Խտրականության քննարկում՝ Airbnb հյուրընկալողների համար հարց ու պատասխանի ընթացքում
Առանձնահատկություններ
Հյուրընկալողներն ուզում են, որ իրենց հասանելի լինեն կարևոր տեղեկություններ հյուրերի մասին
Մտահոգություններ են հնչել այն մասին, որ լուսանկարները կարող են սխալ օգտագործվել՝ խախտելով Խտրականության դեմ քաղաքականությունը
Airbnb հյուրի պրոֆիլի լուսանկարների վերաբերյալ քաղաքականությունը նման մտահոգությունները ցրելու համար է
Airbnb-ում մենք պարբերաբար դասընթացներ ենք անցկացնում հյուրընկալողների հետ՝ նրանց համար առավել կարևոր թեմաների շուրջ արդիական զրույցներ ունենալու համար։ Քննարկելու լինենք տեղադրության վարկանիշը, թե հյուրընկալողների կարծիքները՝ այս աշխատաշրջանները մի քանի ընդհանրություն ունեն. դրանք ազնիվ են, անմիջական և կարող են վերաբերել տարբեր թեմաների։
Հյուրընկալողների համայնքի տարբեր տեսանկյուններ
2018 թվականի հոկտեմբերին Airbnb-ն փոխեց հյուրերի պրոֆիլների լուսանկարների ցուցադրման կարգը՝ ամրագրման գործընթացում ավելի օբյեկտիվ որոշումների կայացումը խրախուսելու նպատակով։ Այժմ հյուրի պրոֆիլի լուսանկարները ցուցադրվում են միայն ամրագրման հաստատումից հետո։
2019 թվականի ապրիլին Լոնդոնում, հյուրընկալողների հարցուպատասխանի ժամանակ, հյուրընկալողները խոսել են այս փոփոխությունների ազդեցության մասին, ինչը հանգեցրել է կողմնակալության և խտրականության մասին հետաքրքրաշարժ քննարկման։ Անկախ դա գիտակցելուց կամ չգիտակցելուց՝ բոլորս ունենք համոզմունքներ և կողմնակալություններ տարբեր սոցիալական խմբերի և մարդկային տիպերի վերաբերյալ։ Եվ որքան էլ փորձենք լայն մտահորիզոն ունենալ, երբեմն այդ կողմնակալությունը՝ լինի դա գիտակցված, թե անգիտակցական, մեզ ստիպում է որոշումներ կայացնել, որոնք ազդում են ուրիշների վրա։Որոշ հյուրընկալողներ մտահոգություն են հայտնել թարմացման կապակցությամբ՝ ընդգծելով այն արժեքավոր դերը, որը կարող են ունենալ լուսանկարները՝ իրենց հյուրերի մասին տեղեկություններ ստանալու հարցում։ Բայց շատ ուրիշներ, օրինակ՝ Դենիսը, ողջունեցին թարմացումը՝ նշելով, թե ինչպես կարող են լուսանկարները նպաստել խտրականությանը։
«Հյուրերից շատերը մոտեցել են ինձ և ասել. «Ձեզ [որպես իմ հյուրընկալողի] ընտրելու պատճառն այն է, որ ես գիտեի, որ ինձ չեն մերժի իմ ով լինելու պատճառով»,- ասում է Դենիսը։
Լաուրա Չեմբերսը, որն այդ ժամանակ Airbnb-ի գլխավոր տնօրենն էր, քննարկումը փակեց՝ ընդունելով, որ խտրականության մասին խոսակցությունները բարդ են և դժվար, բայց դրանք նաև կարևոր են։ Խտրականության մասին խոսելը դժվար է, բայց մենք պետք է միասնաբար առճակատվենք այդ թեմային, որպեսզի կարողանանք պայքարել։
Ինչպես են հյուրի պրոֆիլի լուսանկարները գործում Airbnb-ում
Բոլորս հակված ենք կողմնակալության։ Բայց Airbnb-ի պես ընկերությունները կարող են ստեղծել գործիքներ, որոնք կանխում են մարդկանց կողմից կողմնակալ որոշումների կայացումը։ Այդ իսկ պատճառով մենք 2016 թվականին պարտավորություն ենք ստանձնել՝ գնահատելու, թե ինչպես ենք հյուրի պրոֆիլի լուսանկարները ցուցադրում ամրագրման գործընթացում։ Այժմ հյուրերի պրոֆիլների լուսանկարները չեն ցուցադրվում հյուրընկալողներին մինչև ամրագրման հաստատումը, ինչը խրախուսում է հյուրընկալողների կողմից ավելի անկողմնակալ որոշումների կայացումը։
