Ինչպես Հռոմի թաղամասերից մեկում հարևանները մի փախստականի ողջունեցին իր նոր տանը

Հիմա Open Homes-ը դարձել է Airbnb.org

Airbnb-ի Open Homes ծրագիրը վերակազմավորվել է որպես Airbnb.org՝ բոլորովին նոր, 501(c)(3) կատեգորիայի շահույթ չհետապնդող կազմակերպություն։ Շնորհակալություն մեզ հետ միասին Open Homes համայնքը ստեղծելու համար։ Ուրախ ենք, որ դառնալու եք զարգացման այս նոր փուլի մասնակիցը։

Երբ Էլսը՝ սուպերտանտեր Հռոմից, Airbnb-ում կարդաց Open Homes ծրագրի մասին, նա հետաքրքրվեց և որոշեց գրանցվել։ Նա իր տանն ընդունում էր ճանապարհորդների ամբողջ աշխարհից, սակայն գիտեր, որ փախստականներին ժամանակավոր կացարան առաջարկելը, մինչ նրանք բնակություն կհաստատեն իրենց նոր համայնքներում, հյուրընկալության յուրահատուկ փորձ կդառնա։

Երբ Refugees Welcome Italia-ն դիմեց Էլսին՝ առաջարկելով հյուրընկալել Արևմտյան Աֆրիկայի Մալի պետությունից եկած մի երիտասարդի՝ Ֆոդեին, որը վերջերս ստացել էր փախստականի կարգավիճակ, նա ոգևորվեց ինչ-որ մեկի կյանքի վրա դրական ներգործություն ունենալու հնարավորությունից։ Դա ի վերջո վերափոխեց երկուսի կյանքը։

Ֆոդեին հյուրընկալելիս Էլսը և՛ հուզված էր, և՛ ոգևորված։ Լինելով Հռոմում բնակվող բելգիացի՝ նա գիտեր, թե ինչ է նշանակում նոր կյանք սկսել օտար վայրում, և ցանկանում էր ցուցաբերել նույնպիսի իտալական հյուրընկալություն, ինչին արժանացել էր ժամանակին։ Refugees Welcome Italia-ի սոցիալական աշխատող Սառայի շնորհիվ նա արդեն գիտեր, թե ինչ ակնկալել, ինչպես նաև գիտեր, որ Սառան պատրաստ է աջակցելու ցանկացած պահի։

Երբ Էլսը ծանոթացավ Ֆոդեի հետ, նրանց միջև կապվածություն առաջացավ։ Ֆոդեն Էլսի որդու տարիքի է, և տանտիրուհին նրա հանդեպ «մայրական բնազդ» զգաց, երբ նա պատմեց իր ճանապարհորդության մասին։ Ֆոդեի մնալու ընթացքում նրանք շատ մտերմացան։ Էլսի հարևանները նույնպես դարձան Ֆոդեի կյանքի մի մասը։ Ճիշտ այնպես, ինչպես դիմավորել էին Էլսին, երբ նա առաջին անգամ տեղափոխվեց Բելգիայից, նրանք նույն հյուրասիրությունն ու սերը ցուցաբերեցին Ֆոդեի հանդեպ։ Երբ Էլսը բացակայում էր, Ֆոդեն հաճախ էր ժամանակ անցկացնում վերևի հարկի հարևանների հետ՝ համտեսելով իտալական ուտեստներ, ծանոթանալով նրանց մշակույթին և ներկայացնելով իրենը։

Ֆոդեն ասում է, որ Էլսի հետ ապրելն ամենաերջանիկ իրողությունն էր Իտալիա հասնելուց ի վեր։ Նա զարմացել էր, որ այս բոլոր իտալացիները հոգում են իր մասին ոչ թե պարտավորությունից ելնելով, այլ իրենց ցանկությամբ։ Նոր կյանք սկսելը դժվար է, բայց մարդկանց հոգատարությունը կարող է փոխել իրավիճակը։ Այս փորձառությունը մեծապես ազդեց և՛ Էլսի, և՛ Ֆոդեի վրա։

Միացեք աճող համայնքին, որը բացահայտում է կարիքի պահին միմյանց օգնելու զորությունը։

Refugees Welcome Italia կազմակերպության մասին

Refugees Welcome Italia (RWI) կազմակերպությունը շահույթ չհետապնդող կազմակերպություն է, որը համագործակցում է Airbnb-ի Open Homes ծրագրի հետ։ RWI-ը հիմնադրվել է 2015 թվականի դեկտեմբերին՝ որպես միջազգային Refugees Welcome ցանցի մասնաճյուղ, որը փախստականներին ծանոթացնում է նրանց ժամանակավորապես հյուրընկալել ցանկացող տեղացիների (ընտանիքների, զույգերի, միայնակ մարդկանց) հետ։

Այս հոդվածում պարունակվող տեղեկությունները կարող են փոխված լինել հրապարակումից հետո։