Ինչպես որոշել ամրագրումները հաստատելու եղանակը

Կարող եք Airbnb-ում հյուրերի ամրագրումներն ընդունել երկու եղանակներից մեկով. ավտոմատ կերպով՝ ակնթարթային ամրագրման միջոցով, կամ անձամբ՝ պատասխանելով ձեր մուտքի արկղում երևացող ամրագրման հայտերին։ Շատ հյուրեր սիրում են ակնթարթային ամրագրման հարմարավետությունը։ Այն նաև խնայում է հյուրընկալողների ժամանակը և նույնիսկ կարող է հանգեցնել ավելի շատ ամրագրումների։

Ակնթարթային ամրագրումը մի կարգավորում է, որը հյուրերին տալիս է օրացույցի ազատ ամսաթվերին ձեր տարածքն անմիջապես ամրագրելու հնարավորություն։ Պետք չէ առանձին-առանձին ուսումնասիրել և ընդունել ամրագրման յուրաքանչյուր հայտ։

Ամրագրելիս բոլոր հյուրերը պետք է ընդունեն ձեր տան կանոնները և համապատասխանեն Airbnb-ի պահանջներին։ Ձեր հայտարարությունը հրապարակելուց հետո կարող եք ավելացնել կարգավորումներ, որոնք հյուրերից պահանջում են.

• լավ համբավ ունենալ Airbnb-ում՝ երեք աստղից ոչ ցածր գնահատված կարծիքներով և առանց հաճախորդների աջակցման ծառայությանը հաղորդված միջադեպերի

• կարդալ ձեր ստեղծած և ավտոմատ ուղարկվող նախնական ամրագրման հաղորդագրությունն ու պատասխանել դրան

Ամրագրման հայտերը թույլ են տալիս Airbnb փոստի միջոցով անձամբ կառավարել հյուրերի ամրագրումները։ Երբ հյուրն ամրագրման հայտ է ուղարկում, դուք այն ընդունելու կամ մերժելու համար կունենաք 24 ժամ, որից հետո հայտի ժամկետը կավարտվի։ Կկարողանաք նախադրել ծանուցումներ, որպեսզի ապահովվի հայտերի հնարավորինս շուտ ստացումը։

Երբ հյուրն ամրագրման հայտ է ուղարկում, նշված ամսաթվերն ավտոմատ արգելափակվում են ձեր օրացույցում՝ հետագա հայտերի հետ համընկնումներ թույլ չտալու համար։ Այդ ամսաթվերը կմնան արգելափակված, եթե ընդունեք ամրագրման հայտը կամ թողեք, որ հայտի ժամկետն ավարտվի, ուստի կարևոր է արագ պատասխանել յուրաքանչյուր հայտի։

Ահա որոշ նկատառումներ, որոնք պետք է հաշվի առնել ամրագրումներ ստանալու եղանակը որոշելիս.

Ակնթարթային ամրագրում

• Հյուրերը նախընտրում են ունենալ ամրագրումներն անմիջապես հաստատելու հնարավորություն, ինչը կարող է հանգեցնել ավելի շատ ամրագրումների

• Ակնթարթային ամրագրումը ձեր փոխարեն ընդունում է ամրագրումներ՝ հիմնվելով սահմանված պարամետրերի վրա

• Դուք պետք է մշտապես արդիական պահեք օրացույցն ու այն համաժամացնեք ձեր կողմից օգտագործվող այլ օրացույցների հետ

Ամրագրման հայտեր

• Հյուրերը գնահատում են արագ պատասխանները, ուստի լավ կլինի այս տարբերակն օգտագործել միայն այն դեպքում, եթե ընդհանուր առմամբ ի վիճակի եք արագ և միշտ պատասխանել 24 ժամվա ընթացքում

• Ամրագրման հայտերը թույլ են տալիս ավելի մանրամասնորեն ներկայացնել ձեր տարածքի հատուկ կանոնները կամ առանձնահատկությունները (օրինակ՝ դեպի միակ մուտքը տանող զառիվեր սանդուղք)

• Չի թույլատրվում ամրագրման հայտերը մերժել այնպիսի պատճառներով, որոնք խախտում են Airbnb-ի Խտրականության դեմ քաղաքականությունը

Ընտրեք այն եղանակը, որի դեպքում հյուրերի ամրագրումները չեք չեղարկի անթույլատրելի պատճառներով, այլապես չեղարկումը կարող է հանգեցնել տույժերի։ Կարող եք ընտրված եղանակը ցանկացած պահի փոխել ամրագրման կարգավորումներում։

Այս հոդվածում պարունակվող տեղեկությունները կարող են փոխված լինել հրապարակումից հետո։