Սուպերտանտիրոջ խորհուրդ․ ինչպես դիմավորել ԼԳԲՏՔ+ հյուրերի

Ամեն ամիս ներկայացնում ենք Հյուրընկալողների խորհրդի վերջին նորությունները և ձեզ օգնում ենք ծանոթանալ խորհրդի անդամների հետ։

Ողջույն բոլորին,

Ես Պիտեր Կվանն եմ՝ սուպերտանտեր Սան Ֆրանցիսկոյից և Հյուրընկալողների խորհրդի անդամ։ Գրեթե 10 տարի առաջ հյուրընկալող դառնալուց ի վեր՝ ես պաշտպանում էի հյուրընկալող համայնքի իրավունքները՝ ներառյալ հասարակության շրջանում հաճախ անտեսվող խմբերը, ինչպիսիք են LGBTQ+ համայնքի տարեցներն ու անդամները։

Ի նշանավորումն ԼԳԲՏՔ+ համայնքի միջոցառումների՝ ես այս ամսվա սկզբին մասնակցեցի Airbnb-ի «Հնարավոր են դարձրել (քվիր) հյուրընկալողները» միջոցառմանը։ Սա աշխույժ քննարկում էր առաջատար քվիր հյուրընկալողների մի խմբի հետ այն մասին, թե ինչպես ենք մենք, որպես ԼԳԲՏՔ+ հյուրընկալողներ, նպաստում Airbnb-ի հաջողությանը՝ տան զգացողությունն իրականություն դարձնելու առումով։

Ստորև կարող եք իմանալ, թե ինչպես օգնել ԼԳԲՏՔ+ հյուրերին ավելի ապահով զգալ ձեր տարածքում, և թե ինչ եմ շահել իմ տեղական հյուրընկալողների համայնքին միանալուց հետո։

Ես խրախուսում եմ հյուրընկալողներին, որպեսզի հայտարարության նկարագրության մեջ իրենց հարմար որևէ կերպ նշեն, որ իրենց տունն ապահով տարածք է ԼԳԲՏՔ+ հյուրերի համար։ Սան Ֆրանցիսկոյում նույնասեռ զույգերի համար փողոցով իրար ձեռք բռնած քայլելը խնդիր չէ։ Բայց շատ հյուրերի համար, որոնք գալիս են տարբեր նորմեր կամ կանոններ ունեցող երկրներից, այս տեղական ենթատեքստի տրամադրումը կարող է քաջալերիչ լինել։

Եթե հյուրընկալողը կարողանա հյուրերին հայտնել, որ գալիս են ոչ միայն անվտանգ քաղաք, այլ նաև ապահով տուն, դա կարող է մեծ վստահություն և հանգստություն հաղորդել նրանց։ Հյուրերը պետք է նախքան դռան զանգը տալը վստահ լինեն, որ նույնասեռ զուգընկերոջ հետ իրենց կդիմավորեն գրկաբաց՝ համաձայն Airbnb-ի «ամենուր ինչպես տանը» առաքելության։

Ես Սան Ֆրանցիսկոյում գիտեմ ԼԳԲՏՔ+ հյուրընկալողների, որոնց հայտարարության անկյունում կա ծիածանի դրոշով լուսանկար, իսկ նկարագրության մեջ խոսվում է նրանց ինքնության և գործունեության տեսակի մասին, որով զբաղվել են։

Կարող եք նաև կատարել ռազմավարական առումով կարևոր գործողություններ, որպեսզի ավելի հարմարավետ դարձնեք ԼԳԲՏՔ+ հյուրերի ժամանումը, օրինակ՝ առաջարկելով քաղաքի «քվիր» ուղեցույցներ, ԼԳԲՏՔ+ պատմության մասին գրքեր։ Դա շատ կարևոր է, որպեսզի հյուրերն իրենց զգան ինչպես տանը։

Հյուրընկալող դառնալուց հետո ես հասկացա, որ շատ չէին այն հարթակները, որտեղ կարող էի պատասխաններ գտնել իմ բոլոր հարցերին։

Ես 2012 թվականին հիմնադրեցի հյուրընկալող համայնքի աջակցման թիմ, և այդ ժամանակվանից մենք հանդիպում ենք ամեն ամիս։

