Ինչպես դառնալ Airbnb հյուրընկալող
Առանձնահատկություններ
Նախապատրաստեք ձեր տարածքը և ստեղծեք գրավիչ հայտարարություն
Վերահսկեք, թե երբ և ինչպես հյուրընկալեք
Եթե մտածում եք հյուրընկալելու մասին, բայց վստահ չեք, թե ինչպես գրավել հյուրերին կամ ստեղծել հիանալի պայմաններ հյուրերի համար, ապա դուք միայնակ չեք։ Airbnb հյուրընկալող դառնալը հաճելի և ներքին բավականություն պատճառող միջոց է՝ նոր մարդկանց հետ շփվելու և լրացուցիչ գումար վաստակելու համար, և բնական է, որ շատ հարցեր կունենաք սկզբնական շրջանում։
Ահա թե ինչ է պետք հյուրընկալումը սկսելու համար։
1. Գնահատեք՝ արդյոք տարածքը հարմար է
Ոչ մի տարածք չափազանց փոքր կամ չափազանց յուրահատուկ չէ Airbnb-ում առաջարկելու համար։ Յուրաքանչյուր տարածք ունի իր հյուրը։ Պարզապես պետք է սահմանել հստակ ակնկալիքներ՝ ազնվորեն և ճշգրտորեն նկարագրելով տարածքի առանձնահատկությունները՝ նեղ դռներից մինչև գյուղական ոճի սանդուղքներ։
Հյուրընկալելուց առաջ կարևոր է նաև պարզել, թե ինչ օրենքներ և հարկեր են գործում ձեր տարածաշրջանում կարճաժամկետ վարձակալությամբ տրվող տարածքների նկատմամբ։ Airbnb-ն չի կարող ձեզ տրամադրել իրավական ցուցումներ կամ հարկային խորհրդատվություն, բայց մենք կարող ենք օգնել ձեզ գտնել տեղեկություններ հյուրընկալման կանոնակարգերի վերաբերյալ։2. Տարածքը նախապատրաստեք հյուրերի համար
«Ես կարծում եմ, որ հյուրերը սովորաբար հյուրընկալողի արտացոլումն են լինում»,- ասում է սուպերտանտեր Ջեյքը՝ Կալիֆոռնիայի Բիգ Բեար Լեյք քաղաքից։ «Դուք ձեր անհատականությունն եք ներդնում ձեր տան մեջ, և դա գրավում է նմանատիպ ապրելակերպ ու ճաշակ ունեցող մարդկանց»։
Ունե՞ք վինտաժային ֆիլմերի պաստառների տարատեսակ հավաքածու։ Կամ արվեստի պատմության գրքերի ընտրանի։ Ցուցադրե՛ք դրանք։ Անհատական մանրամասները կնպաստեն, որ հայտարարությունն աչքի ընկնի։
Տարածքի գրավչությունը մեծացնելու համար ազատվեք ավելորդ իրերից և փորձեք տրամադրել հիմնական հարմարություններ, ինչպիսիք են զուգարանի թուղթը, օճառը և սրբիչները, որոնք կօգնեն հիանալի պայմաններ ստեղծել ձեր հյուրերի համար։ Լրացուցիչ շտրիխները, օրինակ՝ մի շիշ տեղական գինին կամ մի տուփ շոկոլադը, կարող են հյուրերին հաղորդել առանձնահատուկ լինելու զգացողություն։3. Առաջարկեք ձեր տարածքը
Տարածք առաջարկելը բոլորովին անվճար է։ Airbnb-ն միայն այն ժամանակ է գանձում սպասարկման վճար, երբ ամրագրումը հաստատվում է։ Սովորաբար, այս վճարը կազմում է ամրագրման ենթագումարի 3%-ը և մեզ օգնում է ծածկել Airbnb-ն գործարկելու ծախսերը, օրինակ՝ հաճախորդների շուրջօրյա աջակցությունը, հյուրընկալողների պաշտպանությունը և այլն։
Մենք ձգտում ենք պարզեցնել ձեր տարածքն առաջարկելու գործընթացը. դուք կարող եք հայտարարություն ստեղծել ընդամենը 10 հեշտ քայլով։ Մենք միշտ պատրաստ ենք օգնելու, եթե ունեք հարցեր, և կան այլ հյուրընկալողների հետ կապվելու բազմաթիվ եղանակներ։
«Որոշ վայրերում դուք կկարողանաք կապվել ինձ պես սուպերտանտեր-դեսպանի հետ»,- ասում է սուպերտանտեր Մագալին՝ Վաշինգտոնի Իսթ Վենաչի քաղաքից։ «Մենք ձեզ կօգնենք հնարավորինս սահուն դարձնել այս գործընթացը»։
