Ինչպես գրել գրավիչ վերնագիր
Վերնագիրը տարածքի յուրահատկությունների վրա ուշադրություն հրավիրելու մի հնարավորություն է։ Իսկ ինչպե՞ս դա անել մի քանի ճիշտ ընտրված բառով․ սա է մարտահրավերը։
Քանի որ Airbnb-ում որոնումների 75%-ը կատարվում է շարժական սարքերով, վերնագրերի երկարությունը սահմանափակված է 32 նիշով՝ ներառյալ բացատները։ Այդ դեպքում դրանք կիսատ չեն ցուցադրվի սմարթֆոններում և պլանշետներում, որոնք ունեն ավելի փոքր էկրաններ։
Ահա թե ինչպես գրել գրավիչ վերնագիր.
- Ավելացրեք մանրամասներ՝ առանց կրկնվող տեղեկությունների։ Պետք չէ հյուրերին ասել այն, ինչն արդեն ցուցադրված է որոնման արդյունքներում, օրինակ՝ նշել ձեր քաղաքը կամ ավանը և մահճակալների ընդհանուր քանակը։ Փոխարենը՝ ընդգծեք ձեր տարածքի հետ կապված այնպիսի բաներ, որոնք կարող են գրավել հյուրերի ուշադրությունը, օրինակ՝ լավագույն հարմարությունը կամ որևէ տեսարժան վայրի մոտ լինելը։
- Խուսափեք էմոջիներից և սիմվոլներից։ Օգտագործեք հասարակ և նկարագրական բառեր (օրինակ՝ հարմարավետ, հմայիչ, գյուղական կամ ընդարձակ)։ Հատուկ նշանների օգտագործումը լավ է, բայց դրանք մի կրկնեք շեշտելու նպատակով (օրինակ՝ !!! կամ ***)։
- Օգտագործեք սովորական նախադասության տեսքով գրված տեքստ, որը հաճախ ամենադյուրինն է կարդալու համար։ Նախադասության միայն առաջին բառի սկզբնատառը մեծատառով գրելու կանոնը նշանակում է մեծատառով գրել վերնագրի միայն առաջին բառի առաջին տառը։ Խուսափեք այլ բառերում մեծատառերի օգտագործումից, եթե դա «Ելոուսթոուն»-ի պես հատուկ գոյական չէ։
Եթե դժվարանում եք կարճ վերնագիր ընտրել, փորձեք այս վարժությունը.
- Մտածեք, թե ինչն է ձեր տարածքը դարձնում գրավիչ և անկրկնելի։
- Արագ գրի առեք մի քանի բառեր, որոնք հնարավորինս դիպուկ են նկարագրում այն։
- Մի փորձեք մի ամբողջ պատմություն պատմել, այլ պարզապես հյուրերին հրավիրեք ավելին իմանալու։
Ահա արդյունավետ վերնագրերի երեք օրինակ ոգեշնչման համար.
- Ծովափնյա հանգիստ՝ կայակներով
- Վիկտորիանական ոճի ռոմանտիկ հյուրասենյակ
- Էկոլոգիապես անվնաս ստուդիա LAX-ի մոտ
Վստահ չե՞ք, որ վերնագիրը դիպուկ է։ Կարող եք ցանկացած պահի փոխել վերնագիրը։ Իրականում, շատ հյուրընկալողներ թարմացնում են իրենց վերնագրերը, երբ հարմարություններ են ավելացնում կամ հասկանում են, թե իրենց առաջին հյուրերն ինչն են ավելի շատ գնահատում։