Ստեղծեք ուղեցույց, որտեղ կկիսվեք տեղացիների խորհուրդներով

Հյուրերը հաճախ տեղացիներից խորհուրդներ են հարցնում ճաշելու, տեսարժան վայրեր այցելելու, գնումներ կատարելու և բացօթյա հանգիստ անցկացնելու վերաբերյալ։ Ուղեցույցում կարող եք պատմել ձեր սիրելի վայրերի մասին, օրինակ՝ սուրճ խմելու կամ հիշարժան էքսկուրսիայի։

Ուղեցույցում ձեր բոլոր առաջարկները կլինեն մեկ տեղում, ինչը կհեշտացնի դրանք տրամադրելն ու թարմացնելը՝ այդպիսով խնայելով ձեր ժամանակը։

1. Կարճ գրեք։ Պետք է հյուրերի համար հեշտ լինի ձեր առաջարկներն արագ աչքի անցկացնելը։ Ներկայացրեք վայրը կամ փորձառությունը և բացատրեք, թե ինչու արժե փորձել այն։

2. Կիսվեք անձնական փորձով։ Անմիջական գիտելիքներն ու փորձն ավելի արժեքավոր են դարձնում խորհուրդները։ Ամենալավ տարբերակն այն է, որ առաջարկեք միայն այն վայրերը, որոնք անձամբ ձեզ են դուր եկել։

3. Ներկայացրեք առանձնահատկությունները․ Նշեք բացառիկ առանձնահատկությունները, օրինակ՝ ռեստորանի բացօթյա պատիոն կամ խանութում առկա տեղական ապրանքների բաժինը։

4. Ներառեք լուսանկար։ Airbnb-ն ավտոմատ կերպով պատկերներ է ավելացնում խորհուրդների մեծ մասում։ Կարող եք նաև վերբեռնել լուսանկարներ, որոնք արել եք որևէ վայրում։

5. Թարմացրեք այն։ Ժամանակ առ ժամանակ վերանայեք ձեր ուղեցույցը՝ նոր առաջարկներ ավելացնելու համար, և ստուգեք բոլոր տեղեկությունների հավաստիությունը։

Ինչպես ուղեցույց ավելացնել հայտարարության մեջ

Հյուրերը կարող են ուղեցույցը գտնել ձեր հայտարարության ու պրոֆիլի էջերում և իրենց «Ուղևորություններ» ներդիրում։ 

Կարող եք նաև արագ պատասխան ստեղծել ուղեցույցի համար և այն ուղարկել անմիջապես հյուրերին, երբ նրանք խորհուրդներ հարցնեն։