Ձեր տարածքի մանրամասներն ավելացնելիս հատուկ ուշադրություն դարձրեք լուսանկարներին, քանի որ դրանք հաճախ առաջին բանն են, որ հյուրերը նկատի են ունենում նախքան ամրագրելը։ Որոշ հյուրընկալողներ վարձում են պրոֆեսիոնալ լուսանկարիչների, ուրիշները սմարթֆոններ են օգտագործում՝ իրենց տարածքի մանրամասները և ոգին պատկերող հիանալի լուսանկարներ ստանալու համար։4. Որոշեք, թե ինչպես եք հյուրընկալելու
Դուք միշտ լիարժեք վերահսկողություն կունենաք, թե երբ և ինչպես հյուրընկալեք Airbnb-ի միջոցով։ Օգտագործելով մեր օրացույցը և ամրագրման կարգավորումները՝ դուք կարող եք ձեռքով արգելափակել այն օրերը, երբ ձեր տարածքն ազատ չէ, ընտրել ժամանման և մեկնման կոնկրետ ժամեր, սահմանել, թե նվազագույնը կամ առավելագույնը քանի գիշեր կարող են մնալ հյուրերը, և ավելին։
«Մենք հենց սկզբից որոշել էինք, որ ամրագրման նվազագույն տևողությունը լինելու է երեք օր»,- ասում է Անգլիայի Արևելյան Սասեքս կոմսությունում հյուրընկալող Լյուսին։ «Արդյունքում մեր հյուրերն ավելի ուշ-ուշ էին հերթափոխում միմյանց, բայց դա ինձ թույլ տվեց ապահովել հյուրընկալման այն բոլոր լրացուցիչ մանրուքները, որոնք ինձ իսկապես հաճելի են»։
Կարող եք օգտագործել նաև ձեր տան կանոնները, որպեսզի ակնկալիքներ սահմանեք հյուրերի համար և հստակեցնեք, թե ինչն է ձեր տարածքում թույլատրված, և ինչը՝ արգելված։5. Սահմանեք գին և ստացեք վճարումներ
Թե որքան գումար կգանձեք Airbnb-ում, բացառապես դուք եք որոշում։ Գնանշման ռազմավարությունը սահմանելիս հաշվի առեք, թե ձեր տարածաշրջանում որքան են գանձում ուրիշները, ինչ հարմարություններ եք առաջարկում, ինչպես նաև՝ տարվա ժամանակաշրջանը։ Դա կօգնի գտնել մի գին, որը հարմար կլինի ձեզ և ձեր հյուրերին։
Airbnb-ն հեշտացրել է վերջնավճարի եղանակի կարգավորումը ձեր հաշվի «Վճարումներ և վերջնավճարներ» բաժնում։ Վերջնավճարի եղանակները, ի թիվս այլոց, ներառում են բանկային փոխանցումներ կամ միջոցների ուղղակի մուտքագրում հաշվին, Payoneer դեբետային քարտեր, PayPal և Western Union՝ կախված այն բանից, թե որտեղ եք բնակվում։Որտեղ գտնել աջակցություն և ռեսուրսներ
Կարևոր է հիշել, որ դուք միայնակ չեք։ Airbnb-ն հյուրընկալողներին աջակցում է տարբեր եղանակներով, այդ թվում՝
Անկախ այն բանից, թե ով եք դուք կամ ինչ տեսակի տարածք ունեք, Airbnb համայնքում տեղ կա ձեզ համար։ «Airbnb-ի առանձնահատկությունն այն է, որ մենք բոլորս տարբեր բաներ ունենք ներկայացնելու»,- ասում է Մագալին։ «Այնպես որ, մաղթում ենք հաջողություն և բարի հյուրընկալում»։
Այս հոդվածում և տեսանյութում ներկայացված հյուրընկալողները Airbnb-ի աշխատակիցներ չեն, ոչ էլ աշխատում են Airbnb-ի ղեկավարության ներքո։ Որպես հյուրընկալող հեղինակներ՝ նրանք համագործակցել են Airbnb-ի հետ, որպեսզի կիսվեն իրենց մտքերով և ստեղծեն այս տեսանյութը։ Բոլոր արտահայտված կարծիքները, անձնական դիտարկումները կամ վկայությունների վրա հիմնված պնդումները ճշմարիտ են, նրանց սեփականն են և չեն հանդիսանում Airbnb-ի պաշտոնական հայտարարություններ։
Առանձնահատկություններ
Նախապատրաստեք ձեր տարածքը և ստեղծեք գրավիչ հայտարարություն
Վերահսկեք, թե երբ և ինչպես հյուրընկալեք