Այս որոշմանը հասել ենք հյուրընկալողների և հյուրերի հետ մի շարք զրույցների արդյունքում։ Թեև հյուրերի մեծ մասը լուսանկար է տրամադրում, ոմանք մեզ հայտնեցին, որ չեն ուզում ամրագրելիս նկար տրամադրել։ Մենք նաև հասկանում ենք նրանց մտահոգություններն այն մասին, որ լուսանկարները կարող են սխալ օգտագործվել՝ այդպիսով խախտելով Խտրականության դեմ քաղաքականությունը։
Միևնույն ժամանակ, հյուրընկալողները մեզ ասել են, որ կարևորում են պրոֆիլի լուսանկարները, քանի որ դրանք կարող են օգնել տանտերերին և հյուրերին ճանաչել միմյանց ուղևորությունից առաջ և հյուրընկալողներին կօգնեն դեմքով ճանաչել հյուրերին, երբ նրանք ժամանեն։ Բացի այդ, մենք տեսանք, թե ինչպես լուսանկարները կարող են օգտակար գործիք լինել վստահության մեծացման և համայնքի խթանման համար։
Այսօրվա մեր քաղաքականությունը նախատեսված է փորձելու բավարարել ինչպես հյուրընկալողների, այնպես էլ հյուրերի կարիքները։ Մեր նպատակը պարզ է. ստեղծել մի աշխարհ, որտեղ յուրաքանչյուրն ամենուր իրեն կզգա ինչպես տանը։ Ամրագրման ընդունումից հետո հյուրի լուսանկարը հյուրընկալողներին ցուցադրելու միջոցով մենք պահում ենք այդ նուրբ հավասարակշռությունը։ Իմանալ ավելին այս փոփոխությունների մասինԱյս գործընթացում ձեզ պես հյուրընկալողներին ավելի մեծ վերահսկողություն տալու և նախքան ուղևորությունը հյուրերի մոտ վստահություն ստեղծելու համար կարող եք.
- Հյուրերից պահանջել Airbnb-ին տրամադրել անձը հաստատող պաշտոնական փաստաթուղթ, նախքան նրանք կկարողանան ամրագրել ձեր տարածքը
- Հաղորդագրություն ուղարկել հյուրերին՝ ուղևորության նպատակի մասին հարցնելու համար
- Ուսումնասիրել նախորդ հյուրերի կարծիքները և իմանալ, թե ուրիշ հյուրընկալողներ ինչ փորձ են ունեցել հյուրերի հետ
- Պահանջել, որ հյուրերն ունենան պրոֆիլի լուսանկար՝ չնայած լուսանկարը նախկինի պես կերևա միայն ամրագրման ընդունումից հետո
Այս քայլերը կօգնեն զորակցել հյուրընկալողներին՝ միևնույն ժամանակ փորձելով նվազեցնել խտրականությունը։ Մենք նաև ստեղծել ենք գործիքներ, որոնք բացատրում են տարբեր տեսակի կողմնակալություններ և կարծրատիպեր, ինչպես դրանք կարող են ազդել համայնքի անդամի՝ Airbnb հարթակում ունեցած փորձառության վրա, և ինչ կարող եք անել դրանք հաղթահարելու համար։
Բայց դեռ շատ անելիք կա, և մենք գիտենք, որ սա շատ կարևոր քննարկումներից մեկն է։ Մենք կշարունակենք հանդիպել հյուրընկալողների հետ, որպեսզի իմանանք, թե ինչպես կարող ենք համագործակցել, որպեսզի տարբեր ծագում ունեցող մարդիկ իրենց զգան ապահով, հարգված և ողջունված։
Առանձնահատկություններ
Հյուրընկալողներն ուզում են, որ իրենց հասանելի լինեն կարևոր տեղեկություններ հյուրերի մասին
Մտահոգություններ են հնչել այն մասին, որ լուսանկարները կարող են սխալ օգտագործվել՝ խախտելով Խտրականության դեմ քաղաքականությունը
Airbnb հյուրի պրոֆիլի լուսանկարների վերաբերյալ քաղաքականությունը նման մտահոգությունները ցրելու համար է