Հյուրընկալումը կարող է շատ մեկուսի զբաղմունք լինել, ուստի սկսնակ հյուրընկալողներին խորհուրդ եմ տալիս միանալ տեղական հյուրընկալողների ակումբի կամ ստեղծել այդպիսի մի ակումբ, եթե դեռ գոյություն չունի։ Փորձերի ու սխալների փոխարեն՝ կարող եք այլ մարդկանց փորձի միջոցով սովորել, թե ինչպես դառնալ լավ հյուրընկալող, ինչպես նաև հնարավորություն կունենաք հաստատել սերտ ընկերական կապեր։

Այլ հյուրընկալողների օգնելը հիրավի շնորհակալ գործ է՝ և՛ հյուրընկալման հիմունքների իմաստով (օրինակ՝ ինչպես օգտվել հարթակից), և՛ Airbnb թիմի անդամներին հրավիրելու տեսանկյունից՝ մեր հյուրընկալողներ ակումբի հանդիպումներում բացատրելու նոր պրոդուկտները և քննարկելու կանոնակարգային փոփոխությունները։

Սովորաբար, տարեցները սոցիալապես նշանակալի խումբ չեն, երբ խոսք է գնում հյուրընկալող համայնքում ներառականության և բազմազանության մասին, և նրանք իսկապես արժանի են մեր ուշադրությանը։

Airbnb-ում ես իմացա, որ տարեցները ԱՄՆ-ում նոր հյուրընկալողների ամենաարագ զարգացող խմբերից մեկն են, իսկ ԱՄՆ-ում տարեց կանայք մշտապես ունենում են լավագույն կարծիքները։*

Որպես Հյուրընկալողների խորհրդի անդամ, ի թիվս այլ գործերի, ուզում եմ բարձրացնել տարեցների սոցիալական նշանակությունը և օգնել, որպեսզի որևէ պրոդուկտ մշակելիս Airbnb-ն հաշվի առնի նաև մեր կարիքները։

Վերջերս իմ ամենամեծ ուրախություններից է այն ենթախումբը , որը ստեղծել եմ տարեց հյուրընկալողների համար և անվանել «Ոսկե հյուրընկալողներ»։ Ես Կենսաթոշակառուների ամերիկյան ասոցիացիայի (American Association of Retired Persons, AARP) գրանցված անդամ եմ, ուստի, եթե համապատասխանում եք AARP անդամ դառնալու պահանջներին, կարող եք միանալ «Ոսկե հյուրընկալողներին»։

«Ոսկե հյուրընկալողներ» խումբն աճում է, և նրանք հյուրընկալող համայնքի իմ սիրելի անդամներից են այս օրերին։ COVID-ից առաջ մենք ամեն ամիս միասին գնում էինք որևէ անդամի տուն, և յուրաքանչյուրս մի ուտեստ էր տանում միասնական ընթրիքի համար։ Դա իսկապես հիանալի էր։

Ակումբում տարեցները միմյանց սովորեցնում են հյուրընկալման հմտություններ։ Ինչպես ցանկացած այլ խումբ, տարեցները նույնպես կարող են արագ սովորել տեխնոլոգիաներ և տեղեկանալ մեր կյանքը փոխող բազմաթիվ թվային նվաճումների մասին, կամ կարող են ունենալ առավել արդյունավետ կրթություն ապահովող կենտրոնացված ուսուցման կամ աջակցության կարիք։

• Մասնակցություն մայիս ամսին Airbnb-ի Հյուրընկալողների համաշխարհային շրջայցին և տեղեկացում մեր տարածաշրջաններում Համայնքային հիմնադրամի դրամաշնորհ ստացողների մասին
• Խորհրդատվություն բազմազանություն և տան զգացողություն ապահովող նախաձեռնությունների վերաբերյալ, ինչպիսիք են հատուկ կարիքներով անձանց համար հարմարությունների ապահովման կանոնները
• Համայնքի աջակցման վերաբերյալ հետադարձ կապի տրամադրում, օրինակ՝ Airbnb-ի Օգնության կենտրոնի բարելավումներ

Իմացեք ավելին այն մասին, թե ինչ ծրագրեր է կազմել Հյուրընկալողների խորհուրդը, և բաց չթողնեք խորհրդի անդամների ամսական նորություններն ու խորհուրդները։

*Ըստ «Airbnb-ի՝ 60-ն անց կին հյուրընկալողների աճող համայնքը» զեկույցի