եք հրավիրում, կարևոր է յուրաքանչյուր հյուրից առաջ ու հետո տունը պահել մաքուր ու կոկիկ և հետևել հինգփուլանի մաքրման գործընթացին։ Կարող եք ավելացնել մաքրման վճար, որը կփոխհատուցի մաքրության վրա ձեր ծախսած ժամանակը կամ հավաքարարին վճարված գումարը։ Տարածքը նախապատրաստեք հյուրերի համար՝ օգտվելով մեր կազմած ստուգացանկից։