Արդիացումների միջոցով կհեշտացնեք օրացույցի կառավարումը շարժական սարքում
Խմբագրի նշում. այս հոդվածը հրապարակվել է Airbnb 2023 ամառային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։
Հյուրընկալողի օրացույցը Airbnb հավելվածի ամենահաճախ օգտագործվող գործիքներից է։ Դատելով ձեր կարծիքներից՝ պարզ առաջադրանքների կատարումը շատ ժամանակ է խլում, օրինակ՝ մի քանի շաբաթ ընտրելու համար պետք է հպել առանձին ամսաթվերին։
Շարժական սարքերում օրացույցի կառավարումը հեշտացնելու համար գործարկում ենք երկու արդիացում։
Ամսաթվերի ընտրություն՝ սահեցմամբ. ընտրեք մի շարք ամսաթվեր՝ կանգնելով մեկի վրա, հետո մատն ամսաթվերի վրայով սահեցնելով դեպի ներքև՝ մյուսներն ավելացնելու համար։ Օրինակ՝ հաջորդ շաբաթը դեռ ազա՞տ է։ Կարող եք փոխել գինը այդ ամսաթվերի համար՝ առանց օրացույցը փակելու կամ այլ էկրան անցնելու։
Օրացույցի տարեկան դիտակերպ. հունիսից կկարողանաք մեկ էկրանում ցուցադրել ամբողջ տարվա ազատ ամսաթվերն ու յուրաքանչյուր ամսվա գինը։ Ընտրեք «Տարի» ձեր օրացույցի վերին մասում բացվող ընտրացանկում՝ միանգամից բոլոր 12 ամիսները ցույց տալու համար։ Ընթացիկ, ապագա և չհաստատված ամրագրումների ամսաթվերն ընդգծվում են նույն գույներով, ինչ ամսական տեսքի դեպքում։ Հպեք ցանկացած ամիս՝ այդ ամբողջ ամսվա մեկ գիշերվա գինը փոխելու համար։
Այժմ գնանշման բոլոր գործիքները գտնվում են օրացույցում՝ ձեր ձեռքի տակ։ Պարզապես հպեք էկրանի վերին աջ մասում գտնվող կարգավորումների պատկերակին։ Գնի տակ գտնվող կոճակների միջոցով կարող եք համեմատել մոտակայքում ամրագրված նմանատիպ տարածքների միջին գները կամ դիտել հյուրի վճարի և ձեր եկամտի վերաբերյալ մանրամասները։
Այս թարմացումները մաս են կազմում Airbnb 2023 ամառային թողարկման, որում ներառված է հյուրընկալողների համար 25 արդիացում։ Միացեք վաղ հասանելիությանը՝ նոր գործիքներն արդեն այսօր օգտագործելու համար։