Նախապատրաստվեք եղանակային արտակարգ իրավիճակներին

Եղանակային բարդ պայմաններին պատրաստ լինելն օգնում է պաշտպանել ձեզ, ձեր հյուրերին և ձեր սեփականությունը։

Առողջապահական օգնության և զարգացման Americares կազմակերպությունը տալիս է այս խորհուրդները՝ հյուրերին աջակցելու և փոթորիկների, պտտահողմերի և ջերմային ալիքների ժամանակ գույքին հասցվող վնասները նվազեցնելու համար։

Հյուրերը կարող են անծանոթ լինել տեղական կլիմային և այն գործողություններին, որոնք պետք է անել արտակարգ իրավիճակում։ Ահա նրանց աջակցելու մի քանի եղանակ՝ ըստ Americares-ի։

Գրի առեք կամ տպեք կարևոր տեղեկությունները և դրեք աչքի ընկնող տեղում։

• Արտակարգ իրավիճակի կոնտակտներ. նշեք ոստիկանության, հրշեջ ծառայության և շտապօգնության ծառայությունների հեռախոսահամարները՝ արտակարգ իրավիճակների ազգային գծի հետ միասին (օրինակ՝ 911, 999 կամ 112)։
• Սեփականության հասցեն. տրամադրեք ձեր տարածքի ամբողջական հասցեն, հիմնական խաչմերուկները կամ տեսարժան վայրերը և թաղամասի, շրջանի կամ գոտու անվանումը։
• Փոթորկից պաշտպանվելու ապաստարան. նշեք, թե որտեղ կարելի է ապաստանել պտտահողմի կամ փոթորկի ժամանակ, օրինակ՝ նկուղում կամ ներքին սենյակում, որտեղ պատուհաններ կամ ապակեպատ երդիկներ չկան։ 
• Տարածքի քարտեզ. նշեք հնարավոր տարհանման ուղիները, համայնքի տարհանման ապաստարանները և հովացման կենտրոնները։ Նշեք նաև, թե որ վայրերում են թույլատրվում տնային կենդանիներ։

Պատմեք սեզոնային եղանակի մասին ձեր հայտարարության, հաղորդագրությունների և չեղարկման կանոնների մեջ։

• Տան կանոններ. ավելացրեք հիմնական մանրամասներ սեզոնային եղանակի մասին։ Օրինակ՝ «Փոթորիկների սեզոնը սովորաբար հունիս–նոյեմբեր ամիսներին է»։ Խնդրում ենք հետևել եղանակի տեսությանը և տեղական պաշտոնական մարմինների հրահանգներին»։
• Արագ պատասխաններ և պլանավորված հաղորդագրություններ. օգտագործեք ձեր «Հաղորդագրություններ» ներդիրի գործիքները՝ պահելու խորհուրդները, որոնք կարող եք տրամադրել, երբ եղանակային խիստ պայմաններ են կանխատեսվում։ Օրինակ՝ կարող եք ստեղծել արագ պատասխան, որը կառաջարկի, թե որտեղ հովանալ ջերմային ալիքի ժամանակ։
• Չեղարկման կանոններ. եղանակային բարդ պայմանները կարող են լրացուցիչ վտանգ ներկայացնել օդորակիչ չունեցող և յուրահատուկ տարածքների համար, օրինակ՝ ավտոտների, վրանների և ծառի տնակների։ Չեղարկման ճկուն կանոններ առաջարկելը հյուրերին ավելի շատ ազատություն է տալիս կանխատեսումներին համապատասխան պլանավորելու համար։

Չեղարկման կանոնները, որոնք ընտրում եք ձեր հայտարարության համար, ընդհանուր առմամբ որոշում են ամրագրումների չեղարկման դեպքում գումարի վերադարձը հյուրին, եթե դուք և հյուրը այլ բանի շուրջ չեք համաձայնում։ Եթե ամրագրված տարածքի գտնվելու վայրում որևէ խոշորամասշտաբ իրադարձություն անհնար է դարձնում կամ օրենքով արգելում է ամրագրման ավարտումը, կարող է կիրառվել Airbnb-ի Խոշոր կործանարար իրադարձությունների վերաբերյալ քաղաքականությունը։ 

Խոշոր կործանարար իրադարձությունների վերաբերյալ քաղաքականության կիրառման դեպքում կարող եք չեղարկել ամրագրումն առանց վճարների ու բացասական հետևանքների, և հայտարարության օրացույցը կարգելափակվի այդ ամսաթվերի համար։ Ազդեցություն կրած ամրագրումներով հյուրերը նույնպես կարող են չեղարկել և հետ ստանալ ամբողջ գումարը։ Եթե դուք կամ ձեր հյուրերը չեղարկեք քաղաքականության շրջանակներում ընդգրկված ամրագրում, ապա դուք չեք ստանա վերջնավճար։

Americares-ը խորհուրդ է տալիս եղանակային կանխատեսումների մասին հաղորդագրություն ուղարկել ձեր հյուրերին։ Կարող եք նրանց հիշեցնել տեղական ռեսուրսների մասին և կիսվել այցի ընթացքում ինքնապաշտպանվելու վերաբերյալ խորհուրդներով։

Հարմարեցնելով տարածքը եղանակային պայմաններին՝ դուք կնվազեցնեք սեփականությանը հասցվող վնասը փոթորկի կամ պտտահողմի ժամանակ, և ձեր տարածքն ավելի հարմարավետ կլինի ջերմային ալիքի ժամանակ։ Americares-ը խորհուրդ է տալիս այս քայլերը՝ ձեր տարածքը պահպանելու և ապահով դարձնելու համար։

Այս հոդվածում պարունակվող տեղեկությունները կարող են փոխված լինել հրապարակումից հետո։